చైనాలో మరో కొత్త వ్యాధి.. మొదలైన అలజడి.!

Plague Panic Chinese county declares emergency: కరోనా వైరస్ పుట్టినిల్లు అయిన చైనాలో మరో కొత్త వ్యాధి బయటపడింది. యున్నన్ ప్రావిన్స్‌లోని మెంగాయ్ ప్రాంతంలో ఈ వ్యాధిని అధికారులు గుర్తించారు. మూడేళ్ల పిల్లాడిలో ప్లేగు వ్యాధిని పోలిన వ్యాధిని గుర్తించిన అధికారులు అతన్ని వెంటనే ఆసుపత్రికి తరలించారు. అంతేకాదు ఆ కౌంటీ అంతటా స్క్రీనింగ్ నిర్వహించి లెవెల్ 4 ఎమర్జెన్సీను విధించారు. ఈ వ్యాధి ఎలుకల ద్వారా మనిషికి సోకుతుందని… వ్యాధి సోకిన ఎలుకలు తిరిగిన ప్రదేశంలో తిరగడం వల్ల […]

  • Ravi Kiran
  • Publish Date - 4:57 pm, Tue, 29 September 20

Plague Panic Chinese county declares emergency: కరోనా వైరస్ పుట్టినిల్లు అయిన చైనాలో మరో కొత్త వ్యాధి బయటపడింది. యున్నన్ ప్రావిన్స్‌లోని మెంగాయ్ ప్రాంతంలో ఈ వ్యాధిని అధికారులు గుర్తించారు. మూడేళ్ల పిల్లాడిలో ప్లేగు వ్యాధిని పోలిన వ్యాధిని గుర్తించిన అధికారులు అతన్ని వెంటనే ఆసుపత్రికి తరలించారు. అంతేకాదు ఆ కౌంటీ అంతటా స్క్రీనింగ్ నిర్వహించి లెవెల్ 4 ఎమర్జెన్సీను విధించారు.

ఈ వ్యాధి ఎలుకల ద్వారా మనిషికి సోకుతుందని… వ్యాధి సోకిన ఎలుకలు తిరిగిన ప్రదేశంలో తిరగడం వల్ల గానీ.. అవి కొరకడం వల్ల గానీ.. లేదా వాటిపై వాలిన ఈగల ద్వారా గానీ ఈ వ్యాధి మనుషులకు వ్యాపించే అవకాశం ఉందని వైద్యాధికారులు తెలిపారు. బుబోనిక్ ప్లేగు అనేది బ్యాక్టీరియా వ్యాధి. దీనికి సరైన సమయంలో చికిత్స అందించకపోతే 24 గంటల్లో రోగి చనిపోతాడు. ‘బ్లాక్ డెత్’ అని కూడా పిలువబడే ఈ వ్యాధి వల్ల 14వ శతాబ్దంలో 200 మిలియన్ల మంది ప్రాణాలు విడిచారు.

కాగా, మంగోలియాలోని ఖెంటి ప్రావిన్స్‌లో కూడా ఇలాంటి వ్యాధికి సంబంధించిన కేసులు తాజాగా బయటపడ్డాయి. వాస్తవానికి మంగోలియాలో ఎలుకలను చంపడం చట్ట విరుద్ధం.. కానీ అక్కడి వారు ఆ చట్టాన్ని విస్మరించి వేల సంఖ్యలో ఎలుకలను వేటాడతారు. దీనితో మొత్తం 21 మంగోలియన్ ప్రావిన్సులలో పదిహేడు ఇప్పుడు బుబోనిక్ ప్లేగు బారినపడే ప్రమాదం ఉందని నేషనల్ సెంటర్ అఫ్ జూనిటిక్ డిసీజెస్ హెచ్చరించింది. 

Also Read:

నాలుగేళ్ల డిగ్రీ చేసినవారికి పీహెచ్‌డీ అడ్మిషన్లు..

మందుబాబులకు కిక్కిచ్చే వార్త.. ఆన్‌లైన్‌లో మద్యం అమ్మకాలు.!

ఏపీలో కొత్త ఎక్సైజ్ పాలసీ.. ఆ ప్రదేశాల్లో లిక్కర్ షాపులకు నో పర్మిషన్..

బ్రూసెల్లోసిస్‌… తస్మాత్ జాగ్రత్త.!

రైల్వే ప్రయాణీకులకు బ్యాడ్ న్యూస్.. రూ. 35 వరకు పెరగనున్న టికెట్ ధర!