Breaking News
  • అమరావతి: ప్రకాశం జిల్లాలో పేదలకు కేటాయించాలని నిర్ణయించిన 1367 ఎకరాల మైనింగ్ భూముల్లో ఇళ్ల పట్టాలు ఇవ్వటం లేదని కోర్టుకి తెలిపిన ఏపీ ప్రభుత్వం. మైనింగ్ కు అనుకూలంగా లేవని పిటిషనర్ తండ్రి అఫిడవిట్ ఇచ్చారన్న ప్రభుత్వం. అఫిడవిట్ అవాస్తవమని ప్రభుత్వ నిర్ణయం సవాలు చేస్తూ దాఖలైన పిటీషన్ పై హైకోర్టులో విచారణ. విచారణలో భాగంగా ఈ భూముల్లో ఇళ్ల పట్టాలు ఇవ్వడంలేదని కోర్టుకి తెలిపిన ప్రభుత్వం. ఈ నెల 13కి తదుపరి విచారణ వాయిదా వేసిన హైకోర్టు.
  • కరోనాతో టిటిడి అర్చకుడు బీవీ శ్రీనివాసాచార్యులు మృతి. గోవిందరాజస్వామి ఆలయం నుంచి తిరుమలకు డిప్యుటేషన్ పై గతనెలల్లోనే వెళ్లిన శ్రీనివాసాచార్యులు. నాలుగురోజుల క్రితం కరోనాతో స్విమ్స్ లో చేరి ఇవాళ మృతి చెందిన శ్రీనివాసాచార్యులు.
  • చెన్నై : ఇండియన్ -2 సినిమా షూటింగ్ లో మృతుల కుటుంబాలకు నష్ట పరిహారం అందచేసిన నటుడు కమలహాసన్ ,దర్శకుడు శంకర్ . ఫిబ్రవరిలో జరిగిన ఈ ఘటన లో మృతి చెందిన ముగ్గురికి తలా నాలుగు కోట్లు నష్ట పరిహారం ప్రకటించిన ఇండియన్ -2 సినిమా బృందం . నటుడు కమల్ హాసన్ కోటి ,దర్శకుడు శంకర్ కోటి ,లైకా నిర్మాణ సంస్థ తరపున 2 కోట్లు నష్టపరిహారం గా అందజేత . భవిష్యత్తులో ఇటువంటి సంఘటనలు జరగకుండా తగిన జాగ్రత్తలు తీసుకోవాలని సినీ పరిశ్రమలో ఉన్న అందరికి కమల్ విజ్ఞప్తి . భారతీరాజా ప్రారంభించిన కొత్త నిర్మాతల మండలి అయన సొంత ప్రయత్నమని ,సినీ పరిశ్రమకి ఎవరు మంచి చేసిన ఆధరిస్తానని కమల్ హాసన్ వెల్లడి.
  • ఆదాయ పెంపులో భాగంగా తెలంగాణ ఆర్టీసీ. Hpcl మరియు IOCL సంయుక్త ఆధ్వర్యంలో పెట్రోల్ పంప్ ఔట్లెట్ లను నిర్వహించేందుకు నిర్ణయం. పెట్రోల్ పంప్ ఔట్లెట్ లనుప్రారంభించిన రవాణా శాఖ మంత్రి పువ్వాడ అజయ్ కుమార్. తొలి ఔట్లెట్ ను జనగమలో ప్రారంభించామని మరో 5 ఔట్లెట్ లను 15 ఆగస్ట్ నాటికి ప్రారంభించనున్న ఆర్టీసీ. ఈ నిర్ణయం తో ఆర్టీసి కి 20.65 లక్షల అదనపు ఆదాయం వస్తోందని అంచనా.
  • కడప జిల్లా : వాహనాల అక్రమ రిజిస్ట్రేషన్ కేసులో బెయిల్ పై విడుదల అవుతున్న జేసీ ప్రభాకర్ రెడ్డి, జేసీ అస్మిత్ రెడ్డి. మీ పై విడుదల అవుతున్న సందర్భంగా కడప సెంట్రల్ జైలు వద్దకు పెద్ద ఎత్తున చేరుకున్న జెసి అనుచరులు అభిమానులు. తాడిపత్రి నుంచి భారీగా వచ్చిన జేసీ అనుచరులు.
  • కర్ణాటక ముఖ్యమంత్రి యడ్యూరప్ప ఆరోగ్యం నిలకడగా ఉంది. కరోనా చికిత్స కోసం ఆగస్టు 2 న మణిపాల్ హాస్పిటల్లో జాయిన అయిన రోజు నుంచి ఆయన ఆరోగ్యం గా నే ఉన్నారు. హాస్పిటల్ లో అతను సంతోషంగా ఉన్నారు. సీఎం యడ్యూరప్ప రూమ్ నుంచే అన్ని పాలన పరమైన కార్యకలాపాలు కూడా హాజరు అవుతున్నారు. మా వైద్యుల బృందం ఎప్పటికప్పుడు నిశితంగా పరిశీలిస్తూనే ఉన్నారు. డాక్టర్ మనీష్ రాయ్ డైరెక్టర్, మణిపాల్ హాస్పిటల్ బెంగళూరు.
  • చెన్నై : చెన్నై మహానగరం లో అమ్మోనియం నైట్రిట్ కలకలం . లెబనాన్ లో నిలువవుంచిన అమోనియం నైట్రైట్ పేలడం తో పదుల సంఖ్యలో మృతి ,వేల సంఖ్యా లో గాయాలు. ఇప్పుడు ఈ అమ్మోనియం నైట్రిట్ కి సంబంధించిన నిలువలు చెన్నై లో ఉండడం తో ఆందోళనలో మత్యకారులు. మనాలీ ఏరియాలో ఉన్న అమ్మోనియం నైట్రిట్ నిలువలపై కస్టమ్స్ అధికారులు వివరణ . మనాలీ లో సుమారు 740 మెట్రిక్ టన్నుల అమ్మోనియం నైట్రిట్ నిలువ ఉందని ,దాని వల్ల ఎటువంటి ప్రమాదం జరగకుండా తగిన జాగ్రత్తలు తీసుకుంటున్నట్టు వివరణ .
  • బగ్గుమన్న బంగారం ధర. కొత్త రికార్డులు స`ష్టించిన గోల్డ్ రేటు . రూ 58,320 లకు చేరుతున్న పది గ్రాములు బంగారం . ఒక్కసారిగా రెండువేల రూపాయలకు పైగా పెరిగిన రేటు. ఈ వారంలోనే మూడు సార్లు పెరిగిన బంగారం ధర . మరో వారంలోనే 60 వేలకు చేరుకుంటుందనే అంచనాలు.

పాకిస్తాన్ పై పెరుగుతున్న అమెరికా ఒత్తిడి.. ఆ ఉగ్రవాదులను ప్రాసిక్యూట్ చేయాల్సిందే..

pak must prosecute 4 arrested terrorists says usa, పాకిస్తాన్ పై పెరుగుతున్న అమెరికా ఒత్తిడి.. ఆ ఉగ్రవాదులను ప్రాసిక్యూట్ చేయాల్సిందే..

పాకిస్తాన్ పై అమెరికా క్రమేపీ ఒత్తిడి పెంచుతోంది. తన గడ్డపై సాగుతున్న ఉగ్రవాద కార్యకలాపాలను పాక్ ఉక్కుపాదంతో అణచివేయాలని సూచించింది. లష్కరే-తోయిబా టాప్ లీడర్ హఫీజ్ సయీద్ తో బాటు నలుగురిని సాధ్యమైనంత త్వరగా ప్రాసిక్యూట్ చేయాలని అమెరికా దాదాపు డిమాండ్ చేసింది. పాక్ ను బ్లాక్ లిస్టులో పెట్టే విషయమై గ్లోబల్ యాంటీ టెర్రరిస్ట్ వాచ్ డాగ్ అయిన ‘ ఫైనాన్షియల్ యాక్షన్ టాస్క్ ఫోర్స్ ‘ ఓ కీలక నిర్ణయం తీసుకోవడానికి ముందు అమెరికా చేసిన ఈ సూచన అత్యంత ప్రాధాన్యం సంతరించుకుంది. పాక్ లో లష్కరే-తోయిబా, జమాత్-ఉద్-దావా ఉగ్రవాద సంస్థలకు చెందిన నలుగురు టాప్ లీడర్ల అరెస్టు పట్ల యుఎస్ విదేశాంగ శాఖలోని దక్షిణ, సెంట్రల్ ఆసియా బ్యూరో చీఫ్ అలీస్ వెల్స్ హర్షం వ్యక్తం చేశారు. టెర్రరిజ కార్యకలా[పాల కోసం నిధులు సేకరిస్తున్నారన్న అభియోగంపై ప్రొఫెసర్ జాఫర్ ఎక్బాల్. యాహ్యా అజీజ్, మహమ్మద్ అష్రఫ్, అబ్దుల్ సలాం అనే ఈ నలుగురిని పాక్ అధికారులు గత గురువారం అరెస్టు చేశారు. ఇది హర్షణీయమేనని, లష్కరే నేత హఫీజ్ సయీద్ తో బాటు వీరిని కూడా ప్రాసిక్యూట్ చేయాలని అలీస్ వెల్స్ కోరారు.

తమ దేశంలోని ఉగ్రవాదులను మొదట అరెస్టు చేయడం, ఆ తరువాత వారిని విడుదల చేయడం పాక్ ప్రభుత్వానికి అలవాటుగా మారింది. ప్యారిస్ లోని ఫైనాన్షియల్ యాక్షన్ టాస్క్ ఫోర్స్ సంస్థ.. ఇక ఈ దేశాన్ని బ్లాక్ లిస్టులో చేర్చే విషయమై నిర్ణయం తీసుకోనుండగా.. పాక్ ఈ నలుగురిని అరెస్టు చేయడం, అమెరికా ఈ సూచన చేయడం విశేషం. గత ఏడాది జూన్ లో ఈ సంస్థ పాకిస్తాన్ ను ‘ గ్రే ‘ లిస్టులో చేర్చింది.
2019 అక్టోబరు నాటికి ఉగ్రవాదుల కట్టడికి ఎలాంటి చర్యలు తీసుకున్నారో అప్పటికల్లా తెలియజేయాలని పాకిస్తాన్ కు ఈ సంస్థ అల్టిమేటం ఇచ్చింది. ఇరాన్, నార్త్ కొరియా ఇప్పటికే ఈ సంస్థ బ్లాక్ లిస్ట్ లో ఉన్నాయి.
pak must prosecute 4 arrested terrorists says usa, పాకిస్తాన్ పై పెరుగుతున్న అమెరికా ఒత్తిడి.. ఆ ఉగ్రవాదులను ప్రాసిక్యూట్ చేయాల్సిందే..ఇలాఉండగా.. హఫీజ్ సయీద్ పైన, ఐరాస ఉగ్రవాదులుగా ముద్ర వేసిన ఇతర టెర్రరిస్టులపైనా తీసుకున్న చర్యలకు సంబంధించి ఐరాస భద్రతా మండలి జారీ చేసిన తీర్మానాన్ని పాకిస్థాన్ అమలుచేయడంలో విఫలమైందని టాస్క్ ఫోర్స్ సంస్థ దుయ్యబట్టినట్టు జాతీయ భద్రతా సలహాదారు అజిత్ దోవల్ సోమవారం ఢిల్లీలో జరిగిన యాంటీ టెర్రరిజం స్క్వాడ్ చీఫ్ ల సమావేశంలో తెలిపారు. దీంతో పాకిస్థాన్ పై ఒత్తిడి పెరిగిందన్నారు.ప్రస్తుతం ప్యారిస్ లో ఈ సంస్థ ప్రతినిధులు సమావేశమైనట్టు ఆయన పేర్కొన్నారు. ఈ సమావేశ పర్యవసానం ఎలా ఉంటుందో తాము నిశితంగా గమనిస్తున్నామని ఆయన చెప్పారు.

Related Tags