సర్‌ప్రైజ్ అన్న ప్రభాస్.. వెయిటింగ్ అంటోన్న ఫ్యాన్స్

డార్లింగ్స్.. రేపు మీకో సర్‌ప్రైజ్ ఉందంటూ యంగ్ రెబల్‌స్టార్ ప్రభాస్ తన సోషల్ మీడియాలో పేర్కొన్నారు. రేపు మీకు ఓ సర్‌ప్రైజ్ ఉంది. స్టే ట్యూన్డ్. సాహో సర్‌ప్రైజ్ అంటూ ప్రభాస్ ఇన్‌స్టాగ్రామ్‌లో తెలిపాడు. దీనిపై నెటిజన్లు వెయిటింగ్ అంటూ కామెంట్లు పెడుతున్నారు.

https://www.instagram.com/p/BxrKP4OnlUI/

కాగా సుజీత్ దర్శకత్వంలో ప్రభాస్ సాహోలో నటిస్తోన్న విషయం తెలిసిందే. యాక్షన్ ఎంటర్‌టైనర్‌గా తెరకెక్కుతోన్న ఈ చిత్రాన్ని భారీ బడ్జెట్‌తో నిర్మిస్తున్నారు. ఇప్పటికే ఈ మూవీ నుంచి చాప్టర్ 1, చాప్టర్ 2 అంటూ మేకింగ్ వీడియోలు విడుదలయ్యాయి. ఈ నేపథ్యంలో మంగళవారం టీజర్‌ విడుదల అవ్వనున్నట్లు తెలుస్తోంది. ఇదిలా ఉంటే సాహో చిత్రంలో ప్రభాస్ సరసన శ్రద్ధా కపూర్ నటిస్తుండగా.. నీల్ నితిన్ ముఖేశ్, వెన్నెల కిశోర్, మురళీ శర్మ, జాకీ ష్రాఫ్ తదితరులు కీలక పాత్రలలో కనిపించనున్నారు. యూవీ క్రియేషన్స్ నిర్మిస్తోన్న ఈ చిత్రానికి బాలీవుడ్ త్రయం శంకర్- ఇషాన్- లాయ్ సంగీతం అందిస్తుండగా.. ఆగష్టు 15న ప్రేక్షకుల ముందుకు తీసుకువచ్చేలా సన్నాహాలు చేస్తున్నారు. బాహుబలి తరువాత ప్రభాస్ నటిస్తోన్న ఈ చిత్రంపై భారీ అంచనాలు ఉన్నాయి.