ఓ చిన్న బిస్కెట్ ప్యాకెట్ కొంటే..అదిరిపోయే కారు ఇంటికొచ్చింది
ఒక్కోసారి మనం చేసే చిన్న, చిన్న పనులే మనల్ని జీవితకాల ఇబ్బందులు తెచ్చిపెడతాయి. మరోసారి ఊహించని అనుభూతుల్ని అందిస్తాయి. డెస్టినీ ఎప్పుడు, ఎవర్నీ ఎలా నడిపిస్తుందో చెప్పలేం. ఇప్పుడు మేము చెప్పబోయే స్టోరీలోని వ్యక్తి ఓ చిన్న బిస్కెట్ ప్యాకెట్ కొని అతని లైఫ్‌లో బెస్ట్ మూమెంట్స్‌ అనుభవించాడు. ఐసీసీ క్రికెట్ వరల్డ్ కప్ 2019 సందర్భంగా ‘పార్లేజీ కావో, క్రోర్స్ ఇనాం పావో’ పేరిట జూన్ నెలలో పార్లేజీ సంస్థ ఒక ప్రొమోషనల్ ప్రొగ్రామ్ నిర్వహించింది. […]
ఒక్కోసారి మనం చేసే చిన్న, చిన్న పనులే మనల్ని జీవితకాల ఇబ్బందులు తెచ్చిపెడతాయి. మరోసారి ఊహించని అనుభూతుల్ని అందిస్తాయి. డెస్టినీ ఎప్పుడు, ఎవర్నీ ఎలా నడిపిస్తుందో చెప్పలేం. ఇప్పుడు మేము చెప్పబోయే స్టోరీలోని వ్యక్తి ఓ చిన్న బిస్కెట్ ప్యాకెట్ కొని అతని లైఫ్‌లో బెస్ట్ మూమెంట్స్‌ అనుభవించాడు.
ఐసీసీ క్రికెట్ వరల్డ్ కప్ 2019 సందర్భంగా ‘పార్లేజీ కావో, క్రోర్స్ ఇనాం పావో’ పేరిట జూన్ నెలలో పార్లేజీ సంస్థ ఒక ప్రొమోషనల్ ప్రొగ్రామ్ నిర్వహించింది. కొన్ని బిస్కెట్ ప్యాకెట్లలో వోచర్లను ఉంచి వాటిని దేశ వ్యాప్తంగా సేల్ చేసింది. నగరానికి చెందిన జంగపల్లి నాగరాజుకు రెనాల్డ్ ట్రైబర్ కారు వోచర్.. అతని కొన్న బిస్కెట్ ప్యాకెట్లో వచ్చింది. ఈ సందర్బంగా మంగళవారం బేగంపేటలోని రెనాల్డ్ షోరూంలో పార్లేజీ ప్రతినిధులు కారును బహుకరించారు.
పార్లేజీ ప్రాడక్ట్స్ ప్రతినిధి మయాంక్ షా మాట్లాడుతూ తమ బిస్కెట్లను ఎంతగానో ఇష్టపడే వినియోగదారునితో ఇలా కలవడం ఆనందంగా ఉందన్నారు. బహుమతిని అందుకున్న జంగపల్లి నాగరాజు మాట్లాడుతూ తన జీవితంలో ఇది అత్యంత గొప్ప రోజు అని ఈ విషయాన్ని తెలుసుకున్న తనకు ఆశ్చర్యం వేసిందన్నారు. తాను కొన్న చిన్న బిస్కెట్ ప్యాకెట్లో ఇంత పెద్ద బహుమతి ఉంటుందని ఊహించలేదన్నారు. ఏది ఏమైనా లక్ అంటే ఇదే కాబోలు.
