Breaking News
  • దేశవ్యాప్తంగా 121 మంది దర్యాప్తు అధికారులకు కేంద్ర హోంమంత్రి పతకాలు. దర్యాప్తులో ప్రతిభ చూపిన కేంద్ర దర్యాప్తు విభాగాల అధికారులకు పతకాలను ప్రకటించిన కేంద్రం. సీబీఐ హైదరాబాద్ ఎస్పీ కళ్యాణ్ కు కేంద్ర హోంమంత్రి పతకం.
  • సంజ‌య్ ద‌త్ ఆరోగ్యం గురించి స్పందించిన భార్య మాన్య‌తా ద‌త్‌: భ‌గ‌వంతుడు మ‌రోసారి ప‌రీక్షిస్తున్నాడ‌ని వెల్ల‌డి. ఓర్చుకుంటే ఈ క‌ష్ట‌కాలాన్ని దాట వ‌చ్చ‌ని ధీమా. సంజ‌య్‌దత్ క్షేమాన్ని కోరుకుంటున్న ప్ర‌తి ఒక్క‌రికీ ధ‌న్య‌వాదాలు. అన‌వ‌స‌ర‌మైన రూమ‌ర్ల‌ను న‌మ్మ‌వ‌ద్ద‌ని కోరిన మాన్య‌త‌. సంజ‌య్ ఫైట‌ర్ అని కితాబిచ్చిన మాన్య‌త‌. అంద‌రి ప్రార్థ‌న‌లు, ఆశీర్వాదాలు కావాల‌న్న మాన్య‌త‌. పాజిటివిటీని పంచాల‌ని కోరిన మాన్య‌త.
  • విజయవాడ: జూనియర్ డాక్టర్ల స్టైఫండ్ మొత్తాన్ని పెంచుతూ ap ప్రభిత్వం ఉత్తర్వులు. హౌస్ సర్జన్, పిజి డిగ్రీ, డిప్లొమా, డెంటల్, సూపర్ స్పెషలిటీ విద్యార్థులకు పెంపు. ఎంబీబీఎస్ విద్యార్థులకు 19,589. పిజి డిగ్రీ విద్యార్థులకు 1 ఇయర్ 44,075, 2 ఇయర్ 46,524, 3 ఇయర్ 48, 973 కు పెంపు.
  • ఉత్తరాఖండ్‌కు పొంచి ఉన్న వర్షాలు, వరదల ముప్పు. భారీ వర్షసూచన జారీ చేసిన భారత వాతావరణ శాఖ. వర్షాలతో పాటు పిడుగులు కూడా పడతాయని హెచ్చరిక. భాగేశ్వర్, పిత్తోరాగఢ్, నైనితాల్, ఉద్ధమ్ సింగ్ నగర్, డెహ్రాడూన్, హరిద్వార్, చమోలీ జిల్లాలకు పొంచి ఉన్న ముప్పు. వర్షాల కారణంగా కొండచరియలు విరిగిపడే ప్రమాదం.
  • మణికొండ మల్లెమాల ప్రొడక్షన్ హౌస్ సమీపం లో కార్ ఆక్సిడెంట్. జబర్దస్త్ ఆర్టిస్ట్ అభి bmw కార్ మరో కారు బ్రిజా కార్ ఢీ. బ్రిజా కారును అతివేగంగా అభి ఢీ కొట్టినట్టు ఆరోపిస్తున్న బాధితుడు.
  • హైదరాబాద్ లో థీమ్ పార్కు ల నిర్మాణానికి శంకుస్థాపన . డిల్లీ , పూణె లో తరహాలో సీటీలో ఆరు చోట్ల థీమ్ పార్క్ లు . 13 కోట్ల రూపాయల వ్యయంతో నిర్మించనున్న జిహెచ్ఎంసి . మూడు నెలలో పార్క్ ల నిర్మాణం పూర్తి చేస్తాం: జిహెచ్ఎంసి మేయర్ బొంతు రామ్మోహన్.
  • చత్తీస్‌గఢ్ సుక్మా జిల్లా జాగర్‌గుండా అటవీ ప్రాంతంలో ఎన్‌కౌంటర్. కోబ్రా 223, సీఆర్పీఎఫ్, జిల్లా పోలీసుల జాయింట్ ఆపరేషన్. నలుగురు మావోయిస్టులు హతం, మారణాయుధాలు స్వాధీనం.

సినీ ఫక్కీలో కిడ్నాప్..కథ అడ్డం తిరిగి ఇలా..

సినీ ఫక్కీలో జరిగిన యువతి కిడ్నాప్ కేసును పోలీసులు ఛేదించారు. ఆమెను అపహరించడంతో పాటు భారీ పేలుడుకు నిందితుడు పక్కా స్కేచ్ వేశాడు. యువతిని కిడ్నాప్ చేసే సమయంలో ఇంట్లో పెట్రోల్ చల్లి రెండు గ్యాస్ సీలిండర్లు లీక్ చేశాడు.
police solved woman kidnap case in kadapa district, సినీ ఫక్కీలో కిడ్నాప్..కథ అడ్డం తిరిగి ఇలా..

కడప జిల్లాలో సినీ ఫక్కీలో జరిగిన యువతి కిడ్నాప్ కేసును పోలీసులు ఛేదించారు. ఆమెను అపహరించడంతో పాటు భారీ పేలుడుకు నిందితుడు పక్కా స్కేచ్ వేశాడు. యువతిని కిడ్నాప్ చేసే సమయంలో ఇంట్లో పెట్రోల్ చల్లి రెండు గ్యాస్ సీలిండర్లు లీక్ చేశాడు. కానీ, అతడి ప్లాన్ బెడిసి కొట్టింది. చివరకు పోలీసులకు చిక్కి కటకటలాపాలయ్యాడు. వివరాలు పరిశీలించగా…

కడప జిల్లాలో అత్యంత సినీ ఫక్కీలో జరిగిన కిడ్నాప్ కేసును కొద్ది గంటల్లోనే చేధించారు పోలీసులు. కడపలోని ఓ ప్రైవేట్ కాలేజీలో అసిస్టెంట్ ప్రొఫెసర్‌గా పనిచేస్తున్న వ్యక్తి.. ఓ యువతిని కిడ్నాప్ చేయాలని ప్లాన్ వేశాడు. ఆమెను కిడ్నాప్ చేసే సమయంలో ఇంట్లో పెట్రోల్ జల్లాడు. ఇంట్లో ఉన్న రెండు గ్యాస్ సిలిండర్లను లీక్ చేశాడు. సిలిండర్ పేలి అందులో యువతి సజీవదహనం అయిపోయి ఉంటుందని అందరూ భావించాలని పక్కాగా స్కేచ్ వేశాడు. యువతి చనిపోతే కనీసం ఎముకలు, పుర్రె అయినా మిగులుతాయి కదా అని డౌట్ వచ్చింది. దీంతో శ్మశానంలోకి వెళ్లి ఎముకలు, పుర్రెలు తీసుకొచ్చాడు. ఇంట్లో పుర్రెలు ఉంచాడు. అయితే, అతడి కథ అడ్డం తిరిగింది.

యువతిని గుర్తు తెలియని కొందరు వ్యక్తులు కిడ్నాప్ చేసినట్లుగా పోలీసులకు ఫిర్యాదు అందింది. కిడ్నాపర్లు బురఖాలు వేసుకుని వచ్చినట్లుగా ఫిర్యాదులో వెల్లాడించారు. దీంతో కేసు నమోదు చేసుకున్న పోలీసులు స్థానికంగా ఉన్న సీసీ ఫుటేజీల ఆధారంగా దర్యాప్తు చేపట్టారు. కిడ్నాప్‌నకు గురైందని ఫిర్యాదు అందిన కొన్ని గంటల్లోనే నిందితుడిని, బాధితురాలిని పట్టుకున్నారు. తమిళనాడులోని వేలూరులో వారిని అదుపులోకి తీసుకున్నారు. నిందితుడు ప్లాన్ వేసినట్టు సిలిండర్ పేలి ఉంటే భారీ ఆస్తి, ప్రాణ నష్టం కలిగి ఉండేదని పోలీసులు తెలిపారు. నిందితుడు యూట్యూబ్ చూసి ఇదంతా ప్లాన్ చేసినట్లుగా పోలీసు విచారణ వెల్లడైంది.

Related Tags