Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 24 వేల 850 మంది వైరస్​ సోకింది. మరో 613 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,73,165. ప్ర‌స్తుతం యాక్టీవ్ కేసులు2,44,814. వ్యాధి బారి నుంచి కోలుకున్న‌వారు 4,09,083. క‌రోనాతో మొత్తం ప్రాణాలు విడిచినవారి సంఖ్య 19,268.
  • కోవిడ్-19 వార్ రూమ్ ఏర్పాటు చేయనున్న ఢిల్లీ సర్కారు
  • మర్డర్ సినిమా దర్శకుడు రామ్ గోపాల్ వర్మ పై కేసు నమోదు చేసిన మిర్యాలగూడ వన్టౌన్ పోలీసులు. వెంకటేశ్వరరావు డిఎస్పి మిర్యాలగూడ.
  • రేపటి నుండి తెరుచుకోనున్న హైదరాబాద్లోని పలు మార్కెట్లు. బేగంబజార్ ట్రూప్ బజార్,జనరల్ బజార్ మార్కెట్లు. కరోనా భయం తో స్వచ్చందంగా షాప్స్ మూసేసి షొప్స్ యజమానులు . 10 రోజుల తరువాత రెపటినుండి యధాతధంగా నడవనున్న మార్కెట్లు.
  • విశాఖ: డీజీపీ గౌతం సవాంగ్ కామెంట్స్ పోలీస్ రోడ్ పై నిలబడి సేవచేయాలంటే కుటుంబ సభ్యుల పాత్ర కూడా ఉంది కరోనా కష్టకాలంలో కుటుంబ సభ్యుల సహకారంతో పోలీసులు విధినిర్బహణలో ఉన్నారు లాక్ డౌన్ సమయంలో ఫారెన్ రిటర్నీస్ ను సమర్ధంగా కట్టడిచేయగలిగాం -కంటైన్మెంట్ స్ట్రాటజీ పక్కాగా అమలు చేయగలిగాం వైరస్ పై ఇంకా అవగాహన పెరగాలి.. అందరూ మాస్క్ ధరించాలని చెబుతున్నాం.. అవగాహన పెంచుతున్నాం
  • రాష్ట్రపతి రామ్‌నాథ్ కోవింద్‌తో ప్రధాని మోదీ భేటీ. లద్దాఖ్ పర్యటన నుంచి తిరిగొచ్చిన వెంటనే భేటీ. సరిహద్దు ఉద్రిక్తతలు, అంతర్జాతీయ మద్ధతు సహా పలు అంశాలపై చర్చ.

రివ్యూ: ‘ఆర్‌డిఎక్స్ లవ్’ – కేవలం బీ, సీ సెంటర్లకు మాత్రమే!

RDX Love Telugu Movie Review, రివ్యూ: ‘ఆర్‌డిఎక్స్ లవ్’ – కేవలం బీ, సీ సెంటర్లకు మాత్రమే!

టైటిల్ : ‘ఆర్‌డిఎక్స్ లవ్’

తారాగణం : పాయల్ రాజ్ పుత్, తేజూస్ కంచర్ల, ఆదిత్య మీనన్, నరేష్, ఆమని తదితరులు

సంగీతం : రథన్

నిర్మాతలు : సి.కళ్యాణ్

కథ ,స్క్రీన్ ప్లే, దర్శకత్వం : శంకర్ భాను

విడుదల తేదీ: 11-10-2019

‘ఆర్ఎక్స్100’ సినిమాతో యూత్‌‌‌‌‌‌‌‌‌‌‌‌‌ను  ఓ ఊపు ఊపేసిన హీరోయిన్ పాయల్ రాజ్‌ఫుత్ చేసిన మరో బోల్డ్ అటెంప్ట్ ‘ఆర్‌డిఎక్స్ లవ్’. పాయల్ గ్లామర్‌ను హైలైట్ చేస్తూ విడుదల చేసిన టీజర్, ట్రైలర్ కుర్రకారును విపరీతంగా ఆకట్టుకున్నాయి. మరి ‘ఆర్ఎక్స్ 100’ మాదిరిగా ఈ చిత్రం పాయల్‌కు మరో హిట్ అందిస్తుందా లేదో ఈ సమీక్షలో తెలుసుకుందాం.

కథ‌ :

చంద్రన్నపేట గ్రామానికి చెందిన అలివేలు(పాయల్ రాజ్‌పుత్) సేఫ్ సెక్స్, కుటుంబ నియంత్రణ వంటి ప్రభుత్వ పథకాల గురించి ప్రజల్లో అవగాహన కల్పిస్తూ, తన ఊరు సమస్యకు పరిష్కారం కోసం ప్రయత్నిస్తుంది. ఈ నేపథ్యంలో సిద్దు(తేజూస్) అలివేలును చూసిన మొదటి చూపులోనే ప్రేమలో పడతాడు.

అప్పటి నుంచి ఆమె చుట్టూనే తిరుగుతూ ఉంటాడు. అయితే అలివేలు మాత్రం తన లక్ష్యం కోసమే పాటుపడుతుంటుంది. ఈ క్రమంలో సిద్దు ప్రేమను కూడా వాడుకోవాలని భావిస్తుంది. అనుకోని అతిధిగా నారాయణ్(ఆదిత్య మీనన్) అలివేలు జీవితంలోకి వస్తాడు. అప్పటి నుంచి ఆమెకు ఇబ్బందులు మొదలవుతాయి. అసలు అలివేలు ఎవరు? ఆమె ఊరుకు ఉన్న సమస్య ఏంటి? సిద్దు, అలివేలు ప్రేమ ఎలా ముగిసింది? అనే ప్రశ్నలకు సమాధానాలు వెండి తెరపై చూడాల్సిందే.

న‌టీన‌టుల అభినయం:

ఫస్ట్ టైం లేడి ఓరియెంటెడ్ సినిమాలో నటించిన పాయల్ రాజ్‌పుత్.. అన్నీ తానై సినిమాను నడిపించింది. ప్రభుత్వ పథకాల గురించి చెప్పేటప్పుడు ఆమె వాడే డబుల్ మీనింగ్ డైలాగులు కొంచెం ఇబ్బందికరంగా అనిపించినా.. బీ, సీ సెంటర్లకు మాత్రం కిక్కునిస్తాయి. ఇక హీరో తేజూస్ సిద్దు పాత్రలో ప్రేక్షకులను మెప్పించడానికి తనవంతు ప్రయత్నం చేశాడు. అయితే ఇది లేడి ఓరియెంటెడ్ సినిమా కావడంతో పెద్దగా హైలైట్ కాలేదు. అటు హీరో హీరోయిన్ల మధ్య వచ్చే రొమాంటిక్ సన్నివేశాలు మరోసారి ‘ఆర్ఎక్స్100’ చిత్రాన్ని గుర్తుచేశాయి. పాయల్‌ను నుంచి ఈ రెండు అంశాలు ఆశించి వెళ్లిన ఆడియన్స్‌కి మాత్రం ఈ మూవీ ఫుల్ ఎంటర్టైన్మెంట్ ఇస్తుంది.

వీరిద్దరి తర్వాత చెప్పుకోవాల్సిన మరొక నటుడు ఆదిత్య మీనన్.. విలన్ పాత్రలో మరోమారు అదరగొట్టాడు. తనదైన శైలి డైలాగ్ మోడ్యులేషన్, హావభావాలతో అభిమానులను కట్టిపడేశాడు. సీఎంగా బాపినీడు, గ్రామస్థుడి పాత్రలో సీనియర్ నటుడు నరేష్ ఫర్వాలేదనిపించారు. కాగా, మిగిలిన వారు తమ పాత్రల పరిధి మేరకు పూర్తి న్యాయం చేశారు.

విశ్లేష‌ణ‌ :

కథలోని కాన్సెప్ట్ ఆసక్తికరంగా ఉన్నా.. దాన్ని వెండితెరపై చూపించడంలో దర్శకుడు పూర్తిగా విఫలమయ్యాడని చెప్పాలి. ఎక్కడా కూడా ఉత్కంఠ అనేది ఉండదు. ముఖ్యంగా మొదటి భాగంలో సోషల్ యాక్టివిస్ట్‌గా పాయల్ చెప్పే డైలాగులు పూర్తిగా అడల్ట్ కంటెంట్ ఉండటంతో ఫ్యామిలీ ప్రేక్షకులకు ఏమాత్రం నచ్చదు.

అసలు కథ గురించి పూర్తిగా మర్చిపోయే.. అనవసరమైన సన్నివేశాలు, అర్ధంపర్ధం లేని డైలాగులతో ప్రేక్షకులను పూర్తిగా బోర్ కొట్టిస్తాడు దర్శకుడు. అంతేకాక వీటి వల్ల మూవీ నిడివి కూడా పెరగడంతో ఫ్యాన్స్ విసుగు చెందుతారు. ‘ఆర్ఎక్స్100’ మాదిరి యువతకు కనెక్ట్ అయ్యేలా టైటిల్ పెడితే సరిపోదు దానిలో కావాల్సినంత కంటెంట్ ఉండాలి.

‘ఆర్ఎక్స్100’ సినిమా హిట్ కావడానికి ఆసక్తికరమైన కథ, అనుకోని ట్విస్టులు ఉండడమే. అంతేకాకుండా ఈ మూవీలో కథలో భాగంగా రొమాంటిక్ సన్నివేశాలు వస్తాయి. కానీ ‘ఆర్‌డిఎక్స్ లవ్’లో మాత్రం అవసరానికి మించి రొమాన్స్ కురిపించారు తప్ప.. అసలు కథపై మాత్రం దృష్టి సారించలేదు. కథలో భాగంగా వచ్చే రొమాన్స్‌కు అర్ధం ఉంటుంది. అంతేకానీ రొమాన్స్, బోల్డ్ సీన్స్ కోసం కథ రాసుకుంటే ఇలాగే ఉంటుంది. దీనితో పాటు ఈ కథకు దర్శకుడు ఇచ్చిన ముగింపు కూడా సిల్లీగా ఉంటుంది. ఏది ఏమైనా అసలు ఇలాంటి సినిమాలో ఏం నచ్చి పాయల్ సైన్ చేసిందో ఎవ్వరికీ తెలియదు.

సాంకేతిక విభాగాల పనితీరు:

చిన్న సినిమా అయినప్పటికీ నిర్మాత ఎక్కడా కూడా రాజీ పడకుండా తెరకెక్కించాడని చెప్పాలి. కెమెరా వర్క్ ఆకట్టుకుంటుంది. సాంగ్స్, బ్యాగ్రౌండ్ మ్యూజిక్ ఓకే. ఎడిటింగ్ మాత్రం పూర్తిగా వైఫ్యలం చెందింది. మంచి సబ్జెక్ట్ అనుకున్న దర్శకుడు శంకర్ భాను.. దాన్ని వెండితెరపై ఆవిష్కరించడంలో పూర్తిగా విఫలమయ్యాడు. కథకు అవసరం లేని సన్నివేశాలతో మూవీ ఫ్లో పూర్తిగా దెబ్బతీశాడు. హీరోయిన్‌తో చెప్పించే బూతు డైలాగులు.. కేవలం బోల్డ్ కంటెంట్ కోసం జొప్పించినట్లు ఉంటాయి తప్ప కథకు అసలు సంబంధం ఉండదు.

ప్లస్‌ పాయింట్స్‌ :

  • పాయల్ నటన
  • కాన్సెప్ట్

మైనస్‌ పాయింట్స్‌ :

  • కథలో కొత్తదనం లేకపోవడం
  • కొన్ని లాజిక్ లేని సన్నివేశాలు

Related Tags