Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • భారత్ బయోటెక్‌కు ఐసీఎంఆర్ డీజీ బలరాం భార్గవ లేఖ. భారత కరోనా వ్యాక్సిన్ క్లినికల్ ట్రయల్స్ వేగవంతం చేయాలని సూచన. ఫాస్ట్-ట్రాక్ పద్ధతిలో క్లినికల్ ట్రయల్స్ చేస్తే ఆగస్ట్ 15 నాటికి అందుబాటులోకి వ్యాక్సిన్. పంద్రాగస్టు సందర్భంగా వ్యాక్సిన్ లాంఛ్ చేసే అవకాశం.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • తల్లితండ్రుల పిల్ పై హైకోర్టులో విచారణ వాయిదా. 13వ తారీఖున సమగ్ర నివేదికతో రమ్మని ప్రభుత్వానికి చెప్పిన హైకోర్టు. ఇంకా విద్యా సంవత్సరం ప్రారంభం కాలేదని కోర్టుకు తెలిపిన ఏజీ. ఏ నిర్ణయం తీసుకోకుండా ఆన్లైన్ క్లాసులు ఎందుకు నిర్వహిస్తున్నారని ప్రశ్నించిన హైకోర్టు. కేసులో ఇంప్లీడ్ అయిన ఇండిపెండెంట్ స్కూల్ మేనేజ్మెంట్ అసోసియేషన్. రెండు నెలల క్రితమే సీబీఎస్ఈ సిలబస్ ప్రారంభమైందని తెలిపిన isma తరపు సీనియర్ న్యాయవాది. ఆన్లైన్ తరగతులపై తల్లిదండ్రులకు పై ఎలాంటి ఒత్తిడి లేదు. ఆన్లైన్ క్లాసెస్ ఆప్షన్ మాత్రమే అని తెలిపిన ఇస్మా తరపు న్యాయవాది.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • ఈరోజు దక్షిణ తెలంగాణ జిల్లాల్లో భారీ వర్షాలు. రాగల మూడు రోజులు తేలికపాటి నుండి ఓ మోస్తరు వర్షాలు. ఉపరితల ఆవర్తనం తో పాటు షీర్ జోన్ ఏర్పడింది. ఆంధ్ర తీరానికి సమీపంలో కేంద్రీక`తమైన ఆవర్తనం. పశ్చిమ బంగాళాఖాతం లో 3.1 కి.మీ ఎత్తు వద్ద కొనసాగుతున్న ఉపరితల ఆవర్తనం. - వాతావరణ శాఖ సీనియర్ సైంటిస్టు రాజారావు.
  • జ్యూడిషయల్ లోకరోనా కలకలం . సికింద్రాబద్ జ్యుడీషయల్ అకాడమీ లో కరోనాతో అటెండర్ మృతి . జ్యుడిషయల్ అకాడమీ కేంద్రం గా జరుగుతున్న వీడియో కాన్ఫరెన్స్. ఆందోళనలో న్యాయవాదులు.

దారుణం.. కన్న కొడుకుపై పెట్రోల్ పోసి సజీవదహనం.. రీజన్‌ ఏంటంటే..?

Parents Murdered Their Son In Warangal, దారుణం.. కన్న కొడుకుపై పెట్రోల్ పోసి సజీవదహనం.. రీజన్‌ ఏంటంటే..?

ప్రస్తుత సమాజంలో పేగుబంధానికి  బ్రేకులు పడుతున్నాయి. కనిపెంచిన కొడుకుకు చిన్న దెబ్బ తగిలినా తట్టుకోలేని తల్లిదండ్రులు.. కట్టేసి మరి చంపేస్తున్నారు. వరంగల్ జిల్లా దామెర మండలంలో.. కన్న కొడుకునే సజీవదహనం చేసిన ఘటన సంచలనంగా మారింది. ముస్తాలపల్లికి చెందిన కడారి మహేష్ చంద్రకు భార్య, ఇద్దరు పిల్లలు ఉన్నారు. కూతురు ఇంటర్ చదువుతుండగా.. కుమారుడు ఏడో తరగతి చదువుతున్నాడు. అయితే మద్యానికి బానిసైన మహేష్.. నిత్యం తాగివస్తూ.. భార్యను వేధించసాగాడు. దీంతో భర్త టార్చర్ భరించలేక.. కొద్ది నెలల క్రితం భార్య తన పుట్టింటికి వెళ్లిపోయింది.

దీంతో అప్పటి నుంచి మహేష్ తన తల్లిదండ్రులతో కలిసి ఉంటున్నాడు. అయితే వారిని కూడా నిత్యం మద్యం కోసం డబ్బుకావాలంటూ వేధించసాగాడు. అంతేకాదు.. వారిపై దాడి కూడా చేసేవాడు. అయితే ఈ క్రమంలో మంగళవారం రాత్రి కూడా మద్యం మత్తులో వారిపై దాడికి పాల్పడ్డాడు. దీంతో కొడుకు చేస్తున్న టార్చర్‌ భరించలేక ఆ తల్లిదండ్రులు దారుణానికి ఒడిగట్టారు. మద్యం మత్తులో ఉన్న మహేష్ చంద్రపై పెట్రోల్ పోసి నిప్పంటించారు. మంటల్లో మహేష్ సజీవదహనమై.. అక్కడికక్కడే మృతిచెందాడు. సమాచారం అందుకున్న పోలీసులు ఘటనా స్థలానికి చేరుకుని మహేష్ మృతదేహాన్ని ఆస్పత్రికి తరలించారు. అనంతరం.. ఘటనపై కేసు నమోదు చేసుకుని మహేష్ తల్లిదండ్రులను అదుపులోకి తీసుకున్నారు.

Related Tags