తెలుగు రాష్ట్రాల వర్షాలపై సీఎంలతో ప్రధాని మోదీ ఆరా..!
భారీ వర్షపాతం కారణంగా తెలంగాణ, ఎపి పరిస్థితులకు సంబంధించి ప్రధాని నరేంద్ర మోదీ ఆరా తీశారు.
భారీ వర్షపాతం కారణంగా తెలంగాణ, ఎపి పరిస్థితులకు సంబంధించి ప్రధాని నరేంద్ర మోదీ ఆరా తీశారు. లోతట్టు ప్రాంతాల పట్ల అప్రమత్తంగా ఉండాలన్నారు. అవసరమైతే మరిన్ని సహాయక చర్యలు చేపట్టాలని ఇరు రాష్ట్రాల ముఖ్యమంత్రులకు మోదీ సూచించారు. రెస్క్యూ & రిలీఫ్ వర్క్ లో కేంద్రం నుండి సాధ్యమయ్యే అన్నివిధాల మద్దతు ఉంటుందన్న ప్రధాని.. అవసరమైన సహాయానికి హామీ ఇచ్చారు. తెలంగాణ ముఖ్యమంత్రి కేసీఆర్, అటు ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డిలతో ప్రధాని ఫోన్లో మాట్లాడారు.
Spoke to @TelanganaCMO KCR Garu and AP CM @ysjagan Garu regarding the situation in Telangana and AP respectively due to heavy rainfall. Assured all possible support and assistance from the Centre in rescue & relief work. My thoughts are with those affected due to the heavy rains.
— Narendra Modi (@narendramodi) October 14, 2020
వాయుగుండం ప్రభావంతో కురుస్తున్న భారీ వర్షాల ధాటికి తెలుగు రాష్ట్రాలు అల్లాడుతున్నాయి. ముఖ్యంగా తెలంగాణ రాష్ట్ర రాజధాని హైదరాబాద్‌లో ఎడతెరిపి లేకుండా కురిసిన వర్షం ధాటికి అతలాకుతలమైపోయింది. సరిగ్గా 20ఏళ్ల కిందట హైదరాబాద్‌లో అత్యధికంగా వర్షపాతం నమోదైంది. ఆ తర్వాత ఈ స్థాయిలో హైదరాబాద్ పరిసరాల్లో వర్షం కురవడం ఇదే తొలిసారి. అటు ఆంధ్రప్రదేశ్ రాష్ట్రంలో వాయుగుండం మంగళవారం ఉదయం నరసాపురం – కాకినాడ సమీపంలో తీరం దాటింది. ఆ ప్రభావంతో కృష్ణా, ఉభయగోదావరి, ఉత్తరాంధ్ర జిల్లాలను భారీ వర్షాలు ముంచెత్తాయి. ఫలితంగా వాగులు, వంకలు పొంగి పొర్లుతున్నాయి. కృష్ణ నది తీర ప్రాంతాలు నీట మునిగాయి. ఈ నేపథ్యంలో కేంద్రం.. ఇరు రాష్ట్రాల సాయానికి ముందుకు వచ్చింది.
ప్రధాని శ్రీ నరేంద్ర మోదీ ఏపీలో వర్షాలు, అనంతర పరిస్థితులను సీఎం వైఎస్ జగన్ ను అడిగితెలుసుకున్నారు. రాష్ట్రంలో వర్షప్రభావిత ప్రాంతాలు, నెలకొన్న పరిస్థితులను సీఎం ప్రధానికి వివరించారు. వాయుగుండం తీరందాటిందని, మళ్లీ సాధారణ పరిస్థితులు నెలకొంటున్నాయని వివరించారు. అధికార యంత్రాంగం తీసుకుంటున్న చర్యలను ప్రధానికి వివరించారు.
