తెలంగాణలో ముగిసిన నామినేషన్లు.. చివరి రోజు నామినేషన్‌ వేసిన టీఆర్‌ఎస్ అభ్యర్థి పల్లా రాజేశ్వర్‌రెడ్డి

తెలంగాణలో పట్టభద్రుల ఎమ్మెల్సీ ఎన్నికలకు నామినేషన్ల గడువు ముగిసింది. త్వరలో జరగనున్న మహబూబ్‌నగర్‌ - రంగారెడ్డి- హైదరాబాద్, ఖమ్మం-నల్లగొండ-వరంగల్ గ్రాడ్యుయేట్..

  • K Sammaiah
  • Publish Date - 4:26 pm, Tue, 23 February 21
తెలంగాణలో ముగిసిన నామినేషన్లు.. చివరి రోజు నామినేషన్‌ వేసిన టీఆర్‌ఎస్ అభ్యర్థి పల్లా రాజేశ్వర్‌రెడ్డి

తెలంగాణలో పట్టభద్రుల ఎమ్మెల్సీ ఎన్నికలకు నామినేషన్ల గడువు ముగిసింది. త్వరలో జరగనున్న మహబూబ్‌నగర్‌ – రంగారెడ్డి- హైదరాబాద్, ఖమ్మం-నల్లగొండ-వరంగల్ గ్రాడ్యుయేట్ ఎమ్మెల్సీ స్థానాలకు పెద్ద ఎత్తున నామినేషన్లు దాఖలు అయ్యాయి. ఒక్క జీహెచ్‌ఎంసీ పరిధిలోనే 60 మందికిపైగా అభ్యర్థుల నామినేషన్ దాఖలు చేశారు.

ఇక బుధవారం నామినేషన్ల పరిశీలన, 26న ఉపసంహరణకు గడువుగా నిర్ణయించారు. మార్చి14న ఉదయం 8 గంటల నుంచి సాయంత్రం 4 వరకు పోలింగ్ జరుగనుంది. మార్చి17న ఫలితాలు వెల్లడిస్తారు. టీఆర్‌ఎస్‌తో పాటు విపక్ష పార్టీలు సైతం ఈ రెండు స్థానాలను ఎంతో ప్రతిష్టాత్మంగా భావించి, ఇప్పటికే ప్రచారాన్ని ప్రారంభించాయి. పట్టభద్రులను ప్రసన్నం చేసుకునేందుకు నేతలు ప్రయత్నిస్తున్నారు.

హైదరాబాద్-రంగారెడ్డి-మహబూబ్‌నగర్‌ స్థానం నుంచి టీఆర్‌ఎస్‌ అభ్యర్థిగా మాజీ ప్రధానమంత్రి పీవీ నరసింహారావు కుమార్తె సురభి వాణిదేవి బరిలో ఉండగా., బీజేపీ నుంచి రామచంద్రరావు, కాంగ్రెస్‌ నుంచి మాజీ మంత్రి చిన్నారెడ్డి, స్వతంత్ర అభ్యర్థిగా ఫ్రొపెసర్‌ నాగేశ్వర్‌ పోటీలో నిలిచారు. అటు ఖమ్మం-నల్లగొండ-వరంగల్ గ్రాడ్యుయేట్ ఎమ్మెల్సీ స్థానానికి భారీగా నామినేషన్లు దాఖలు అయ్యాయి. అధికార టీఆర్‌ఎస్‌ నుంచి సిట్టింగ్‌ ఎమ్మెల్సీ పల్లా రాజేశ్వరరెడ్డి, కాంగ్రెస్‌ నుంచి రాములు నాయక్‌తో పాటు కోదండరాం, జయసారధి రెడ్డి, తీన్‌మార్‌ మల్లన్న, ప్రేమేందర్‌ రెడ్డి, రాణిరుద్రమ దేవి పోటీపడుతున్నారు.

Read more:

టీఆర్‌ఎస్‌పై సీబీఐ ఎంక్వైరీ కోరతామాన్న తరుణ్‌చుగ్‌.. కొత్త బిచ్చగాడు పొద్దెరగడన్నట్లే ఉందన్న బాల్కసుమన్‌