Breaking News
  • చైనీస్ గేమింగ్ కేసుల్లో కొత్త కోణాలు . గేమింగ్ లో బెట్టింగ్ పెట్టి ప్రాణాలు కోల్పోయిన ఇద్దరు వ్యక్తులు . ఎస్ఆర్ నగర్ లో 6 లక్షలు , అదిలాబాద్ లో 15 లక్షలు పోగొట్టుకున్న యువకుడు సూసైడ్ . తాము కూడా లక్షలు పోగొట్టుకున్నామని సైబర్ క్రైమ్ కు క్యూ కడుతున్న బాధితులు . టెలిగ్రామ్ యాప్ లో గ్రూప్స్ ఫై సైబర్ క్రైమ్ పొలిసుల విచారణ . టెలిగ్రామ్ యాప్ లో గ్రూప్ ల ద్వారా వస్తున్న రిఫెరల్ కోడ్ , ప్రెడిక్షన్ ల ఫై కేసు నమోదు చేయనున్న సైబర్ క్రైమ్ పోలీసులు . చైనా దేశస్థుడు యాహువో, దిల్లీకి చెందిన ధీరజ్‌ సర్కార్‌, అంకిత్‌ కపూర్‌, నీరజ్‌ లను కస్టడీ తీసుకోనున్న పోలీసులు . బెట్టింగ్ యాప్ లో ద్వారా 110 కోట్లు వసూళ్లు . పెమా , మని ల్యాండరింగ్ జరిగినట్టు ప్రాధమిక అంచనా . కంపెనీ డైరెక్టర్ ల లావాదేవీ ల ఫై ఈడీ కి లేక రాయనున్న సీసీఎస్ పోలీసులు.
  • చెన్నై : ప్రముఖ నటి నిక్కీగల్రనికి కరోనా సోకినట్టు నిర్ధారణ . తెలుగు తమిళ్ మలయాళం లో పలు చిత్రాలలో నటించిన నటి నిక్కీగల్రని. తనకు వైద్యపరీక్షల అనంతరం కరోనా సోకినట్టు వైద్యులు నిర్ధారించారని , ప్రస్తుతం తన ఆరోగ్యం మెరుగ్గానే ఉందని తన ట్విట్టర్ లో వెల్లడి
  • తెలంగాణ పోలీస్ శాఖ లో కరోనా కలకలం . తెలగాణలో 4259 మంది పోలీసులకు కరోనా . ఎక్కువగా హైదరాబాద్ కమిషనరేట్ లిమిట్స్ లో 1946 మంది పోలీస్ ల కి కరోనా . తెలంగాణ వ్యాప్తం గా కరోనా తో 39 మంది పోలీసులు మృతి . హైద్రాబాద్ కమీషనరేట్ లిమిట్స్ లో 26 మంది మృతి . పోలీస్ కరోనా కేసుల్లో హైద్రాబాద్ తర్వాత వరంగల్ , రాజన్న సిరిసిల్ల , నల్గొండ లో పోలిసులకు ఎక్కువ కరోనా కేసులు.
  • అమీన్పూర్ అనాధ ఆశ్రమంలో.. మైనర్ బాలిక అత్యాచారం ఘటనలో కొత్త కోణం. ఆలస్యంగా వెలుగులోకి మారుతీ అనాధ ఆశ్రమ ఆగడాలు. మరోమైనర్ బాలికపై సైతం నిందితుడు వేనుగోపాల్ లైంగికదాడి. కుటుంబ సభ్యులు నిలదీయడంతో నిర్వాకుల బెదిరింపులు. ఆలస్యంగా వెలుగులోకి మారుతీ అనాధ ఆశ్రమ ఆగడాలు. సంగారెడ్డి చైల్డ్ వెల్ఫేర్ సభ్యురాలితో నిందితులకు సన్నిహిత సంభందాలు. జిల్లా చెల్డ్ వెలిఫేర్ కమిటీ సభ్యురాలి సహకారంతో అక్రమాలు. లాక్డౌన్ సమయంలో రెస్కూచేసిన మైనర్లను ఇక్కడికే పంపాలనీ సిబ్బందిపై ఒత్తిడి. కమిటీ సమావేశాలకు సైతం నేరూగా హాజరైన నిందితుడు వేణుగోపాల్. హైపవర్ కమిటీ విచారణలో వెలుగులోకి వస్తున్న మారుతీ అనాధ ఆశ్రమం ఆగడాలు. అనాధ ఆశ్రమంలోని 70మందిని విచారించనున్న అధికారులు. రాష్ట్రం లోని ఇతర అనాధ ఆశ్రమలాల్లో సైతం తనిఖీలకు అధికారుల ఆదేశం. రాష్ట్ర వ్యాప్తంగా 400ఆశ్రమాలు,19వేల మంది అనాధలు.
  • టాలీవుడ్ లో మరో పొలిటికల్ డ్రామా ఫిల్మ్ రూపొందుతోంది. నారా చంద్రబాబు నాయుడు, వై ఎస్ రాజశేఖర్ రెడ్డి ల స్నేహాన్ని, రాజకీయ శతృత్వాన్ని తెరకెక్కిస్తున్నారు. "ఇంద్రప్రస్థం" పేరుతో తెరకెక్కుతున్న ఈ సినిమా కు దర్శకుడు దేవా కట్టా. రీసెంట్ గా కథా చౌర్యం వివాదంలో పడిన ఈ కథ ఇప్పుడు టాక్ ఆప్ ద టాలీవుడ్.
  • మర్డర్ సినిమా విడుదల నిలిపివేయాలని అమృత వేసిన పిటిషన్ పై ఇవాళ నల్గొండ SC, ST కోర్టులో విచారణ.
  • స్వర్ణ ప్యాలెస్ అగ్నిప్రమాదం పై విచారణ వేగవంతం చేసిన పోలీసులు. స్వర్ణ ప్యాలెస్ ఘటనలో అరెస్ట్ అయిన ముగ్గురు నిందితులను కస్టడీ కి కోరుతు కోర్టు లో పిటిషన్ దాఖలు చేసిన పోలీసులు. ముగ్గురు నుండి మరికొన్ని విషయాలు సేకరించేందుకు వారం రోజుల పాటు కస్టడీ కి ఇవ్వాలని విజయవాడ 3rd ఏసిఎమ్ఎమ్ కోర్టు లో పిటిషన్ దాఖలు చేసిన పోలీసులు. కౌంటర్ పిటిషన్ దాఖలు చేయనున్న నిందితుల తరుపున న్యాయవాది.

‘ఆ’ విషయంలో జగన్, పవన్ క్వైట్ అపోజిట్.. ఎందులో తెలుసా ?

jagan pavan are quite opposite, ‘ఆ’ విషయంలో జగన్, పవన్ క్వైట్ అపోజిట్.. ఎందులో తెలుసా ?

రాజకీయాల్లో వున్న ఇద్దరు పెద్ద వ్యక్తులను పరస్పరం పోల్చి చూడడం సహజంగా జరిగే పనే. గతంలో చంద్రబాబు నాయుడు, వైఎస్ రాజశేఖర్ రెడ్డిల మధ్య సమీప్యతలు, భిన్నమైన అంశాలను మీడియా తరచూ ప్రస్తావించేది. ముఖ్యమంత్రులుగా ఎవరి స్టైల్ ఏంటి అనే విషయంలో తరచూ చర్చ జరిగేది. తాజాగా ఆల్ మోస్ట్ సమాన వయస్కులైన వైసీపీ అధినేత, సీఎం జగన్, జనసేన చీఫ్ పవన్ కల్యాణ్‌లను తరచూ పోల్చుకుంటూనే వుంటారు. ఒక్క విషయంలో మాత్రం ఇద్దరు క్వైట్ అపోజిట్ అని బుధవారం నిరూపణ అయ్యింది.

ఆంధ్రప్రదేశ్ ప్రభుత్వ పాఠశాలల్లో చదువుకునే పిల్లలకు తప్పనిసరిగా ఇంగ్లీషు భాషలోనే విద్యాబోధన జరగాలని సీఎం జగన్ సంకల్పించిన సంగతి తెలిసిందే. జాతీయ స్థాయిలో మెరుగైన ఫలితాలు సాధించాలంటే ఇంగ్లీషు మీడియంలో విద్య తప్పనిసరి అని ముఖ్యమంత్రి భావించడమే ఈ సంకల్పానికి కారణమని తెలుస్తోంది. అయితే తెలుగు భాషను చంపేస్తున్నారంటూ రాజకీయ నాయకులు గగ్గోలు పెట్టడం కావచ్చు.. లేక ప్రభుత్వ పాఠశాలల్లో తగిన స్థాయిలో సంసిద్దత లేకపోవడం కావచ్చు.. ఒకటి నుంచి పదో తరగతి వరకు ఇంగ్లీష్ మీడియంను కంపల్సరీ చేయాలన్న యోచనను జగన్ తాత్కాలికంగా పక్కన పెట్టేశారు. ఒకటి నుంచి ఆరో తరగతి వరకు ఇంగ్లీషు మీడియంను మాత్రం అర్జెంట్ ఆమోదించేశారు.

ఇదంతా జగన్ స్టైల్‌కు సంబంధించిన సమాచారం. ఇదే సమయంలో తెలుగు, ఇంగ్లీషు మీడియంపై జనసేన ఓ ప్రెస్ రిలీజ్ విడుదల చేసింది. ఈ ప్రెస్ నోట్ చూసిన వారెవరికైనా జగన్‌కు పూర్తి భిన్నంగా జనసేనాని వెళుతున్నట్లు క్లియర్‌గా అర్థమవుతోంది. ఒకటవ తరగతి నుంచి ఇంగ్లీషు విద్య అని జగన్ అంటుంటే.. కెజి నుంచి పిజి వరకు తెలుగు మీడియంలోనే విద్యాబోధన జరపడమే జనసేన విధానమని ప్రెస్ నోట్‌లో పేర్కొన్నారు. ఎల్.కె.జి. నుంచి పీజీ వరకు తెలుగు మాధ్యమంలోనూ చదువుకునే వెసులుబాటు ఇవ్వటమే జనసేన పార్టీ విధానం అని జనసేన అధ్యక్షులు పవన్ కళ్యాణ్ బావిస్తున్నారని పేర్కొన్నారు.

తెలుగు మాధ్యమం పూర్తిగా తొలగించడం పద్ధతి కాదు… ఆ మాధ్యమాన్ని కొనసాగిస్తూ, ఆ మాధ్యమంలో చదువుకొనే వారికి ప్రోత్సాహం ఇచ్చేలా తదుపరి ఎన్నికల ప్రణాళికను రూపొందిస్తామని తెలిపారు. బుధవారం విజయవాడలో పవన్ కళ్యాణ్‌ని ఆయన నివాసంలో తెలుగు భాషోద్యమ సమాఖ్య అధ్యక్షులు డాక్టర్ సామల రమేష్ బాబు కలిశారు. ఆంగ్ల మాధ్యమం ప్రవేశపెట్టే దిశగా వైసిపి ప్రభుత్వం అడుగులు వేస్తున్న క్రమంలో మాతృ భాషను కాపాడేందుకు తీసుకోవాల్సిన చర్యలపై చర్చించారు.

ఈ సందర్భంగా “ఎల్.కె.జి. నుంచి పీజీ వరకు మాతృ భాషలో బోధన ఎలా అనే అంశంపై పెద్దలతో చర్చించి నిర్ణయం తీసుకుంటాం. జనసేన ప్రభుత్వం వచ్చాక కేజీ నుంచి పీజీ వరకూ తెలుగు మాధ్యమంలో చదివే వారికి రుసుములు ప్రభుత్వమే చెల్లించే విధానం తెస్తాం.’’ అని పవన్ కల్యాణ్ స్పష్టం చేసినట్లు తెలుస్తోంది.

Related Tags