Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

‘ఆర్ఆర్ఆర్’: ఎన్టీఆర్‌కు జోడిగా ఆ భామ ఫిక్స్..!

NTR Pair in RRR, ‘ఆర్ఆర్ఆర్’: ఎన్టీఆర్‌కు జోడిగా ఆ భామ ఫిక్స్..!

ఎన్టీఆర్, రామ్ చరణ్‌లతో దర్శకధీరుడు రాజమౌళి తెరకెక్కిస్తోన్న ప్రతిష్టాత్మక చిత్రం ‘ఆర్ఆర్ఆర్’ శరవేగంగా షూటింగ్ జరుపుకుంటోంది. ఫిక్షనల్ కథాంశంతో తెరకెక్కుతోన్న ఈ చిత్రంలో రామ్ చరణ్ అల్లూరి సీతారామరాజుగా, ఎన్టీఆర్ కొమరం భీమ్‌గా కనిపించబోతున్నారు. ఇక ఈ చిత్రంలో చెర్రీ కోసం అలియా భట్‌ను, ఎన్టీఆర్ కోసం డైసీ ఎడ్గర్ జోన్స్‌ను ఎన్నుకున్నారు. అయితే కొన్ని కారణాల వలన డైసీ జోన్స్ ‘ఆర్ఆర్ఆర్’ నుంచి తప్పుకుంది. దీంతో ఆ పాత్ర కోసం మరోసారి పలువురు తారలను చూసిన రాజమౌళి.. చివరగా ఓ భామను ఎంచుకున్నట్లు తెలుస్తోంది.

అమెరికాకు చెందిన నటి, సింగర్ ఎమ్మా రాబర్ట్స్‌ను ఆర్ఆర్ఆర్‌ కోసం ఎంపిక చేసినట్లు టాక్. దీనికి సంబంధించి ఆమెతో సంప్రదింపులు కూడా జరిగినట్లు సమాచారం. మరి ఇందులో నిజమెంతో తెలియాలంటే చిత్ర యూనిట్ అధికారికంగా ప్రకటించాల్సిందే. కాగా ఈ సినిమాలో బాలీవుడ్ నటుడు అజయ్ దేవగన్, తమిళ నటుడు సముద్ర ఖని మరో కీలక పాత్రలలో కనిపించనున్నారు. డీవీవీ దానయ్య నిర్మిస్తోన్న ఈ మూవీకి కీరవాణి సంగీతం అందించనుండగా.. వచ్చే ఏడాది ప్రేక్షకుల ముందుకు రానుంది.

NTR Pair in RRR, ‘ఆర్ఆర్ఆర్’: ఎన్టీఆర్‌కు జోడిగా ఆ భామ ఫిక్స్..!

కాగా 2001లో హాలీవుడ్‌లోకి ఎంట్రీ ఇచ్చిన ఎమ్మా రాబర్ట్స్ గ్రాండ్ చాంపియన్, స్పైమేట్, వైల్డ్ చైల్డ్, హోటల్ ఫర్ డాగ్స్, స్క్రీమ్ 4, ఐ యామ్ మైఖేల్, ఇన్ ఎ రిలేషన్ షిప్, ఫ్యారడైజ్ హిల్స్ వంటి సినిమాల్లో నటించారు. వాటితో పాటు పలు టెలివిజన్ షోలు, మ్యూజిక్ ఆల్బమ్స్‌లో నటించారు ఎమ్మా.