ఈ కుర్ర డైరెక్టర్ నక్క తోక తొక్కాడు !

పవన్ కల్యాణ్ ఆలోచనా ధోరణి చాలా విభిన్నంగా ఉంటుంది. ఆయన కొన్నిసార్లు అస్సలు ఊహించలేని నిర్ణయాలు తీసుకుంటారు.

Updated on: Oct 26, 2020 | 8:42 PM

పవన్ కల్యాణ్ ఆలోచనా ధోరణి చాలా విభిన్నంగా ఉంటుంది. ఆయన కొన్నిసార్లు అస్సలు ఊహించలేని నిర్ణయాలు తీసుకుంటారు. రాజకీయాల్లో బిజీ అయ్యి..సినిమాలకు గ్యాప్ ఇచ్చిన పవన్.. ఇటీవలే రీ ఎంట్రీ ఇచ్చారు. ఈ క్రమంలో ‘పింక్‍’ రీమేక్‍ చేయడానికి గ్రీన్ సిగ్నల్ ఇచ్చి అందర్నీ ఆశ్యర్యపరిచారు. తాజాగా ‘అయ్యప్పనుమ్‍ కోషియుమ్‍’ రీమేక్‌ చేసేందుకు కూడా రెడీ అయినట్లు అర్థమయిపోయింది. ఈ చిత్రానికి యువ దర్శకుడు సాగర్ కె చంద్ర దర్శకత్వం వహించనున్నారు. కేవలం రెండు చిన్న సినిమాలు చేసిన అతడికి పవన్ డైరెక్ట్‌ చేసే అవకాశం రావడం మాములు విషయం కాదు. అలాగని కుర్రోడు కంటెంట్ లేనోడేమి కాదు. తీసిన రెండు సినిమాల్లో ( ‘అయ్యారే’, ‘అప్పట్లో ఒకడుండేవాడు’ ) కూడా తన విభిన్నత చాటుకున్నాడు. మేకింగ్‌తో పాటు రచనలోనూ మంచి ప్రదర్శన చేశాడు. ఓ పెద్ద హీరోతో సినిమా చెయ్యాలని అతడు చాన్నాళ్ల నుంచి వెయిట్ చేస్తున్నాడు. పలువురికి కథలు చెప్పాడు..కానీ ఫైనల్ అనౌన్సిమెంట్స్ రాలేదు. కానీ ఊహించని విధంగా అతడికి పవన్‌ను డైరెక్ట్ చేసే అవకాశం లభించింది. కాగా ఈ ఆఫర్‌ని సద్వినియోగం చేసుకుని పవన్ ఫ్యాన్స్‌తో పాటు ఎంతో నమ్మకం ఉంచి ప్రాజెక్ట్ అప్పగించిన నిర్మాతలను కూడా సంత‌ృప్తి పరచాల్సిన పెద్ద బాధ్యత ఉంది. ఆల్ ది బెస్ట్ సాగర్ కె చంద్ర.