Breaking News
  • శ్రీకాకుళం: కచరాంలో తృప్తి రిసార్ట్‌ యాజమాన్యం నిర్వాకం. రోడ్లపై గుర్రపు స్వారీ నిర్వహించిన తృప్తి రిసార్ట్‌ యాజమాన్యం. బైక్‌పై వెళ్తున్న రాంబాబు, రమాదేవి దంపతులను గుద్దిన గుర్రం. ఆస్పత్రిలో రాంబాబు పరిస్థితి విషమం. పట్టించుకోని రిసార్ట్‌ యాజమాన్యం. రాసార్ట్‌ ఎదుట స్థానికుల ఆందోళన, పరిస్థితి ఉద్రిక్తం. భారీగా మోహరించిన పోలీసులు.
  • ప.గో: తణుకు మండలం దువ్వలో పిచ్చికుక్క స్వైర విహారం. పిచ్చికుక్క దాడిలో10 మందికి గాయాలు.
  • గుంటూరు: సత్తెనపల్లిలో మహిళ ఆత్మహత్యాయత్నం. చోరీ కేసు పెట్టారన్న మనస్థాపంతో నిద్రమాత్రలు మింగిన లక్ష్మీ. పరిస్థితి విషమం, ఆస్పత్రికి తరలింపు.
  • అనంతపురం: కదిరి మండలం నడిమిపల్లిలో దారుణం. యువకుడు సుధాకర్‌ గొంతు కోసిన దుండగులు. ఆస్పత్రిలో చికిత్స పొందుతున్న సుధాకర్‌. గతంలో రామాంజనేయులు భార్యను ఎత్తుకెళ్లి.. తిరిగి అప్పగించిన సుధాకర్‌. రామాంజనేయులుపై అనుమానం వ్యక్తం చేస్తున్న పోలీసులు.
  • అనంతపురం: హిందూపురంలో రెచ్చిపోయిన వీధికుక్కలు. ఇద్దరు చిన్నారులపై దాడి. వీధికుక్కల దాడిలో తీవ్రంగా గాయపడ్డ చిన్నారులు. ఆస్పత్రికి తరలింపు, పరిస్థితి విషమం.
  • విజయవాడ: వంశీ వ్యాఖ్యలపై అయ్యప్ప భక్త కమిటీ అభ్యంతరం. టీవీ9 డిబేట్‌లో వంశీ అనుచిత వ్యాఖ్యలు సరికాదు. అయ్యప్ప మాలలో ఉన్న భక్తులు రాగద్వేషాలకు అతీతంగా ఉండాలి. పరుష పదజాలంతో భక్తుల మనోభావాలు దెబ్బతీస్తున్నారు. అయ్యప్ప భక్తులకు వంశీ కళంకం తెచ్చారు. ఇప్పటికైనా నియమనిష్టలతో దీక్ష చేయాలి-వేణుగోపాలస్వామి.
  • హైదరాబాద్‌: అశ్వత్థామరెడ్డి నివాసానికి వెళ్లిన ఎంపీ కోమటిరెడ్డి. అశ్వత్థామరెడ్డిని పరామర్శించిన కోమటిరెడ్డి వెంకటరెడ్డి. ఆర్టీసీ కార్మికులకు మద్దతుగా అందరూ ముందుకు రావాలి. అశ్వత్థామరెడ్డికి ఏం జరిగినా సీఎం కేసీఆర్‌దే బాధ్యత. కార్మికుల సమస్యలు ప్రభుత్వం త్వరగా పరిష్కరించాలి. సడక్‌బంద్‌ను విజయవంతం చేయాలి-ఎంపీ కోమటిరెడ్డి.

ఎంపీ, ఎమ్మెల్యేల మధ్య వింత వార్..! విషయం తెలిస్తే షాక్..!

సెల్ఫీ.. దీనికి ప్రస్తుతం ఉన్న క్రేజ్ అంతా ఇంతా కాదు. సెలబ్రిటీలు కనిపిస్తే వారితో సెల్ఫీ దిగి సోషల్ మీడియాలో అప్‌లోడ్ చేస్తూ.. తమ మిత్రులకు ఆ అనుభూతుల్ని షేర్ చేసుకుంటూ.. వారి వారి స్టేటస్‌లను పరిచయం చేసుకుంటారు. అయితే ఈ సెల్ఫీ మోజు.. రాజకీయాల్లో కూడా అదే స్థాయిలో ఉంది. ప్రముఖ రాజకీయ నాయకులు ఎవరైనా కలిస్తే చాలు.. వాళ్లతో ఫోటోలు దిగడం.. వాటిని వారి సోషల్ మీడియా ఖాతాల్లో అప్‌లోడ్ చేయడం.. ఇది ప్రస్తుతం ఉన్న తీరు. అయితే ఈ సెల్ఫీలు ఇప్పుడు.. తెలంగాణ రాజకీయ నేతల్లో వివాదాలకు దారి తీస్తున్నాయట. సెల్ఫీలు ఏంటీ.. వివాదాలు ఏంటీ అనకుంటున్నారా..? నిజమే మహబూబాబాద్‌లో అధికార పార్టీ కార్యకర్తలకు ఈ వింత పరిస్థితి ఎదురవుతోంది. ఇక్కడ స్థానిక ఎమ్మెల్యే,ఎంపీ ఇద్దరూ అధికారపార్టీకి చెందినవారే. అయితే ఇద్దరి మధ్య ఆధిప్యతపోరుతో కార్యకర్తలు నలిగిపోతున్నారట.

కార్యకర్తలు ఎవరైనా.. ఎంపీతో సన్నిహితంగా ఉంటే.. ఎమ్మెల్యేకు కోపం వస్తుందట. ఇక ఎమ్మెల్యేకు సన్నిహితంగా ఉంటే ఎంపీకి కోపం వస్తుందట. అంతేకాదు.. ఎవరైనా కార్యకర్తలు ఎంపీతో ఫోటో దిగి సోషల్ మీడియాలో షేర్‌ చేస్తే.. వారిపై ఎమ్మెల్యే గుర్రుగా ఉంటున్నారట. ఇటు ఎమ్మెల్యేతో సెల్పీలు దిగితే వారిపై ఎంపీ వర్గం నుంచి పంచ్‌ పడుతుందట. ఇలా ఇద్దరి మధ్య కార్యకర్తలు నలిగిపోతున్నారట.
అయితే ఈ ఇద్దరి మధ్య ఆధిపత్య పోరుకు చాలా పెద్ద చరిత్రే ఉంది. గతంలో ఎంపీ, ఎమ్మెల్యేలు ఇద్దరు ప్రత్యర్థులు. ఎన్నికల ముందు టీఆర్‌ఎస్‌లో కవిత ఫ్యామిలీ చేరింది. దీంతో ఎమ్మెల్యే టికెట్‌ విషయంలో శంకర్‌ నాయక్‌ వర్సెస్‌ కవిత ఫైట్‌ నడిచింది. అయితే టికెట్‌ శంకర్‌ నాయక్‌ వచ్చింది. ఆయన రెండోసారి ఎమ్మెల్యే అయ్యారు. అయితే తనకు టికెట్‌ రాకుండా సోషల్‌ మీడియాలో ప్రచారం చేసిన పార్టీ కార్యకర్తలపై ఆయన కక్ష గట్టారనే ప్రచారం అప్పట్లో జరిగింది. అయితే కవిత ఎంపీగా గెలిచిన తర్వాత శంకర్‌నాయక్‌ కొంత తగ్గారట. కానీ ఎంపీ దగ్గర క్లోజ్‌గా ఉంటూ తన దగ్గర ఫోజులు కొడితే మాత్రం ఆయన అస్సలు సహించారట. ఈ ఇద్దరి నేతలు మధ్య ఆధిపత్య పోరు.. కార్యకర్తలకు శాపంగా మారిందట.

ఈ మధ్య గ్రామాల్లో 30 రోజుల ప్రణాళిక కార్యక్రమాలు జరుగుతున్నాయి. దీంతో లోకల్‌ లీడర్లు ఎమ్మెల్యే, ఎంపీ దగ్గర చక్కర్లు కొడుతున్నారు. అయితే ఒకరి దగ్గర ఫోటో దిగితే…మరొకరికి కోపం. దీంతో చాలా మంది ఇప్పుడు ఫోటోలు అంటేనే భయపడుతున్నారట. ఎమ్మెల్యే, ఎంపీలతో ఫోటో దిగి.. వారి ఆగ్రహానికి గురయ్యేకంటే.. ఫోటోలు దిగకపోవడమే ఉత్తమమని ఊరుకుంటున్నారట. ప్రస్తుతం మహబూబాబాద్‌ జిల్లా అధికార పార్టీ కేడర్‌లో ఈ సెల్ఫీ ఫోటో గోలపై హాట్‌హాట్‌గా చర్చకొనసాగుతోంది.