Breaking News
  • ఏపీ రాజధానిగా అమరావతిని గుర్తించిన సర్వే ఆఫ్‌ ఇండియా. జమ్ము-కశ్మీర్‌ విభజన తర్వాత విడుదల చేసిన కొత్త మ్యాప్‌లో ఏపీ రాజధానిగా ఏ నగరాన్ని చూపని సర్వే ఆఫ్‌ ఇండియా. తీవ్ర అభ్యంతరం వ్యక్తం చేసిన ఆంధ్రప్రదేశ్‌ ఎంపీలు. ఏపీ ప్రభుత్వం ఇచ్చిన పత్రాల ఆధారంగా అమరావతిని రాజధానిగా గుర్తిస్తూ కొత్తమ్యాప్‌ విడుదల చేసిన సర్వేఆఫ్‌ ఇండియా.
  • యాదాద్రి: బైక్‌ను ఢీకొన్న గూడ్స్‌ రైలు. భర్త రాంరెడ్డి మృతి, భార్య రాధకు తీవ్రగాయాలు. భువనగిరి మండలం రాయగిరి రైల్వేస్టేషన్‌ దగ్గర ఘటన.
  • పార్టీ మారతారన్న వార్తలపై స్పందించిన మంత్రి ఈటల. నేను పార్టీ మారను-మంత్రి ఈటల. గాలి వార్తలపై నేను స్పందించను. చెప్పే వాళ్లు ఎన్నైనా చెప్తారు-మంత్రి ఈటల.
  • సుజనాచౌదరి వ్యాఖ్యలకు మంత్రి మోపిదేవి కౌంటర్‌. గోడ దూకే ఎంపీలెవరూ వైసీపీలో లేరు. జగన్‌పై ఎంపీలు, ఎమ్మెల్యేలకు సంపూర్ణ విశ్వాసం ఉంది. తిరుమలను ఆర్ధిక వనరుగా భావించే ఆలోచన ప్రభుత్వానికి లేదు -మంత్రి మోపిదేవి వెంకటరమణ.
  • ఈ ప్రపంచంలో దేనికైనా రంగులు వేయొచ్చు కష్టానికి తప్ప. అమరావతిని అంతర్జాతీయ పటంలో పెట్టింది చంద్రబాబు. అమరావతిని చేర్చి సర్వే ఆఫ్‌ ఇండియా కొత్త మ్యాప్‌ విడుదల చేసేలా లోక్‌సభలో పోరాడిన గల్లా జయదేవ్‌కు అభినందనలు-ట్విట్టర్‌లో నారా లోకేష్‌

ఇస్రోకు ‘బాహుబలి’ పేరు పెట్టడంపై డార్లింగ్ స్పందన

Pawan kalyan, Prabhas Congratulates ISRO Team, ఇస్రోకు ‘బాహుబలి’ పేరు పెట్టడంపై డార్లింగ్ స్పందన

చంద్రయాన్-2 ప్రయోగం విజయవంతంపై స్పందించారు రెబల్ స్టార్ ప్రభాస్. ‘హల్లో డార్లింగ్స్.. చంద్రయాన్-2 ప్రయోగం విజయవంతం కావడం పట్ల యావత్ భారతీయులు గర్వపడుతున్నారని’ తన ఇన్‌స్ట్రాగ్రామ్‌లో ఇస్రో శాస్ర్తవేత్తలను ప్రభాస్ విష్ చేశారు. చంద్రయాన్-2ను కక్ష్యలోకి ప్రవేశపెట్టిన వాహకానికి బాహుబలి అని పేరు పెట్టడం గౌరవంగా భావిస్తున్నాను.. అందుకు చాలా సంతోషంగా ఉందని పేర్కొన్నారు. 300 వందల టన్నుల బరువైన చంద్రయాన్-2ను ప్రయోగించడం వెనుక ఎన్నో ఏళ్ల కృషి ఉందని పేర్కొన్నారు. దీనికి స్పందించిన ఇస్రో యూనిట్.. బాహుబలి చిత్ర యూనిట్ అధికారిక ట్విట్టర్ ఖాతాకు ధన్యవాదాలు తెలిపారు. ఏదైమైనా మొత్తానికి చంద్రయాన్-2తో భారతీయ ఖ్యాతి మరింత పెరిగిందనే చెప్పాలి.

కాగా.. ఇస్రో ప్రతిష్టాత్మకంగా చేపట్టిన చంద్రయాన్-2 ప్రయోగం విజయవంతమైన క్షణాలను ప్రతి భారతీయుడు సగర్వంగా గుర్తుంచుకుంటారని జనసేన అధినేత, ప్రముఖ హీరో పవన్ కళ్యాణ్ అన్నారు. ఈ సందర్భంగా మాట్లాడుతూ.. చంద్రయాన్-2 రాకెట్ నిర్ధేశిత లక్ష్యాన్ని చేరుకోవడం ద్వారా మన దేశాన్ని అగ్రదేశాల జాబితాలో నిలిపిందన్నారు. ఇస్రో శాస్త్రవేత్తలకు నా తరపున, జనసైనికుల తరపున అభినందనలు తెలిపారు పవన్.