Egg White Vs Egg Yolk: గుడ్డులోని పచ్చ సొన ఆరోగ్యానికి డేంజరా? దీన్ని తింటే ఏమవుతుంది..
పాలు మాదిరిగానే గుడ్లు కూడా ఆరోగ్యానికి ఎంతో ముఖ్యమైన ఆహారంగా పరిగణించబడతాయి. ప్రోటీన్ అవసరాన్ని తీర్చడానికి గుడ్లను ఆహారంలో చేర్చుకోవడం చాలా మంచిది. అయితే, చాలా మందికి గుడ్డులోని ఏ భాగం ముఖ్యమో తెలియదు. కొందరు తెల్లసొన, మరికొందరు పచ్చసొన మంచిదని చెబుతుంటారు..
పాలు మాదిరిగానే గుడ్లు కూడా ఆరోగ్యానికి ఎంతో ముఖ్యమైన ఆహారంగా పరిగణించబడతాయి. ప్రోటీన్ అవసరాన్ని తీర్చడానికి గుడ్లను ఆహారంలో చేర్చుకోవడం చాలా మంచిది. అయితే, చాలా మందికి గుడ్డులోని ఏ భాగం ముఖ్యమో తెలియదు. కొందరు తెల్లసొన, మరికొందరు పచ్చసొన మంచిదని చెబుతుంటారు. అసలు ఏది ఆరోగ్యానికి మంచిదో ఇక్కడ తెలుసుకుందాం..
గుడ్లను పోషకాహారానికి సూపర్ఫుడ్గా పరిగణిస్తారు. వీటిలో ప్రోటీన్, విటమిన్లు, ఖనిజాలు పుష్కలంగా ఉంటాయి. అందువల్ల అవి శరీరానికి చాలా ప్రయోజనకరంగా ఉంటాయి. గుడ్డులోని తెల్లసొనలో ప్రోటీన్ అధికంగా ఉంటుంది. కొవ్వు ఉండదు. పచ్చసొనలో విటమిన్లు A, D, E, K, B12, అలాగే ఇనుము, జింక్, భాస్వరం వంటి ముఖ్యమైన ఖనిజాలు ఉంటాయి.
ఒక గుడ్డులో సాధారణంగా 6 గ్రాముల ప్రోటీన్ ఉంటుంది. అందులో సగం తెలుపు, సగం పచ్చసొన ఉంటాయి. అయితే ఈ పచ్చసొనలో దాదాపు 180-200 మిల్లీగ్రాముల కొలెస్ట్రాల్ ఉంటుంది. అందువల్ల చాలా మంది పచ్చ సొన తినడానికి పెద్దగా ఆసక్తి చూపరు.
మీ కొలెస్ట్రాల్ స్థాయిలు సాధారణంగా ఉంటే రోజుకు ఒక గుడ్డు, దానిలోని పచ్చసొన తినడం వల్ల ఎటువంటి ఆరోగ్య సమస్యలు వచ్చే అవకాశం లేదు. అయితే మీరు బరువు తగ్గడానికి ప్రయత్నిస్తుంటే మాత్రం గుడ్డులోని తెల్లసొన తీసుకోకపోవడం మంచిది.
గుడ్లు తినేటప్పుడు ఎల్లప్పుడూ ఈ విషయాన్ని గుర్తుంచుకోవాలి. మీ ఆరోగ్య అవసరాలు, ఆహార లక్ష్యాల ఆధారంగా ఏ భాగాన్ని తినాలో, తినకూడదో మీరే నిర్ణయించుకోవాలి.