KTR: ‘రేవంత్, ఈటల రహస్య భేటీ’… మంత్రి కేటీఆర్ సంచలన వ్యాఖ్యలు

తెలంగాణ మంత్రి కేటీఆర్ సంచలన వ్యాఖ్యలు చేశారు. బీజేపీ నేత ఈటల, తెలంగాణ కాంగ్రెస్ ప్రెసిడెంట్ రేవంత్ రెడ్డి గోల్కోండ రిసార్ట్‌లో రహహ్యంగా కలిశారని కేటీఆర్ పేర్కొన్నారు. వారు కలిసిన ఆధారాలు తమ వద్ద ఉన్నాయన్నారు. తెలంగాణ కాంగ్రెస్ ఇన్‌ఛార్జ్ మాణిక్య ఠాగూర్ 50 కోట్లకు అమ్ముడుపోయి.. రేవంత్‌కు పార్టీ పగ్గాలు ఇచ్చారన్నారు. గాంధీభవన్‌లో గాడ్సేలు దూరారని ఎద్దేవా చేశారు. ఆర్ఆర్ఆర్ మూలాలు ఉన్న వ్యక్తులకు కాంగ్రెస్‌లో అగ్ర తాంబూలాలు ఇవ్వడం విడ్డూరంగా ఉందన్నారు. బీజేపీ, కాంగ్రెస్ కుమ్మక్కయ్యానని కేటీఆర్ ఆరోపించారు. చీకటి ఒప్పందాలను హుజూరాబాద్ ప్రజలు తిప్పికొడతారని చెప్పారు. బీజేపీ, కాంగ్రెస్ ఉమ్మడి అభ్యర్థిగా ఈటల బరిలో ఉన్నారని పేర్కొన్నారు.  ఎన్నికల కమిషన్ సైతం రాజ్యాంగబద్ధమైన పరిధిని దాటి వ్యవహరిస్తున్నట్లు అనిపిస్తుంన్నారు. ఇప్పటికే ప్రారంభమైన దళిత బంధు పథకంను ఆపడం ఎంతవరకు సమంజసమో ఆలోచించుకోవాలన్నారు కేటీఆర్‌. ఇప్పుడు పక్క జిల్లాలకు మోడల్ కోడ్ ఆఫ్ కండక్ట్ అంటున్న ఎలక్షన్ కమిషన్ భవిష్యత్తులో పక్క రాష్ట్రాలకు సైతం విస్తరిస్తూ ఉందేమో అనిపిస్తుందని వ్యాఖ్యానించారు.

టీఆర్ఎస్ ప్లీనరీ ఏర్పాట్లు పరిశీలించిన కేటీఆర్

తెలంగాణ రాష్ట్ర సమితి సంస్థాగత ఎన్నికల్లో భాగంగా పార్టీ రాష్ట్ర అధ్యక్షుణ్ని ఈనెల25న ఎన్నుకోనున్నారు. హైదరాబాద్​ హెచ్​ఐసీసీలో జరిగే పార్టీ ప్లీనరీ సమావేశంలో ఈ ఎన్నిక జరగనుంది. టీఆర్‌ఎస్ పార్టీ ప్లీనరీ సమావేశాల నిర్వహణకు సంబంధించి మాదాపూర్‌లోని హైటెక్స్‌లో ఏర్పాట్లు శరవేగంగా సాగుతున్నాయి. టీఆర్‌ఎస్ వర్కింగ్ ప్రెసిడెంట్, రాష్ట్ర మంత్రి కేటీఆర్ హైటెక్స్ ప్రాంగణాన్ని పరిశీలించారు. టీఆర్‌ఎస్ ద్విదశాబ్ది వేడుకల్లో భాగంగా నిర్వహిస్తోన్న ప్లీనరీ సమావేశానికి వచ్చే ప్రతినిధుల కోసం చేస్తున్న ఏర్పాట్లపై మంత్రి ఆరా తీశారు. సభా వేదిక, పార్కింగ్ ప్రదేశాలు పరిశీలించారు. హైటెక్స్‌ వెళ్లే మార్గంలో సమావేశం రోజున ట్రాఫిక్‌ నియంత్రణకు సంబంధించి తీసుకుంటున్న చర్యలపై పోలీసు అధికారులతో మాట్లాడారు.

Also Read: ఇంగువతో ఎన్ని ప్రయోజనాలు ఉన్నాయో తెలిస్తే మీరు షాకవుతారు..

పిల్లలు లేరనే కారణంతో భార్యను గుండ్లకమ్మ జలాశయంలోకి తోసేశాడు