Breaking News
  • చిత్తూరు: మదనపల్లెలో మహిళా సంఘాల ఆందోళన. నిందితుడిని ఉరి తీయాలంటూ చిన్నారి వర్షిత తల్లిదండ్రుల ధర్నా. తమకు న్యాయం చేయాలంటున్న వర్షిత తల్లిదండ్రులు. రఫీని బహిరంగంగా ఉరి తీయాలని డిమాండ్. విద్యుత్‌ టవర్‌ ఎక్కిన వర్షిత కుటుంబ సభ్యులు. కిందకు దించేందుకు పోలీసుల ప్రయత్నాలు.
  • వివాదంలో జార్జిరెడ్డి సినిమా. ఏబీవీపీ విద్యార్థులను రౌడీలుగా చూపెట్టే కుట్ర జరుగుతోందని ఆరోపణ. సినిమాలో జార్జిరెడ్డి రౌడీయిజాన్ని చూపెట్టాలన్న ఏబీవీపీ. ఇప్పటికే ప్రీ రిలీజ్‌ ఫంక్షన్‌కు అనుమతి నిరాకరించిన పోలీసులు. ఈ నెల 22న విడుదల కానున్న జార్జిరెడ్డి.
  • వరంగల్‌: ఏనుమాముల మార్కెట్ యార్ట్‌లో పత్తి కొనుగోళ్లు ప్రారంభం. ప్రభుత్వ హామీతో తిరిగి కొనుగోళ్లు ప్రారంభించిన కాటన్ వ్యాపారులు.
  • ఢిల్లీ చేరుకున్న ఎన్సీపీ అధినేత శరద్‌ పవార్‌. సా.4గంటలకు సోనియాతో భేటీ కానున్న శరద్‌పవార్‌. మహారాష్ట్రలో ప్రభుత్వ ఏర్పాటు, ఉమ్మడి కార్యాచరణపై చర్చ.
  • హైదరాబాద్‌: హైకోర్టులో అగ్రిగోల్డ్ కేసు విచారణ. తాకట్టు పెట్టిన అగ్రిగోల్డ్ ఆస్తులను వేలం వేసిన బ్యాంకర్లు. సంవత్సరం గడిచినా కొనుగోలుదారులకు అందని కన్‌ఫర్మేషన్‌ ఆర్డర్. కన్‌ఫర్మేషన్‌ ఇవ్వాలని కోరిన బ్యాంకర్లు. డిసెంబర్‌ 5న మరోసారి విచారిస్తామన్న హైకోర్టు. తదుపరి విచారణ డిసెంబర్‌ 5కు వాయిదా.
  • లోక్‌సభలో కొనసాగుతున్న ప్రశ్నోత్తరాలు. ప్రాంతీయ భాషా పరిరక్షణపై కేశినేని నాని ప్రశ్న. త్రిభాషా విధానాన్ని అమలు చేయాలి-కేశినేని నాని. ప్రాంతీయ భాషలను రక్షించాల్సిన అవసరం ఉంది-కేశినేని నాని. పలు అంశాలపై చర్చకు పట్టుబడుతున్న విపక్షాలు. విపక్ష సభ్యుల నినాదాల మధ్య కొనసాగుతున్న సభ. తెలుగు భాష ఉన్నతికి చర్యలు తీసుకుంటున్నాం-మంత్రి పోఖ్రియాల్‌.
  • ఆగ్రా జిల్లా పేరు మార్చే యోచనలో యూపీ సర్కార్. ఆగ్రా పేరును ఆగ్రావన్‌గా మార్చాలని యూపీ సర్కార్‌ యోచన. కాషాయికరణలో భాగంగా పేరు మారుస్తున్నారని విపక్షాల విమర్శలు. గతంలో ఫైజాబాద్‌ను అయోధ్యగా.. అలహాబాద్‌ను ప్రయాగ్‌రాజ్‌గా మార్చిన యూపీ సర్కార్.

సైరా.. సై..సై.. అంటాడా..?

Pawan Kalyan As Chief Guest At Chiranjeevis 64th Birthday Celebrations

సైరా నరసింహారెడ్డి సినిమాకి అభిమానులే కాదు.. తమ్ముడూ జై కొట్టాడు. మొన్న టీజర్ కి వాయిస్ ఓవర్ ఇచ్చాడు.. నిన్న బర్త్ డే వేడుకల్లో పాల్గొన్నాడు. ఇక ఈ అన్నదమ్ముల అనుబంధం సిల్వర్ స్క్రీన్ వరకేనా.. పొలిటికల్ స్క్రీన్ మీద కూడా కనిపిస్తుందా? తమ్ముడి కోసం అన్నయ్య రాజకీయాల్లోకి రీ ఎంట్రీ ఇస్తారా..? అనేది ఇప్పుడు చర్చగా మారింది.

అన్నయ్య బర్త్ డే వేడుకలకి స్పెషల్ గెస్ట్ గా వచ్చిన పవన్ అన్నయ్యే తనకు ఆదర్శమని ప్రకటించాడు.. దాంతో ఈ అన్నదమ్ముల బంధం పొలిటికల్ సర్కిల్స్ లో కొత్త డిస్కషన్ కి తెర లేపింది. మునుపెన్నడూ రాజకీయ వేదికను పంచుకోని అన్నదమ్ములు ఇప్పడు సినీ వేదికను పంచుకోవడంతో ఈ బంధం రాజకీయ వేదికను కూడా పంచుకుంటుందా? అనే చర్చలు మొదలయ్యాయి.

పవన్ కళ్యాణ్ జనసేన స్థాపించిన తర్వాత అన్నదమ్ములు రాజకీయ వేదికపైన ఎప్పుడూ కనిపంచలేదు. చిన్న అన్నయ్య నాగబాబు తమ్ముడికి సపోర్ట్ గా నిలవడమే కాకుండా ఎంపీగా కూడా పోటీ చేశారు. కానీ చిరంజీవి మాత్రం తమ్ముళ్లకు మద్దతు కూడా ప్రకటించలేదు. తర్వాత ఎన్నికల్లో ఘోర ఓటమి పాలైన పవన్ రాజకీయానికి గుడ్ బై చెప్పేస్తారనుకున్నారంతా..

అయితే వారి ఆలోచనలను పటాపంచలు చేస్తూ మరో పదేళ్ళు ఫుల్ టైమ్ పాలిటిక్సే అంటూ క్లారిటీ ఇచ్చారు పవన్ కళ్యాణ్. తాజాగా పెద్దన్నయ్య పుట్టిన రోజు వేడుకల్లో పాలుపంచుకున్న పవన్ అన్నయ్యే నాకు ఆదర్శమని చెప్పడం కొత్త చర్చలకు దారి తీసింది. సినిమా కోసం కలిసిన అన్నదమ్ముల ప్రేమ రాజకీయాల్లోనూ కనిపిస్తుందా అనే చర్చలు జనసేన వర్గాల్లో జోరుగా సాగుతున్నాయి.