Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

బెంగాల్ రాజకీయాల్లో పీకే… టార్గెట్ 2021

Prashant Kishor TMC's Martyrs' Day Rally, బెంగాల్ రాజకీయాల్లో పీకే… టార్గెట్ 2021

పశ్చిమబెంగాల్‌లొ మమతా బెనర్జీకీ బీజేపీ షాకిస్తున్న సంగతి తెలిసిందే. ఇప్పటికీ ఆపార్టీలోకి తృణమూల్ ఎమ్మెల్యేలు జంప్ అవుతూనే ఉన్నారు. ఈ పరిస్థితిలో దీదీ నేతృత్వంలోని టీఎంసీ ప్రతిష్ట మసకబారే పరిస్థితికి వచ్చింది. ఇటీవల జరిగిన లోక్‌సభ ఎన్నికలలో బీజేపీ అత్యధిక సంఖ్యలో సీట్లు గెలుచుకుని టీఎంసీని ఇరకాటంలోకి నెట్టింది. ఈ పరిస్థితిలో తృణమూల్ కాంగ్రెస్.. రాజకీయ వ్యూహకర్త ప్రశాంత్ కిషోర్ సాయం తీసుకోవాలని నిర్ణయించింది . ఇప్పటివరకు ప్రశాంత్ కిషోర్‌తో దీదీ మూడుసార్లు సమావేశమై పార్టీ ప్రస్తుత పరిస్థితిని వివరించారు. తిరిగి పార్టీ పుంజుకోడానికి తీసుకోవాల్సిన చర్యలపై వీరిద్దరూ పలుమార్లు సమీక్షించారు.

మరోవైపు 1993, జులై 21న లెఫ్ట్ హయాంలో పోలీసుల కాల్పుల్లో 13 మంది యూత్ కాంగ్రెస్‌ కార్యకర్తలు మరణించిన నేపథ్యంలో టీఎంసీ ప్రతి సంవత్సరం ర్యాలీని నిర్వహిస్తోంది. దీదీ ఆసమయంలో యూత్ కాంగ్రెస్ నాయకురాలిగా ఉన్నారు. అదే పంథాలో ఆదివారం కోల్‌కతాలో తృణమూల్ కాంగ్రెస్‌ మెగా మార్టిర్స్‌ డే ర్యాలీ నిర్వహించనుంది. ఈ ర్యాలీలో పీకే కూడా హాజరు కానున్నారు. రాజకీయ చదరంగంలో వేయాల్సిన ఎత్తులు బాగాతెలిసిన ప్రశాంత్ కిషోర్.. ఈ ర్యాలీ సందర్భంగా బెంగాల్ ప్రజలు ఏం కావాలనుకుంటున్నారో అర్ధంచేసుకోనున్నారు.

ఇదిలా ఉంటే 2021లో జరగనున్న బెంగాల్ ఎన్నికలకు ఇప్పటినుంచి పీకే తన మార్క్ వ్యూహాలను సిద్ధం చేసి దీదీకి ఇవ్వనున్నట్టుగా టీఎంసీ ప్రతినిధులు చెబుతున్నారు. ఎన్నికల వ్యూహకర్తగా దేశంలో మంచి పేరున్న ప్రశాంత్ కిషోర్ వ్యూహాలతో ఏపీలో వైఎస్ జగన్ ముఖ్యమంత్రి పీఠాన్ని అధిరోహించారు. ఈ నేపథ్యంలో మమతా బెనర్జీ కూడా పీకే అడుగుజాడల్లో నడవాలని నిర్ణయించినట్టుగా తెలుస్తోంది. చాపకింద నీరులా బెంగాల్‌లో విస్తరిస్తున్న బీజేపీని బెంగాల్ దరిదాపుల్లో లేకుండా చేయాలని ప్లాన్ చేస్తుంది తృణమూల్ కాంగ్రెస్.