Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

రేవంత్ వ్యూహంతో టి.కాంగ్రెస్‌లో కలకలం..ఏంచేశారంటే?

revanth reddy's parallel office, రేవంత్ వ్యూహంతో టి.కాంగ్రెస్‌లో కలకలం..ఏంచేశారంటే?

రేవంత్ రెడ్డి.. తెలుగుదేశంపార్టీలో వున్నా.. కాంగ్రెస్ పార్టీకి షిఫ్టు అయినా.. ఆయన రాజకీయాల స్టైలే వేరు. తనదైన దూకుడుతో కేవలం పదేళ్ళ కాలంలోనే రాష్ట్రస్థాయిలో పేరున్న, పట్టున్న నేతగా రేవంత్ రెడ్డి ఎదిగారు. ఒక దశలో తెలంగాణ తెలుగుదేశం పార్టీకి చరిష్మా కలిగిన ఏకైక నేతగా మారిన రేవంత్, ఆ తర్వాత కాంగ్రెస్ పార్టీలో చేరినా అదే స్థాయిని నిలబెట్టుకున్నారు.

2018 ఎన్నికలకు ముందు రేవంత్ రెడ్డిని టిపిసిసి వర్కింగ్ ప్రెసిడెంట్‌గా నియమించారంటేనే కాంగ్రెస్ పార్టీ.. మరీ ముఖ్యంగా రాహుల్ గాంధీ ఆయనకు ఎంత ప్రాధాన్యతనిచ్చారో ఊహించుకోవచ్చు. అయితే.. రేవంత్ రెడ్డి తాను పోటీ చేసిన కొడంగల్‌లో అనూహ్యంగా పరాజయం పాలయ్యారు. దాంతో ఇక రేవంత్ పని అయిపోయిందని చాలా మంది అనుకున్నారు.

కానీ, ఆ తర్వాత నాలుగైదు నెలలకు జరిగిన లోక్‌సభ ఎన్నికల్లో అందరి అంచనాలను తల్లకిందులు చేస్తూ రేవంత్ రెడ్డి మల్కాజ్‌గిరి ఎంపీ టిక్కెట్ తెచ్చుకున్నారు. తెచ్చుకోవడమే కాకుండా.. తనదైన శైలిలో ప్రచారం చేసి.. విజయం కూడా సాధించారు. ఇక్కడి వరకు బాగానే వున్నా.. ఆ తర్వాతే రేవంత్ రెడ్డి వ్యూహం మారిందంటున్నారు పరిశీలకులు.

ఎంపీగా గెలిచిన తర్వాత టిపిసిసి అధ్యక్ష మార్పు సందర్భంగా తనకు అవకాశం వస్తుందని అనుకున్నారు రేవంత్ రెడ్డి. ఎందుకంటే ఉత్తమ్ కుమార్ వరుస వైఫల్యాలు రేవంత్ రెడ్డికి అనుకూలాంశాలు మారతాయని ఆయన అంఛనా వేశారట. ఉత్తమ్ సారథ్యంలో టి.కాంగ్రెస్ 2018 అసెంబ్లీ ఎన్నికల్లో దారుణంగా ఓటమి పాలయ్యింది. 2019 లోక్‌సభ ఎన్నికల్లోను ఉత్తమ్ తాను పోటీ చేసిన నల్గొండ నియోజకవర్గానికే పరిమితమయ్యారు. రేవంత్ రెడ్డి, కోమటిరెడ్డి వెంకటరెడ్డిలు తమ తమ సొంత చరిష్మా తో గెలిచారు. మొత్తమ్మీద తెలంగాణలోని 17 లోక్‌సభ స్థానాల్లో కేవలం మూడింటిని గెలుచుకుని, బిజెపి కంటే తక్కువ స్థానాలకు పరిమితమైంది కాంగ్రెస్ పార్టీ. ఆ తర్వాత హుజూర్‌నగర్‌కు జరిగిన ఉప ఎన్నికల్లోను ఉత్తమ్ సతీమణి పద్మావతి ఓటమి పాలయ్యారు.

వరుస ఓటముల నేపథ్యంలో ఉత్తమ్ కుమార్ సీటుకు ఎసరు రావడం ఖాయమని అందరు అనుకుంటున్నా.. పార్టీ అధిష్టానం ఎటూ తేల్చుకోలేకపోతోంది. వెనువెంటనే నిర్ణయం తీసుకునేందుకు జాతీయ కాంగ్రెస్ పార్టీకి యాక్టివ్ ప్రెసిడెంట్ లేరు. సో.. టి.కాంగ్రెస్ అధ్యక్షుని నియామకం మరింత జాప్యమయ్యే పరిస్థితి కనిపిస్తోంది.

పరిస్థితి ఇలా వుంటే పిసిసి అశావహులు చాలా మంది ఢిల్లీ చుట్టూ చక్కర్లు కొడుతున్నారు. వారందరి కంటే తాను భిన్నమైన వాడినని చాటేందుకు రేవంత్ రెడ్డి తాజాగా వ్యూహం పన్నినట్లు సమాచారం. అందుకే తెలంగాణ కాంగ్రెస్ కేంద్ర స్థానంమైన గాంధీభవన్‌కు ప్యారలల్‌గా తాను ఓ సొంత కార్యాలయాన్ని మల్కాజ్‌గిరి ఏరియాలో రేవంత్ ఏర్పాటు చేసుకున్నారు. తనతో పని వున్న వారంతా ఇక్కడికే రావాలని రేవంత్ కోరుతున్నారు.

సో.. ప్రజా సమస్యల పరిష్కారానికి, ఆందోళనా కార్యక్రమాల రూపకల్పనకు ఈ మల్కాజ్‌గిరి కార్యాలయమే ఇప్పుడు వేదిక కానుంది. వివిధ అంశాలపై తనను కలిసేందుకు వచ్చే వారితో తన కార్యాలయం సందడిగా మారితే.. గాంధీభవన్‌ వైపు ఎవరూ కన్నెత్తి చూడరని, దాంతో తన చరిష్మా ఏంటో అధిష్టానానికి తన ప్రమేయం లేకుండానే తెలిసిపోతుందని రేవంత్ వ్యూహరచన చేసినట్లు చెప్పుకుంటున్నారు. రేవంత్ ఆశలు ఏ మేరకు నెరవేరతాయో వేచి చూడాలి.

Related Tags