జగన్ సారూ..! ఈ వీడియో మీ కోసమే..: లోకేష్
ఏపీలో జరిగిన ఎన్నికల్లో ఎన్నడూ లేనంత గొడవలు, అల్లర్లు, దాడులు చోటు చేసుకొన్నాయి. ఒకరిపై మరొకరు మాటల యుద్ధం కూడా చేసుకున్నారు. అలాగే.. పోలింగ్ రోజు.. చాలా ప్రాంతాల్లో ఈవీఎంలు పని చేయకపోవడం, ఒక పార్టీకి ఓటు వేస్తే.. మరొక పార్టీకి వెళ్లడం వంటి వాటిపై కూడా తీవ్రమైన చర్చ నడిచింది. దీనిపై ఎవరికి వారు ఈసీకి ఫిర్యాదు చేయడమూ జరిగింది. అయితే.. ఈ నేపథ్యంలో ఈవీఎంల పనితీరుపై సానుకూలంగా స్పందించిన వైసీపీ అధినేత జగన్‌పై ఏపీ […]
ఏపీలో జరిగిన ఎన్నికల్లో ఎన్నడూ లేనంత గొడవలు, అల్లర్లు, దాడులు చోటు చేసుకొన్నాయి. ఒకరిపై మరొకరు మాటల యుద్ధం కూడా చేసుకున్నారు. అలాగే.. పోలింగ్ రోజు.. చాలా ప్రాంతాల్లో ఈవీఎంలు పని చేయకపోవడం, ఒక పార్టీకి ఓటు వేస్తే.. మరొక పార్టీకి వెళ్లడం వంటి వాటిపై కూడా తీవ్రమైన చర్చ నడిచింది. దీనిపై ఎవరికి వారు ఈసీకి ఫిర్యాదు చేయడమూ జరిగింది. అయితే.. ఈ నేపథ్యంలో ఈవీఎంల పనితీరుపై సానుకూలంగా స్పందించిన వైసీపీ అధినేత జగన్‌పై ఏపీ ఐటీ మంత్రి, టీడీపీ నేత నారా లోకేష్ తీవ్ర స్థాయిలో మండిపడ్డారు. మీరు బీజేపీ రక్షణలో ఉన్నారని.. అందుకే ప్రజలు పడిన కష్టాలు కనిపించడం లేదంటూ ఎద్దేవా చేశారు. ఈ సందర్భంగా లోకేష్ ట్విట్టర్‌లో ఓ వీడియోను పోస్ట్ చేశారు. జగన్ గారూ..! ఈ వీడియో మీకోసమే అంటూ పేర్కొన్నారు.
“తనకి అనుకూలంగా జరిగితే అంతా సవ్యంగా జరిగిందని, లేదంటే అక్రమం అని వాదించేవాళ్ళు స్వార్థపరులు. జగన్ గారూ! మీరు ప్రస్తుతం లోటస్ రక్షణలో ఉన్నారు. కమలం రేకులు కప్పుకున్న మీకళ్ళకి ఏపీలో ఎన్నికల వేళ ప్రజలు పడిన ఇబ్బందుల్ని చూపించడం కోసమే ఈ వీడియో” అంటూ లోకేష్ సెటైర్ వేశారు.
తనకి అనుకూలంగా జరిగితే అంతా సవ్యంగా జరిగిందని, లేదంటే అక్రమం అని వాదించేవాళ్ళు స్వార్థపరులు. జగన్ గారూ! మీరు ప్రస్తుతం లోటస్ రక్షణలో ఉన్నారు. కమలం రేకులు కప్పుకున్న మీకళ్ళకి ఏపీలో ఎన్నికల వేళ ప్రజలు పడిన ఇబ్బందుల్ని చూపించడం కోసమే ఈ వీడియో.. pic.twitter.com/2PLDOpuMkc
— Lokesh Nara (@naralokesh) April 18, 2019
