Breaking News
  • భారత్ లో కరోనా కల్లోలం. 9 లక్షల 6 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 906752 దేశ వ్యాప్తంగా యాక్టీవ్ కేసులు: 311565 కరోనా నుంచి డిశ్చార్జ్ అయిన బాధితులు: 571460 దేశం మొత్తం కరోనా తో మృతుల సంఖ్య : 23727 కేంద్ర ఆరోగ్య మంత్రిత్వ శాఖ.
  • అమరావతి ఏపీలో పదో తరగతి విద్యార్థులు ఆల్ పాస్. ఉత్తర్వులు జారీ చేసిన జగన్ సర్కార్. పదో తరగతి విద్యార్ధులందర్ని పాస్ చేస్తున్నట్టు గతంలోనే ప్రకటించిన ప్రభుత్వం. పదో తరగతి పరీక్షల హాల్ టిక్కెట్ పొందిన ప్రతి ఒక్కరిని పాస్ చేసేలా చర్యలు తీసుకోవాలని పాఠశాల విద్యా శాఖ కమిషనరుకు ఆదేశాలు.
  • కరోనా టైం లో కంత్రీగాళ్ళు . కరోనా కు మందు అమ్మకాలు అంటూ మోసం . యాంటీ వైరల్ డ్రగ్ పేరిట దందా . 35 లక్షల విలువ చేసే యాంటీ వైరల్ డ్రగ్స్ స్వాధీనం . 8 మంది ని అరెస్ట్ చేసిన సౌత్ జోన్ టాస్క్ఫోర్స్ పోలీసులు.
  • అమరావతి పంచాయతీ రాజ్, గ్రామీణాభివృద్ధి శాఖలో కరోనా వ్యాప్తినిరోధక చర్యలు . పంచాయితీరాజ్, గ్రామీణాభివృద్ధిశాఖ ప్రధాన కార్యాలయానికి ఎవ్వరూ రావద్దని సర్కులర్ జారీ . విభాగాధిపతి హోదాలో రాష్ట్రవ్యాప్తంగా అన్ని జిల్లాల్లోని పీఆర్ఆర్డీ కార్యాలయాల అధికారులు, ఉద్యోగులు సిబ్బందికి ఆదేశాలు . ఆదేశాలు జారీ చేసింది ఆ శాఖ కమిషనర్ గిరిజా శంకర్ .
  • రెండు రోజుల పాటు తెలంగాణలో భారీ వర్షాలు . రుతుపవనాల కు తోడైన రెండు ఉపరితల ఆవర్తనాలు. వాయువ్య బంగాళాఖాతం , గాంగేటిక్ పశ్చిమ బెంగాల్ ప్రాంతంలో ఏర్పడిన ఉపరితల ఆవర్తనం -హైదరాబాద్ వాతావరణ శాఖ సీనియర్ సైంటిస్ట్ రాజారావు.
  • శ్రీశైలం లో కరోనా కలకలం. ఆలయ ఉద్యోగులకు కూడా కరోనా సోకడంతో ఈరోజు నుంచి వారం రోజుల పాటు భక్తులందరికీ శ్రీశైలం ఆలయ దర్శనం నిలిపివేత. ఇప్పటికే ఎండోమెంట్ కమిషనర్, కర్నూలు కలెక్టర్ తో అనుమతి తీసుకున్న ఈఓ రామారావు.
  • బంజారాహిల్స్ లో 50 కోట్లు విలువైన లాండ్ కేసులో కొత్త కోణం . ఎకరా 20 గుంటలకు చెందినా ల్యాండ్ పత్రాలన్ని నకిలీవి గా తేల్చిన ఏసీబీ.  కోర్ట్ కి అందజేసిన పత్రాలు అన్ని ఫోర్జరీ , నకిలీ గా విచారణ లో వెల్లడి .

కరోనాపై పోరులో ప్రతి వ్యక్తీ వారియరే’…. ‘మన్ కీ బాత్’ ప్రోగ్రామ్ లో పీఎం మోదీ

దేశానికి పెను సవాలుగా నిలిచిన కరోనా వైరస్ పై జరుపుతున్న పోరులో ప్రతి వ్యక్తీ వారియరే అన్నారు ప్రధాని మోదీ. ఈ పోరాటంలో 'భారత సేవా శక్తి స్పష్టంగా కనిపిస్తోందన్నారు..
Modi Mann Ki Baat, కరోనాపై పోరులో ప్రతి వ్యక్తీ వారియరే’…. ‘మన్ కీ బాత్’ ప్రోగ్రామ్ లో పీఎం మోదీ

దేశానికి పెను సవాలుగా నిలిచిన కరోనా వైరస్ పై జరుపుతున్న పోరులో ప్రతి వ్యక్తీ వారియరే అన్నారు ప్రధాని మోదీ. ఈ పోరాటంలో ‘భారత సేవా శక్తి స్పష్టంగా కనిపిస్తోందన్నారు. ఆదివారం ‘మన్ కీ బాత్’ కార్యక్రమంలో దేశ ప్రజలనుద్దేశించి మాట్లాడిన ఆయన.. అనేక అంశాలను స్పృశించారు. ఇతర దేశాలతో పోల్చితే మన దేశ జనాభా చాలా ఎక్కువని, అలాగే మనకు భారీ సవాళ్లు కూడా ఎక్కువగానే ఉన్నాయని చెప్పారు. కానీ వేరే దేశాల మాదిరి ఇండియాలో కరోనా వైరస్ వేగంగా వ్యాప్తి చెందలేదని, ఇందుకు ప్రభుత్వం తీసుకున్న వివిధ చర్యలేనన్నారు. అలాగే  ఇతర దేశాలతో పోల్చి చూసినప్పుడు మన దేశంలో కరోనా మరణాలు చాలా తక్కువని ఆయన పేర్కొన్నారు.

కరోనా వైరస్ లాక్ డౌన్ కారణంగా ముఖ్యంగా పేదలు, వలస కార్మికులు చాలా ఇబ్బందులు పడ్డారని, వారి దుస్థితి మాటల్లో చెప్పలేనిదని మోదీ వ్యాఖ్యానించారు. కరోనా కారణంగా ఇబ్బంది పడని వర్గమంటూ లేదన్నారు. వలస కార్మికుల సమస్యల పరిష్కారానికి ‘మైగ్రేషన్ కమిషన్’ పేరిట ఓ సంస్థను ఏర్పాటు చేసే యోచన ఉందని అయన ప్రకటించారు. వారిని అన్ని విధాలుగా ఆదుకునేందుకు కేంద్రం అన్ని చర్యలూ తీసుకుంటుందని చెప్పారు. ఈ వలస జీవులను వారి స్వస్థలాలకు తరలించేందుకు రైల్వే సిబ్బంది, ప్రభుత్వ సంస్థలు, కేంద్రంతో బాటు అన్ని రాష్ట్రాలు, స్థానిక సంస్థలు సైతం కృషి చేశాయని, వారికి ఆహారం , నీరు, వసతి సౌకర్యం సమకూర్చాయని పేర్కొన్న ఆయన..’ఈ వర్గాలనన్నింటినీ ‘కరోనా వారియర్స్’ గా అభివర్ణించారు.

రైళ్లు, బస్సులలో వీరిని తరలించేందుకు పాటు పడిన రాష్ట్రాలను ప్రత్యేకంగా అభినందించారు. వారిని క్వారంటైన్ చేయడం,  వారికి ట్రీట్ మెంట్ ఇప్పించడంవంటి చర్యలను ఆయన ప్రస్తావించారు. కరోనా వ్యాప్తిని నివారించేందుకు మనం ఇంకా జాగ్రత్తగా ఉండాలని, ఆరు అడుగుల దూరం పాటింపు, మాస్కుల ఆవశ్యకత ఇంకా ఉందని మోదీ పేర్కొన్నారు. సాధ్యమైనంతవరకు ఇళ్లలోనే ఉండాల్సిన అవసరం కూడా ఉందన్నారు. ప్రతి వ్యక్తి సపోర్టుతో కరోనా వైరస్ ని మనం అదుపు చేయగలుగుతామని, ఆ విశ్వాసం తనకు ఉందని ఆయన అన్నారు.

ఇక దేశాన్ని ఆర్థికంగా ముందుకు తీసుకువెళ్ళవలసిన అవసరం ఉందని, అందువల్లే లాక్ డౌన్ 5.0 దశలో చాలా మినహాయింపులు ఇచ్చామని మోదీ వివరించారు.

Related Tags