వీడియో విడుదల చేసిన పెంటగాన్ .. ఏలియన్స్ భూమ్మీదకు వచ్చేశారా..!
గ్రహాంతరవాసులు, ఫ్లైయింగ్ సాసర్స్.. వీటి గురించి తెలుసుకునేందుకు అంతరిక్ష శాస్ర్తవేత్తలు ఎప్పటి నుంచో ప్రయోగాలు చేస్తూనే ఉన్నారు.
గ్రహాంతరవాసులు, ఫ్లైయింగ్ సాసర్స్.. వీటి గురించి తెలుసుకునేందుకు అంతరిక్ష శాస్ర్తవేత్తలు ఎప్పటి నుంచో ప్రయోగాలు చేస్తూనే ఉన్నారు. కానీ కచ్చితమైన ఆధారాలను మాత్రం కనుక్కోలేకపోతున్నారు. ఇదిలా ఉంటే అమెరికాకు చెందిన పెంటాగాన్ సంస్థ తాజాగా ఫ్లైయింగ్ సాసర్స్కు చెందిన మూడు వీడియోలను విడుదల చేసింది. ఈ మూడు వీడియోలు 2004, 2015లో శిక్షణా విమానాల పైలెట్ల ద్వారా బయటకు వచ్చాయని పెంటాగాన్లోని డిపార్ట్మెంట్ ఆఫ్ డిఫెన్స్ వివరించింది.
విమానానికి 40 అడుగుల దూరంలో భూ ఉపరితలానికి 50 అడుగుల ఎత్తులో గుర్తుపట్టలేకుండా ఉన్న వస్తువు ఒకటి తిరుగుతోంది. అది చాలా వేగంతో కదులుతూ వెళ్లింది. ఇక ఈ విషయాన్ని ఓ పైలెట్ తన సహచరుడితో చెబుతున్నట్లు ఓ వీడియో గతంలోనే చక్కర్లు కొట్టింది. ఇదిలా ఉంటే ఇందులో రెండు వీడియోలను 2017లో న్యూయార్క్ టైమ్స్ ప్రచురించగా.. ఇంకో వీడియోను టు ది స్టార్స్ అకాడమీ ఆఫ్ ఆర్ట్స్ అండ్ సైన్స్ గ్రూప్, ఒక మీడియా మరియు ప్రైవేట్ సైన్స్ సంస్థ విడుదల చేసింది. ఇదిలా ఉంటే పెంటాగాన్ ఈ వీడియోలను ఇప్పుడు విడుదల చేయడంతో.. మళ్లీ గ్రహాంతర వాసుల గురించి ఆసక్తి పెరిగింది. ఆ ఫ్లైయింగ్ సాసర్స్లో ఏలియన్స్ భూమి మీదకు వచ్చారేమోనంటూ కొంతమంది కామెంట్లు పెడుతున్నారు.
Read This Story Also: జన్ధన్ ఖాతాదారులకు షాక్.. ఖాతాల నుంచి నగదు వెనక్కి..!