ఆ సంబంధం అంటగడతావా..? టీవీయాంకర్ చెంపలు వాయించిన మంత్రి
కొందరు రాజకీయ నేతలు మీడియాతో వ్యవహరించే తీరు వివాదాస్పదంగా ఉంటుంది. అది ఒక్క మనదేశంలోనే కాదు.. దాదాపు అన్ని దేశాల్లోనూ ఇదే తీరు. తాజాగా పాక్ మంత్రి ఓ టీవీ యాంకర్ అడిగిన సమాధానాలకు విసుగు చెంది.. ఏకంగా ఆ యాంకర్పై దాడికి దిగాడు. అంతేకాదు.. ఆయన చేసిన ఘనకార్యాన్ని సమర్థించుకున్నాడు కూడా. వివరాల్లోకి వెళితే.. పాక్కు చెందిన సైన్స్ అండ్ టెక్నాలజీ మంత్రి ఫవాద్ చౌదరి ఎప్పుడూ మీడియా ప్రతినిధులతో వివాదాస్పదంగా వ్యవహరిస్తూ వార్తల్లోకెక్కుతాడు. తాజాగా […]
కొందరు రాజకీయ నేతలు మీడియాతో వ్యవహరించే తీరు వివాదాస్పదంగా ఉంటుంది. అది ఒక్క మనదేశంలోనే కాదు.. దాదాపు అన్ని దేశాల్లోనూ ఇదే తీరు. తాజాగా పాక్ మంత్రి ఓ టీవీ యాంకర్ అడిగిన సమాధానాలకు విసుగు చెంది.. ఏకంగా ఆ యాంకర్పై దాడికి దిగాడు. అంతేకాదు.. ఆయన చేసిన ఘనకార్యాన్ని సమర్థించుకున్నాడు కూడా. వివరాల్లోకి వెళితే.. పాక్కు చెందిన సైన్స్ అండ్ టెక్నాలజీ మంత్రి ఫవాద్ చౌదరి ఎప్పుడూ మీడియా ప్రతినిధులతో వివాదాస్పదంగా వ్యవహరిస్తూ వార్తల్లోకెక్కుతాడు. తాజాగా ఓ టీవీ యాంకర్ చెంప చెళ్లుమనిపించి వివాదానికి తెరలేపాడు.
ఇటీవల ముబాషెహర్ నిర్వహిస్తున్న ఓ టీవీ షోలో మరో యాంకర్ మాట్లాడుతూ.. టిక్టాక్ స్టార్ హరీమ్షాతో మంత్రి చౌదరి అసభ్య వీడియోలను తాను చూశానంటూ పేర్కొన్నారు. దీంతో ఆగ్రహం వ్యక్తం చేసిన మంత్రి.. ఓ వివాహ వేడుకకు వచ్చిన అతడిపై దాడికిపాల్పడ్డాడు. అంతే కాకుండా తన చేసిన దాడిని సమర్థించుకున్నారు. తనపై వచ్చే వ్యక్తిగగత ఆరోపణలను సహించేది లేదన్నారు. అయితే మంత్రి ఇలా చేయడం ఇదేం తొలిసారి కాదు. గత జూన్లో కూడా ఓ ఛానల్ నిర్వాహకుడిపై దాడి చేశాడు. మరోవైపు టీవీయాంకర్పై మంత్రి దాడిచేసిన వీడియో సోషల్ మీడియాలో వైరల్గా మారింది.