uppula Raju |
Updated on: Mar 14, 2022 | 6:12 AM
వర్క్ ఫ్రమ్ హోమ్ వంటి వర్కింగ్ కల్చర్ అనుసరించడం వల్ల చాలా మంది ఇప్పుడు యాక్టివ్గా లేరు. శారీరక శ్రమ చాలా తక్కువగా మారింది. దీంతో చాలామంది అనారోగ్యాల బారిన పడుతున్నారు.
చెడు అలవాట్ల వల్ల అకాల వృద్ధాప్యం సంభవిస్తుంది. ఒత్తిడి కారణంగా రోగాల బారిన పడుతున్నారు. జుట్టు కూడా తొందరగా నెరిసిపోతోంది.
ఆహారం సరిగ్గా తీసుకోకున్నా మన శరీరం ముందే వృద్ధాప్యానికి గురవుతుంది. జంక్, ప్రాసెస్ చేసిన ఆహారాలు ఎక్కువగా తినకూడదు. ఇవి ఆరోగ్యానికి చాలా హానికరం.
ఈ రోజుల్లో చిన్నపాటి ఒత్తిడి ఉన్నా ధూమపానం లేదా మద్యపానానికి అలవాటు పడుతున్నారు. యువతలో ఇది ఒక ట్రెండ్గా మారింది. కానీ ఈ అలవాటు మిమ్మల్ని అకాల వృద్ధాప్యానికి గురిచేస్తుంది. అలాగే ఇది ప్రాణాంతకంగా మారుతుంది.
యువత ఓవర్ నైట్ వరకు గాడ్జెట్లు ఉపయోగిస్తున్నారు. అది వారి నిద్రపై ప్రభావం చూపుతుంది. నిద్ర లేకపోవడం వల్ల కళ్ల కింద నల్లటి వలయాలు, ముఖంపై ముడతలు ఏర్పడి త్వరగా వృద్ధాప్యం వస్తుంది.