పెళ్లై 11 రోజులు.. భర్తను అరెస్ట్ చేయించిన పూనమ్‌
బాలీవుడ్ బ్యూటీ పూనమ్‌ పాండే ఇటీవలే పెళ్లి చేసుకున్న విషయం తెలిసిందే. గత కొన్ని నెలలుగా ప్రేమించిన సామ్ బాంబేను ఆమె పెళ్లి చేసుకున్నారు.
Poonam Pandey news: బాలీవుడ్ బ్యూటీ పూనమ్‌ పాండే ఇటీవలే పెళ్లి చేసుకున్న విషయం తెలిసిందే. గత కొన్ని నెలలుగా ప్రేమించిన సామ్ బాంబేను ఆమె పెళ్లి చేసుకున్నారు. పెళ్లిలోనూ ఈ జంట తమ ప్రేమను చూపించారు. మనచుట్టూ ఎవరూ లేరు అన్నంత సాన్నిహిత్యంగా ఫొటోలకు ఫోజులు ఇచ్చారు. ఆ ఫొటోలు సోషల్ మీడియాలో వైరల్‌గా మారాయి. అయితే వీరి పెళ్లి జరిగి 11 రోజులు పూర్తి కాగా.. ఈ లోపే తన భర్తపై పోలీసులకు కంప్లైట్ ఇచ్చారు పూనమ్‌.
ఇటీవల సినిమా షూటింగ్ కోసం పూనమ్‌ గోవా వెళ్లగా.. తన భర్త తనను వేధిస్తున్నాడంటూ కెనాకోనా గ్రామ పోలీసులకు ఆమె ఫిర్యాదు చేశారు. సామ్ తనపై దాడి చేశాడని ఆ ఫిర్యాదులో పేర్కొన్నారు. దీంతో పోలీసులు సామ్‌ని మంగళవారం అరెస్ట్ చేశారు. ఆ తరువాత వైద్య పరీక్షల నిమిత్తం పూనమ్‌ని ఆసుపత్రికి పంపారు. అయితే ప్రేమించి పెళ్లి చేసుకున్న పూనమ్‌.. కేవలం పదిహేను రోజులకే భర్తపై ఫిర్యాదు చేయడం సంచలనంగా మారింది. మరి సామ్ తన వెర్షన్‌ ఏం చెప్తాడో చూడాలి.
Read More:
