Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

ప్రమాదపు అంచుల్లో పాక్ ! అయోమయంలో ఇమ్రాన్ !

pakistan isolated by all countries in fatf, ప్రమాదపు అంచుల్లో పాక్ ! అయోమయంలో ఇమ్రాన్ !

టెర్రరిస్టులపై చర్య విషయంలో రోజుకోరకంగా వ్యవహరిస్తున్న పాకిస్తాన్ పరిస్థితి డేంజర్ జోన్ లో పడుతున్నట్టు కనిపిస్తోంది. ఉగ్రవాద కార్యకలాపాల ఆర్ధిక వనరులకు చెక్ పెట్టే కార్యదళం (ఎఫ్ఎటీఎఫ్) పాక్ పై కఠిన చర్యలకు సమాయత్తమవుతోంది. ప్రస్తుతం ప్యారిస్ లో జరుగుతున్న ఈ సంస్థ ప్లీనరీ సమావేశాల్లో పాకిస్తాన్ ను డార్క్ గ్రే లిస్టులో చేర్చే అవకాశం కనబడుతోంది. ఈ సమావేశాల్లో పాక్ కు మద్దతుగా ఏ దేశమూ ముందుకు రాలేదని సమాచారం. ఈ కార్యదళం సూచించిన సిఫార్సుల్లో వేటినీ పాకిస్తాన్ అమలు చేయలేకపోవడమే ఇందుకు కారణమంటున్నారు. మొత్తం 27 అంశాలతో కూడిన కార్యాచరణ ప్రణాళికలో… ప్రధాని ఇమ్రాన్ ఖాన్ ప్రభుత్వం కేవలం ఆరింటిలో మాత్రమే పురోగతి సాధించినట్టు భావిస్తున్నారు.
బ్లాక్ లిస్టుకు, గ్రే లిస్టుకు మధ్య ఉన్నదే డార్క్ గ్రే లిస్ట్.. అంటే బ్లాక్ లిస్టులో చేర్చడానికి ముందున్న లిస్ట్ ఇది ! పాక్ తన వైఖరిని మార్చుకోవడానికి చివరి అవకాశం ఇచ్చేందుకు ఎఫ్ఎటీఎఫ్ సిధ్దమైన తరుణంలో ఆ దేశం ట్రబుల్స్ లో పడే సూచనలు స్పష్టంగా ఉన్నాయని అంటున్నారు. దీనిపై ఈ నెల 18 న తుది నిర్ణయాన్ని ప్రకటించనున్నారు. పాక్ ను బ్లాక్ లిస్టులో చేర్చేందుకు ఇండియా తన వంతు ప్రయత్నాలు మొదలుపెట్టింది. చైనా, మలేసియా, టర్కీ దేశాల మద్దతు కారణంగా ఇప్పటివరకు ఆ దేశాన్ని బ్లాక్ లిస్టులో చేర్చి ఉండకపోవచ్ఛునని భావిస్తున్నారు. బ్లాక్ లిస్టులో చేర్చకుండా చూడాలంటే కేవలం మూడు ఓట్లు మాత్రమే అవసరమవుతాయి. గ్రే లిస్టు నుంచి బయటపడాలంటే పాక్ కు 15 దేశాల మద్దతు అవసరమవుతుంది. కానీ ఆ పరిస్థితి ప్రస్తుతం కనబడడం లేదు.
అసలు ఎఫ్ఎటీఎఫ్ అంటే ? టెర్రరిస్టుల మనీ లాండరింగ్ ను నిరోధించడానికి, సంబంధిత కార్యకలాపాలను నియంత్రించడానికి 1989 లో ఏర్పాటైన ఇంటర్ గవర్నమెంటల్ బాడీ (అంతర్ ప్రభుత్వ వ్యవస్థ) ఇది.. ప్యారిస్ లోని ఈ వాచ్ డాగ్ సంస్థ గత ఏడాది పాకిస్తాన్ ను గ్రే లిస్టులో చేర్చిన విషయం తెలిసిందే. ఇప్పటికే ఆర్ధిక కష్టాలతో కొట్టుమిట్టాడుతున్న పాక్ ను డార్క్ గ్రే లిస్టులో చేర్చితే ‘ మూలిగే నక్కపై తాటిపండు పడినట్టే ‘ !