Breaking News
  • కేంద్ర ప్రభుత్వం ప్రకటించిన స్వచ్ఛ భారత్ అవార్డులలో తెలంగాణ రాష్ట్రం వరసగా నెంబర్ వన్ గా నిలవడం పట్ల మంత్రి ఎర్రబెల్లి దయాకర్ రావు & ఆయన నిర్వహిస్తున్నశాఖల అధికారులు, ఉద్యోగులను, టీమ్ ను ట్విట్టర్ ద్వారా అభినందించిన KTR.. -CM KCR,KTRకు కృతజ్ఞతలు తెలిపిన మంత్రి ఎర్రబెల్లి.. -బంగారు తెలంగాణ సాధనలో భాగంగా, మీ సహకారం వల్లే ఇదంతా సాధ్యమైందని సీఎం కెసిఆర్ కు, కెటిఆర్ కు ధన్యవాదాలు తెలిపారు.
  • అమరావతి : బిసి కార్పరేషన్ చైర్మెన్, డైరెక్టర్స్ పేర్లు ప్రకటన వాయిదా . ఈరోజు ప్రకటన చేయాలని ముందు భావించిన ప్రభుత్వం . వచ్చే నెల 8న ప్రకటించే అవకాశం . ఇప్పటికే ప్రకటన కోసం ఎదురుచూస్తున్న ఆశావాహులు.
  • తిరుపతి: తిరుపతిలోని టీటీడీ కి చెందిన శ్రీ కోదండరామ స్వామి ఆలయం లోని బంగారు నగలు తాకట్టు కేసులో ప్రధాన అర్చకునికి 6 నెలలు జైలు. 2009లో స్వామివారి బంగారు ఆభరణాలను తాకట్టు పెట్టిన ఆలయ ప్రధాన అర్చకుడు వెంకట రమణ దీక్షితులు. ఈ మేరకు 2009 ఆగస్టు 21న టిటిడి విజిలెన్స్ ఫిర్యాదు మేరకు కేసు నమోదు చేసిన తిరుపతి వెస్ట్ పోలీసులు. ఆలయ ప్రధాన అర్చకుడు తో పాటు కుదువ వ్యాపారులు సాగరమల్లు, రాఘవరెడ్డి లపై ఐపీసీ 409, 420, 411 కింద కేసు నమోదు. 2015లో ఆలయ ప్రధాన అర్చకుడు వెంకట రమణ దీక్షితులు తో పాటు మరో ఇద్దరికీ మూడేళ్ల జైలు శిక్ష 5 వేలు జరిమానా విధించిన మూడో అదనపు మున్సిఫ్ కోర్టు. తీర్పుపై అప్పీలు కు వెళ్ళిన ఆలయ ప్రధాన అర్చకుడు. ఈ మేరకు మూడు అదనపు జిల్లా సెషన్స్ కోర్టులో తీర్పు. కేసులో నిందితుడు గా ఉన్న వెంకట రమణ దీక్షితులుకు 6 నెలల జైలు తో పాటు 5 వేల రూపాయలు జరిమానా విదించి మిగతా ఇద్దరిపై కేసు కొట్టివేస్తూ తిరుపతి మూడో అదనపు జిల్లా జడ్జి వై వీర్రాజు తీర్పు.
  • విశాఖ: మావోయిస్టులకు ఎదురుదెబ్బ... ఏసీఎం అరెస్ట్ .గాలికొండ ఏరియా కమిటీ మెంబర్ గెమ్మెలి కామేష్ అలియాస్ హరి అరెస్ట్ . గాలికొండ ఏరియాలో కీలకంగా ఉన్న హరి .హరిపై పలు ఎదురుకాల్పులు, హత్యలతోపాటు 50కి పైగా కేసులు .హరి తలపై 4 లక్షల రివార్డు.
  • చెన్నై : చెన్నై మహానగరం లో కిలోల్లో దొరికిన డ్రగ్స్ . చెన్నై రైల్వే స్టేషన్ సమీపం లో ఉన్న వాల్ టాక్స్ రోడ్ లో 25 కిలోల మాదక ద్రవ్యాలను పట్టుకున్న డిఆర్ఐ అధికారులు తమిళనాడు , కేరళ , రాష్ట్రం లోఉన్న డ్రగ్స్ గ్యాంగ్ యూరోపియన్ దేశాలనుండి అక్రమంగా డ్రగ్స్ దిగుమతిని గుర్తించిన అధికారులు . అధికారులకు ఉన్న సమాచారం తో తనిఖీలు నిర్వహించగా 25 కిలోల ( పేశాడో ) డ్రగ్స్ ని స్వాధీనం చేసుకున్న అధికారులు. చెన్నై నుండి ఎర్నాకులం కి పార్సెల్ ద్వారా సరఫరా చేస్తునట్టు గుర్తింపు. డ్రగ్స్ ని స్వాధీనం చేసుకొని విచారణ చేపట్టిన డిఆర్ఐ అధికారులు.
  • అక్టోబర్ 4న జరగనున్న సివిల్స్ ప్రిలిమినరీ పరీక్షను వాయిదా వేసే ప్రసక్తే లేదన్న యూపీఎస్సీ. సుప్రీంకోర్టుకు అఫిడవిట్ ను సమర్పించిన యూపీఎస్సీ. ఈ ఏడాది వాయిదా వేస్తే వచ్చే ఏడాది జూన్ 27న జరిగే పరీక్షపై ఆ ప్రభావం పడుతుందన్న యూపీఎస్సీ. పరీక్షకు హాజరయ్యే వారంతా పట్టభద్రులు, ఆపైబడిన వారేనని అఫిడవిట్ లో పేర్కొన్న యూపీఎస్సీ. వారంతా బాధ్యతాయుతంగా వ్యవహరిస్తారని భావిస్తున్నామన్న యూపీఎస్సీ. కోవిడ్ సహా అన్ని ప్రోటోకాల్స్ పరిగణలోకి తీసుకొని ఏర్పాట్లు చేసినట్లు తెలిపిన యూపీఎస్సీ. సివిల్స్ ప్రిలిమినరీ పరీక్ష నిర్వహణ ఏర్పాట్ల కోసం రూ.50.30 కోట్ల వ్యయం అయినట్లు తెలిపిన యూపీఎస్సీ. నేడు సివిల్స్ ప్రిలిమినరీ పరీక్ష వాయిదా వేయాలన్న పిటిషన్ ను విచారించనున్న సుప్రీంకోర్టు. సుప్రీంకోర్టులో పిటిషన్ దాఖలు చేసిన 20 మంది యూపీఎస్సీ ఆశావహులు.

పాక్‌ ఉగ్రవాదానికి కేంద్ర బిందువే.. ఐక్యరాజ్యసమితిలో భారత్

పాకిస్తాన్ లో మైనార్టీ వర్గాలకు ఏమాత్రం రక్షణ లేదని ఐక్యరాజ్యసమితి వేదికగా భారత్ మరోసారి స్పష్టం చేసింది. అడుగడుగునా ఉగ్రవాదానికి ఊతమిస్తూ ప్రపంచ శాంతికి విఘాతం కలిగిస్తుందని భారత్ మరోసారి ఎండగట్టింది.

Pakistan PM Admits Training Terrorists For J&K India Shreds Pak at UNO, పాక్‌ ఉగ్రవాదానికి కేంద్ర బిందువే.. ఐక్యరాజ్యసమితిలో భారత్

పాకిస్తాన్ లో మైనార్టీ వర్గాలకు ఏమాత్రం రక్షణ లేదని ఐక్యరాజ్యసమితి వేదికగా భారత్ మరోసారి స్పష్టం చేసింది. అడుగడుగునా ఉగ్రవాదానికి ఊతమిస్తూ ప్రపంచ శాంతికి విఘాతం కలిగిస్తుందని భారత్ మరోసారి ఎండగట్టింది.
ఐక్యరాజ్య సమితి మానవ హక్కుల మండలి 45వ సమావేశంలో పాక్‌ చేసిన వ్యాఖ్యలకు భారత్‌ దిమ్మతిరిగే సమాధానమిచ్చింది. మైనారిటీలను నిరంతరం అణచివేతకు గురిచేసే పాకిస్తాన్‌ మానవ హక్కులపై ఇచ్చే ఉపన్యాసాలు వినేందుకు భారత్ సిద్ధంగా లేదని స్పష్టం చేసింది. పాక్‌ ఉగ్రవాదానికి కేంద్ర బిందువని.. పలువురికి ఉగ్రవాద శిక్షణ ఇచ్చినట్టు ఆ దేశ ప్రధానమంత్రే స్వయంగా అంగీకరించారని తేల్చి చెప్పింది.

‘‘భౌగోళిక, మతపరమైన మైనారిటీలను అణచివేతకు గురిచేసే దేశం నుంచి మానవ హక్కులకు సంబంధించిన ఉపన్యాసాలు వినేందుకు భారత దేశం మాత్రమే కాదు, ప్రపంచంలోని ఏ దేశం కూడా సిద్ధంగా లేదు. ఐక్యరాజ్యసమితి నిందితుల జాబితాలో ఉన్న వారికి పింఛన్లు మంజూరు చేయటం పాక్‌కే చెల్లింది. జమ్ముకశ్మీరులో వేలాది మందికి తీవ్రవాద శిక్షణ నిచ్చామని గర్వంగా చెప్పుకున్న ప్రధాని ఉన్న దేశం అది. మానవ హక్కుల అమలులో దారుణంగా విఫలమైన ఆ దేశం, అంతర్జాతీయ సమాజం కన్ను కప్పేందుకు భారత అంతర్గత వ్యవహారాలపై ఆరోపణలు చేస్తోంది’’ అని భారత ప్రతినిధి స్పష్టం చేశారు.

పాక్‌ దుర్మార్గాలను ఐక్యరాజ్య సమితి వేదికగా వివరిస్తూ భారత్‌లో అంతర్భాతమైన జమ్ము-కశ్మీర్‌, లద్దాఖ్‌లలోని పాక్‌ ఆక్రమించిన ప్రాంతాల్లో స్థానిక కశ్మీరు ప్రజల సంఖ్య గణనీయంగా తగ్గుముఖం పట్టిందని తెలిపారు. భారీగా ఇతర ప్రాంతాల నుంచి ప్రవేశిస్తున్న పరాయివారి వల్ల వేలాది సంఖ్యలో సిక్కు, హిందూ, క్రిస్టియన్‌ మైనారిటీలకు చెందిన మహిళలు, యువతులు అపహరణలకు, బలవంతపు వివాహం, మతమార్పిడులకు గురౌతున్నారు. ఇక ఆ దేశంలోని బలూచిస్తాన్‌ ప్రాంతంలో పాక్‌ భద్రతా దళాల అపహరణకు గురి కాని కుటుంబం ఒక్కటి కూడా లేదు. ఆ కుటుంబాలలో ఎవరో ఒకరిని పాక్‌ సైన్యం మాయం చేయని రోజు లేదని భారత్‌ వివరించింది.

అటు టర్కీకి కూడా భారత్ చురకలు అంటించింది. భారత అంతర్గత వ్యవహారాల్లో జోక్యం కల్పించుకోవటం మాని, ప్రజాస్వామిక విధానాలను అర్థం చేసుకునేందుకు ప్రయత్నించాలని టర్కీకి భారత్‌ సూచించింది. అంతే కాకుండా పాకిస్తాన్‌ చేతిలో కీలుబొమ్మగా మారిన ఆర్గనైజేషన్‌ ఆఫ్‌ ఇస్లామిక్‌ కోఆపరేషన్‌ (ఒఐసీ) వాఖ్యలను తాము ఖాతరు చేయబోమని భారత ప్రతినిధులు స్పష్టం చేశారు. ఉగ్రవాదానికి ఆర్థిక సాయం నిలిపివేత, తీవ్రవాద చర్యల కట్టడిలో పాక్‌ వైఫల్యం పట్ల ఇతర దేశాలు కూడా అభ్యంతరాలు వ్యక్తం చేస్తున్నాయని వారు వెల్లడించారు.

Related Tags