ఫైజర్ వ్యాక్సిన్ తీసుకున్న రెండు రోజులకే, హెల్త్ వర్కర్ మృతి, నూతన సంవత్సర వేళ ..విషాదం ..ఎక్కడంటే ?

పోర్చుగీస్ లో ఫైజర్ వ్యాక్సిన్ తీసుకున్న రెండు రోజులకే ఓ హెల్త్ వర్కర్ మరణించింది. సోనియా ఎసివిడో అనే ఇద్దరు పిల్లల తల్లి అయిన ఈమె డిసెంబరు 30 న ఈ వ్యాక్సిన్ తీసుకుంది. కానీ రెండు రోజులకే ఎలాంటి సైడ్ ఎఫెక్ట్స్ లేనప్పటికీ హఠాత్తుగా శుక్రవారం మృతి చెందింది. పిల్లల ఆసుపత్రిలో పని చేస్తున్న తన కూతురు ఈ వ్యాక్సిన్ తీసుకున్న వెంటనే ఇలా ఎందుకు మరణించిందో అధికారుల నుంచి, ప్రభుత్వం నుంచి తనకు సమాధానం కావాలని ఈమె తండ్రి కోరుతున్నారు.  కాగా సోనియా ఎసివిడో మృతికి సంబంధించి అటాప్సీ రిపోర్టు అందాల్సి ఉంది. ఇప్పటివరకు  కరోనా వైరస్ టీకామందులపై తమకు ఎలాంటి సందేహం లేదని, కానీ ఇప్పుడు ఆందోళన చెందాల్సి వస్తోందని  ఈమె తండ్రి  అన్నారు. పోర్చుగీస్ లో 4,27000 కరోనా వైరస్ కేసులు నమోదయ్యాయి. ఈ కేసుల్లో 7,118 మంది రోగులు మృతి చెందారు.  ఫైజర్ వ్యాక్సిన్ తీసుకున్న ఓ హెల్త్ వర్కర్ ఎలా మరణించిందన్న దానిపై  దర్యాప్తు జరిపిస్తామని అధికారులు చెబుతున్నారు.

Also Read:

PM Modi To Inaugurate: కొచ్చి – మంగళూరు గ్యాస్ పైప్‌లైన్‌ను ప్రారంభించనున్న ప్రధాని మోడీ…

Bird Flu In India: చికెన్‌, గుడ్లపై నిషేధం.. అప్రమత్తంగా ఉండాలని సూచించిన ప్రభుత్వం.

పెరిగిపోతున్న కరోనా వైరస్ కేసులు, బ్రిటన్ లో రెండు నెలల పాటు పూర్తి లాక్ డౌన్, ప్రధాని బోరిస్ జాన్సన్ ప్రకటన.