Breaking News
  • అమరావతి : బోస్టన్ కన్సల్టింగ్ గ్రూప్ నకు ఫీజు చెల్లించేందుకు పాలనా అనుమతులు ఇచ్చిన ప్రభుత్వం . బీసీజీకి 3 కోట్ల 51 లక్షల 5 వేల రూపాయల ఫీజును చెల్లించేందుకు ప్రణాళికా విభాగానికి అనుమతి మంజూరు . పాలనా వికేంద్రీకరణ, రాష్ట్రంలో అభివృద్ధి ప్రాజెక్టులపై మూడు విడతలుగా నివేదిక ఇచ్చిన బోస్టన్ కన్సల్టింగ్ గ్రూప్. బీసీజీకి ప్రోఫెషనల్ ఫీజు కింద గతంలోనే 7 కోట్ల 2 లక్షల 10 వేలను మంజూరు చేసిన ఆర్ధిక శాఖ.
  • బిహార్ ఎన్నికల్లో ఎన్డీయే సీట్ల సర్దుబాటుపై కాసేపట్లో స్పష్టత. అక్టోబర్ 1 నాటికి పూర్తికానున్న సీట్ల సర్దుబాటు ప్రక్రియ. ఎవరెన్ని స్థానాల్లో పోటీచేయాలన్న అంశంపై మొదలైన చర్చలు. బీజేపీ అధినాయకత్వానికి లేఖ రాసిన ఎల్జేపీ అధినేత చిరాగ్ పాశ్వాన్. జేడీ(యూ) - ఎల్జేపీ మధ్య లుకలకల నేపథ్యంలో బీజేపీకి లేఖ. ఎన్డీయేలో భాగస్వామిగా ఉంటూనే బిహార్ సీఎం నితీశ్‌పై గతంలో విమర్శలు చేసిన ఎల్జేపీ నేత చిరాగ్ పాశ్వాన్. బీజేపీ-జేడీ(యూ)-ఎల్జేపీ మధ్య కుదరాల్సిన సీట్ల సర్దుబాటు. జేడీ(యూ) అభ్యర్థులపై పోటీకి అభ్యర్థులను నిలబెడతానని ప్రకటించిన చిరాగ్. సీట్ల సర్దుబాటులో బీజేపీ-జేడీ(యూ) మధ్య భేదాభిప్రాయాలు. తాజా చర్చలతో పోటీ చేయాల్సిన సీట్ల సంఖ్యపై ఏకాభిప్రాయానికి వచ్చినట్టు సమాచారం.
  • ఏసీపీ నర్సింహారెడ్డి ఏసీబీ కస్టడీ పిటిషన్ విచారణ రేపటికి వాయిదా. ఏసీపీ నర్సింహారెడ్డి ని 5 రోజుల కస్టడీ కోరుతూ ఏసీబీ కోర్టులో పిటిషన్ దాఖలు చేసిన ఏసీబీ అధికారులు. ఏసీబీ కస్టడీ పిటిషన్ పై కౌంటర్ దాఖలు చేసిన ఏసీపీ నర్సింహారెడ్డి తరపు న్యాయవాది. వాదనలు విన్న ఏసీబీ కోర్ట్ విచారణకు ను రేపటికి వాయిదా.
  • కరోనా బారినపడ్డ గోవా డీజీపీ ముకేశ్ కుమార్ మీనా. వెల్లడించిన గోవా ఆరోగ్య శాఖ.
  • వైఎస్ఆర్ జలకళ కార్యక్రమాన్ని వీడియో కాన్ఫరెన్స్ ద్వారా ప్రారంభించిన సీఎం జగన్. జిల్లా కలెక్టరేట్ నుంచి పాల్గొన్న మంత్రి శంకరనారాయణ, ఎమ్మెల్యేలు, ఎమ్మెల్సీలు, ఎంపీ మాధవ్. ప్రభుత్వ ఆర్ట్స్ కళాశాల వద్ద బోరు బావులను తవ్వే రిగ్గు వాహనాలను జెండా ఊపి ప్రారంభించిన ప్రజా ప్రతినిధులు. రింగు వాహనాలతో నగరంలో భారీ ర్యాలీ.
  • చెన్నై: ఎస్పీ బాలు హాస్పిటల బిల్లుల వివాదంపై ఎంజీఎం ఆసుపత్రి యాజమాన్యం, ఎస్పీ చరణ్ సంయుక్త ప్రెస్ మీట్. మా ఆసుపత్రి మీద రూమర్లు సృష్టించవద్దు. బిల్లుల విషయంలో ఎలాంటి వివాదం లేదు. మేము ప్రతివారం బిల్లులు చెల్లిస్తూనే ఉన్నాము. చివర్లో బిల్లు కట్టవలసిన అవసరం లేదని ఆసుపత్రి యాజమాన్యం చెప్పింది. కానీ మూడు కోట్ల బిల్లు అయిందని ఇంకా కోటిన్నర పెండింగ్ ఉందని అందుకనే నాన్నగారి భౌతిక కాయాన్ని అప్పగించలేదని కట్టు కథలు అల్లారు. ఉపరాష్ట్రపతి వెంకయ్యనాయుడు గారు ఆయన కుమార్తె దీపా వెంకట్ బిల్లు చెల్లించారంటూ ప్రచారం చేశారు. మేము నాన్నని కోల్పోయి బాధలో ఉంటే మమ్మల్ని ఇలాంటి తప్పుడు ప్రచారాలతో ఇంకా బాధ పెడుతున్నారు. తామరై పక్యం లో నాన్నగారి స్మృతి వనం నిర్మిస్తాము. నాన్నగారి కి భారత రత్న వస్తే సంతోషమే.. వాళ్ళు ఇచ్చినా ఇవ్వకపోయినా మాకు ఎప్పుడూ ఆయన భారతరత్నే. ఆయన ఏ ప్రోగ్రామ్ కి హాజరైనప్పుడు కరోనా సోకిందనేది ఇప్పుడు అప్రస్తుతం.. జరగాల్సిన నష్టం జరిగిపోయింది..మేము నాన్నగారిని కోల్పోయాము. ఇప్పటికైనా నాన్నగారి మీద దుష్ప్రచారాలు ఆపండి.

రూ.13 లక్షలు క్లియర్‌ చేసి మృతదేహాన్ని తీసుకెళ్లండి

కరోనా వేళ పలు ప్రైవేట్ ఆసుపత్రులు తమ చేతి వాటం ప్రదర్శిస్తున్నాయి. రోగుల వద్ద నుంచి అధిక డబ్బులను వసూలు చేస్తున్నాయి.

Private Hospital Bill to Corona deceased person, రూ.13 లక్షలు క్లియర్‌ చేసి మృతదేహాన్ని తీసుకెళ్లండి

Private Hospital Bill to Corona deceased person: కరోనా వేళ పలు ప్రైవేట్ ఆసుపత్రులు తమ చేతి వాటం ప్రదర్శిస్తున్నాయి. రోగుల వద్ద నుంచి అధిక డబ్బులను వసూలు చేస్తున్నాయి. కొన్ని ఆసుపత్రులు డిశ్చార్జ్ చేసే సమయంలో, చనిపోయినప్పుడు మృతదేహాన్ని అప్పగించే సమయంలో డబ్బులు ఇవ్వాలంటూ డిమాండ్ చేస్తున్నాయి. తాజాగా అలాంటి ఘటనే బెంగళూరులో చోటుచేసుకుంది. కరోనా బారిన పడిన ఓ 74ఏళ్ల వృద్ధుడిని కుటుంబ సభ్యులు ఓ ప్రైవేట్ ఆసుపత్రికి తీసుకెళ్లారు. చికిత్స పొందుతూ అతడు గురువారం కన్నుమూశారు. ఈ క్రమంలో ఆసుపత్రి మొత్తం బిల్లును రూ.13,54,337గా వేసింది. అందులో రూ.6,55,000లను వృద్ధుడి కుటుంబం  కట్టింది. అయితే మిగిలిన డబ్బును కట్టిన తరువాత మృతదేహాన్ని తీసుకెళ్లాలని ఆసుపత్రి వర్గాలు తెలిపాయి. దీంతో వృద్ధుడి కుటుంబ సభ్యులు ఆందోళన వ్యక్తం చేస్తున్నారు.

ప్రభుత్వం విధించిన రేట్ల ప్రకారం రోజుకు రూ.25వేల చొప్పున వేసినా, 22 రోజులకు గానూ మొత్తం రూ.5,50,000 అవుతుంది. కానీ ఆసుపత్రి వర్గాలు రూ.13లక్షలకు పైనే బిల్లు వేసింది. ఇక ఈ విషయంపై ఆ వ్యక్తి తనయుడు ఆసుపత్రి డాక్టర్‌తో మాట్లాడగా.. కావాలంటే సంతకం లేకుండా బ్లాంక్‌ చెక్ ఇచ్చి మృతదేహాన్ని తీసుకెళ్లమని చెప్పినట్లు తెలుస్తోంది. ఆ తరువాత అతడు మాట్లాడుతూ.. ”మేము చెక్ ఇవ్వలేదు. మా నాన్నకు కేవలం దగ్గు మాత్రమే ఉండగా.. పరీక్షల్లో పాజిటివ్‌గా తేలింది. దీంతో ఆసుపత్రిలో చేర్చాము. అయితే రెండో రోజు నుంచే వారు మా తండ్రిని వెంటిలేటర్‌పై పెట్టారు. గురువారం ఆయన మరణించారు 13లక్షలను మేము ఎలా కట్టగలం” అని ప్రశ్నించారు.

ఇదిలా ఉంటే ఓ ఎన్జీవో సాయంతో ఎట్టకేలకు ఆ వ్యక్తి మృతదేహాన్ని ఆసుపత్రి వర్గాలు, కుటుంబ సభ్యులకు అప్పగించాయి. మరోవైపు ఈ ఘటనపై ఆసుపత్రి వర్గాలు స్పందించాయి. ”జూలై 14న ఆ వ్యక్తిని ఆసుపత్రికి తీసుకువచ్చిన సమయంలో న్యుమోనియా, తీవ్రమైన శ్వాసకోశ ఇబ్బందితో బాధపడుతున్నారు. 21 రోజులు అతడిని వెంటిలేటర్‌పై ఉంచాం. అంతేకాదు అతడికి మిగిలిన ఆరోగ్య సమస్యలు ఉండటంతో చికిత్స అందించాం. అందుకే అంత ఖర్చు అయ్యింది” అని తెలిపాయి.

Read This Story Also: ఏపీలో కరోనా టెర్రర్‌: 10,080 కొత్త కేసులు.. 97 మరణాలు

Related Tags