Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

మహేశ్‌కేనా కర్నూలు సెంటిమెంట్.. నాక్కూడా అంటున్న జనసేనాని

pawankalyan like superstar mahesh, మహేశ్‌కేనా కర్నూలు సెంటిమెంట్.. నాక్కూడా అంటున్న జనసేనాని

సూపర్ స్టార్ మహేశ్‌బాబు తరహాలోనే తనకూ కొండారెడ్డి బురుజు సెంటిమెంట్ అనబోతున్నారు జనసేనాని పవన్ కల్యాణ్. అయితే అది సినిమాల్లో కాదు.. రాజకీయాల్లో. గత పదిహేను రోజులుగా సినిమాలతో బిజీగా వున్న పవన్ కల్యాణ్.. ఫిబ్రవరి రెండోవారంలో రాజకీయాలపై దృష్టి సారించబోతున్నారు. అందులో కొండారెడ్డి బురుజు ఓ ప్రత్యేకత సంతరించుకోబోతోంది.

అమితాబ్ నటించిన పింక్ తెలుగు రీమేక్‌లో బిగ్ బీ పోషించిన లాయర్ సాబ్ పాత్రని పవన్ కల్యాణ్ పోషిస్తున్న సంగతి తెలిసిందే. జనవరి 20న ప్రారంభమైన సినిమా షూటింగ్‌లో కొన్ని రోజులు పాల్గొన్న పవన్ కల్యాణ్ ఫిబ్రవరి 12 నుంచి ఏపీలో పర్యటనలకు సిద్దమవుతున్నారు. అందులో భాగంగా తొలిరోజున పవన్ కల్యాణ్ కర్నూలులో పర్యటించబోతున్నారు. ఫిబ్రవరి 12,13 తేదీలలో పవన్ కళ్యాణ్ కర్నూలు పర్యటన కొనసాగుతుంది. 12న కర్నూలులో ర్యాలీ చేపట్టి, బహిరంగ సభలో పాల్గొంటారు. అదే రోజు మధ్యాహ్నం 3 గం.కు రాజ్‌విహార్ కూడలి నుంచి కోట్ల కూడలి వరకు ర్యాలీ నిర్వహిస్తారు. ఈ ర్యాలీలో జనసేన నాయకులూ, శ్రేణులు, వివిధ ప్రజా సంఘాలు పాల్గొంటాయి.

అనంతరం కోట్ల కూడలిలో బహిరంగ సభ నిర్వహిస్తారు. 13వ తేదీన ఎమ్మిగనూరు వీవర్స్ కాలనీని సందర్శిస్తారు. విద్యార్థిని సుగాలి ప్రీతి అత్యాచారం, హత్య ఘటనను పవన్ కల్యాణ్ ప్రధానంగా ప్రస్తావించే అవకాశం వుందని చెబుతున్నారు. 13వ తేదీ ఉదయం నుంచి సాయంత్రం వరకూ కర్నూలు, ఎమ్మిగనూరులో నిర్వహించే కార్యక్రమాల్లో పాల్గొని ప్రజా సమస్యలను తెలుసుకొంటారు. అనంతరం కర్నూలులో ఎప్పటి నుంచో అపరిష్కృతంగా ఉన్న జోహరాపురం వంతెన సమస్యపై స్థానికులతో మాట్లాడతారని జనసేన పార్టీ వర్గాలు వెల్లడించాయి.

జి+2 గృహాలను నిర్మించిన ప్రాంతానికి పవన్ కల్యాణ్ వెళ్తారని, గృహాలు పొందిన లబ్ధిదారులతో సమావేశమవుతారని పార్టీ వర్గాలు చెబుతున్నాయి. అనంతరం ఎమ్మిగనూరు వెళ్ళి..అక్కడ వీవర్స్ కాలనీని సందర్శిస్తారని, చేనేత కార్మికుల సమస్యల గురించి అడిగి తెలుసుకుంటారని తెలిపారు.

Related Tags