Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

అసలు ఈ తెలంగాణ మంత్రులకేమైంది..?

Political Mirchi : What Happens to Telangana Ministers..?, అసలు ఈ  తెలంగాణ మంత్రులకేమైంది..?

వాళ్లంతా మంత్రులు.. రాష్ట్రంలో ఎక్కడైన పర్యటించేయోచ్చు. కాదు కాదు.. పర్యటించడం వారి బాధ్యత. అంతేకాదు రాష్ట్రంలో ఎక్కడైనా సరే. వారికి కేటియించిన శాఖల పనితీరును సమీక్షించాల్సి ఉంటుంది. కానీ ఈ పని ఎక్కడా కూడా జరగడం లేదు. వారంతా వారి సొంత పనులకు మాత్రమే పరిమితమవుతున్నారు. కనీసం పక్క సీటు వైపు కూడా కన్నెత్తి చూడడం లేదు. అసలు వీరికేమైంది. ఎందుకు ఇలా చేస్తున్నారు.

ప్రభుత్వం ఏర్పడిన చాలా రోజుల తర్వాత పూర్తిస్థాయి కేబినెట్ కొలువుదీరింది. మొదట్లో మంత్రివర్గ విస్తరణ జరగకపోవడంతో.. అంతా వేయికళ్లతో వేచిచూశారు. ఎవర్ని ఈ పదవులు వరిస్తాయో అని. అయితే ఇటీవల పూర్తిస్థాయి మంత్రివర్గ విస్తరణలో అన్ని శాఖలకు మంత్రులు వచ్చారు. తమ శాఖలకు సంబంధించిన పనులు చూడాల్సిన బాధ్యత వీరిపై ఉంది. అంతేకాదు తమ వీరు రాష్ట్రంలో ఎక్కడైనా పర్యటించే అవకాశం ఉంది. ఏ నియోజకవర్గానికైనా వెళ్లి పర్యటించే అధికారం ఉంది. అయితే కొందరు మంత్రులు మాత్రం వారి సొంత నియోజకవర్గాలకే పరిమితం అవుతున్నారనే చర్చ ఇప్పుడు తెలంగాణ రాజకీయవర్గాల్లో నడుస్తోంది. అంతేకాదు అసలు ఈ మంత్రులకు ఏమైంది.. అన్ని జిల్లాల్లో ఎందుకు పర్యటించడం లేదు.. ఏమైనా కారణాలు ఉన్నాయా? అనే చర్చ కూడా జరుగుతోంది.

అయితే సొంత పార్టీ ఎమ్మెల్యేల తీరు వల్లే కొందరు మంత్రులు ఇతర నియోజకవర్గాలకు వెళ్లడం లేదని తెలుస్తోంది. మొన్నీమధ్య ఉమ్మడి పాలమూరుకు చెందిన ఓ మంత్రి.. పక్కనే ఉన్న నియోజకవర్గానికి తరుచూ వెళుతుంటే.. మంత్రి రాకను జీర్ణించుకోని ఆ ఎమ్మెల్యే నిరసన వ్యక్తం చేశారట. తన కోపాన్ని సీఎం దృష్టికి తీసుకువెళ్లేందుకు గన్‌మెన్లను వెనక్కికి పంపించారట. అంతేకాకుండా పార్టీ నేతలకు అందుబాటులోకి రాకుండా అలకబూనారట. దీంతో ఆ జిల్లా మంత్రి అటు వైపు వెళ్లడం మానేశారని తెలుస్తోంది.

ఇక హైదరాబాద్‌కు చెందిన మంత్రుల పరిస్థితి కూడా సేమ్ టూ సేమ్. ముఖ్యంగా మేడ్చల్ జిల్లాకు చెందిన మంత్రి తన కొడుకు, అల్లుడు భవిష్యత్ కోసం సిటీ లోని నియోజకవర్గాల్లో జోరుగా టూర్లు వేస్తున్నారట. దీంతో స్థానిక ఎమ్మెల్యేలు మంత్రిగారి పర్యటనలకు బ్రేక్‌లు వేశారట. దీంతో చేసేదేంలేక.. ఆ మంత్రి తన సొంత నియోజకవర్గానికే పరిమితమయ్యారు. ఇక సికింద్రాబాద్ మంత్రిగా పేరుపొందిన నేత కూడా వేరే జిల్లాల్లో పర్యటనలు చేస్తున్నారట. కానీ సిటీలో మాత్రం వేరే నియోజకవర్గాలపై పెద్దగా చూడడం లేదు. ఇందుకు కారణం.. మాజీ మంత్రి, మేయర్‌తో వచ్చిన గ్యాప్‌ వల్లే అని ప్రచారం జరుగుతోంది. ఇక ఉమ్మడి ఆదిలాబాద్ మంత్రి పరిస్థితి కూడా సేమ్ ఇలాగే ఉంది. తన జిల్లా తన నియోజకవర్గం తప్ప ఎటూ వెళ్లడంలేదంటా. ఆరోగ్య శాఖ మంత్రి ఈటెల,ఆర్థిక శాఖ మంత్రి హరీష్ రావు, పురపాలక శాఖ మంత్రి కేటీఆర్ మినహా మిగతా మంత్రులు ఎవ్వరు కూడా వేరే జిల్లాలో అడుగుపెట్టాడానికి సాహసం చెయ్యడం లేదట.

అయితే సాధారణంగా మంత్రి హోదాలో రాష్ట్రంలో ఎక్కడ అయిన పర్యటించే అధికారాలు మంత్రులకు ఉంటాయి. కానీ ఎమ్మెల్యేల నుండి సహకారం లేకపోవడం..తామ టూర్లతో వారు అసంతృప్తికి గురికావడం ఎందుకులే అని కొందరు మంత్రులు వారి నియోజకవర్గాలకే పరిమితమవుతున్నారట.

Related Tags