Breaking News
  • రేపు 9 రాష్ట్రాల ముఖ్యమంత్రులతో ప్రధాని వీడియో కాన్ఫరెన్స్. కోవిడ్-19 స్థితిగతులపై ఉదయం గం. 11.00కు ప్రారంభం కానున్న సమావేశం. వీడియో కాన్ఫరెన్సులో ఆంధ్రప్రదేశ్, బిహార్, గుజరాత్, కర్ణాటక, మహారాష్ట్ర, పంజాబ్, తమిళనాడు, తెలంగాణ, ఉత్తరప్రదేశ్ రాష్ట్రాల ముఖ్యమంత్రులు, చీఫ్ సెక్రటరీలు. ప్రధానితో పాటు సమావేశంలో పాల్గొననున్న కేంద్ర మంత్రులు రాజ్‌నాథ్ సింగ్, నిర్మలా సీతారామన్, డా. హర్షవర్థన్, కిషన్ రెడ్డి, కేబినెట్ సెక్రటరీ, హోం సెక్రటరీ. నేడు 6 రాష్ట్రాల సీఎంలతో జరిగిన సమావేశంలో కూడా కిషన్ రెడ్డికి చోటు.
  • విజయవాడ : చోటా రౌడీ గ్యాంగ్ ని అరెస్టు చేసిన అజిత్ సింగ్ నగర్ పొలీసులు. విజయవాడ అజిత్ సింగ్ నగర్ లో స్ట్రీట్ ఫైట్ చేధించిన అజిత్ సింగ్ నగర్ పోలీసులు. పాత గొడవలు నేపథ్యంలో పుట్ట వినయ్ అనే యువకుడి పై ముకుమ్మడిగా దాడి చేసిన ఐదుగురు యువకులు. గాయాల పాలైన యువకుడు అజిత్ సింగ్ నగర్ పీఎస్ లో ఫిర్యాదు. గంటల వ్యవధిలో కేసుని ఛేదించిన పోలీసులు.
  • ఇంటర్ డిగ్రీ అడ్మిషన్లపై నిర్ణయం తీసుకున్న విద్యాశాఖ. -ఎంట్రెన్స్ టెస్టులు నిర్వహించనున్న తెలంగాణ ప్రభుత్వం. ఇంటర్ - సెప్టెంబర్ 1 తర్వాత అడ్మిషన్స్ పై నిర్ణయం డిగ్రీ - 28 నుంచి అడ్మిషన్స్ . సెట్స్ : Ecet - aug 8. Mcet- 9,10,11,14 sep Poly set - 2 sep ఎంట్రెన్స్ ఎగ్జామ్స్ అన్ని TCS ద్వారా ఆన్లైన్ పరీక్షలు. Degree పరీక్షలు సుప్రీం చెప్పిన తర్వాత నిర్ణయం . 17 ఇంటర్ నుంచి డిజిటల్ క్లాసులు ప్రారంభం .
  • రాజస్థాన్‌ రాజకీయాల్లో శరవేగంగా మారుతున్న పరిణామాలు. పార్టీకి మళ్లీ దగ్గరవుతున్న తిరుగుబాటు నేత సచిన్ పైలట్. రాహుల్, ప్రియాంక గాంధీలతో సచిన్ మంతనాలు. సీఎం అశోక్ గెహ్లోత్ తీరుపై తీవ్ర అభ్యంతరాలు. అధిష్టానం ముందు తన డిమాండ్లు ఏకరువు పెట్టిన పైలట్. సచిన్ లేవనెత్తిన అంశాల పరిష్కారానికి కమిటీ. ముగ్గురు సభ్యులతో కమిటీ ఏర్పాటు చేసిన పార్టీ అధినేత్రి సోనియా గాంధీ.
  • తిరుపతి ఎస్వీబీసీ ఛానెల్ సీఈఓగా కేంద్ర సమాచార శాఖ అధికారి సురేష్ కుమార్ గెదెలను నియమిస్తూ ఆదేశాలు ఇచ్చిన ప్రభుత్వం. ప్రస్తుతం విజయవాడలోని దూరదర్శన్ కేంద్రంలో డిప్యూటీ డైరెక్టరుగా పనిచేస్తున్న సురేష్ కుమార్. కేంద్ర సర్వీసుల నుంచి డెప్యుటేషనుపై రాష్ట్ర సర్వీసులోకి చేరిన సురేష్ కుమార్.
  • సాధారణ మెయిల్, ఎక్స్‌ప్రెస్, ప్యాసెంజర్ రైలు సర్వీసుల రద్దు సెప్టెంబర్ 30 వరకు కొనసాగింపు. ప్రస్తుతం నడుస్తున్న స్పెషల్ ట్రైన్లు మాత్రం నడుస్తాయి. రైల్వే బోర్డు తాజా ప్రకటన.
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.

గానగంధర్వుడికి పద్మనాభస్వామి దర్శన భాగ్యం కలగకపోవచ్చు!

ఆలయంలో అనంతమైన ధనరాశులు ఉన్నాయన్నది ఓ బలమైన నమ్మకం.. ఆయన గళంలో అద్భుతమైన స్వరసంపద ఉందన్నది నిఖార్సైన వాస్తవం.. నేలమాళిగలోని బీ ఛాంబర్‌ తలుపులు ఎప్పుడు తెరుస్తారు? జేసుదాసు కోసం ఆలయ ద్వారాలు ఎప్పుడు తెరుస్తారు? వీటికి వీలైనంత త్వరగా సమాధానాలు దొరికితే బాగుండనుకుంటున్నారు సామాన్య జనం.
Padmanabha temple B chamber may remain shut forever and Yesudas unlikely to get entry, గానగంధర్వుడికి పద్మనాభస్వామి దర్శన భాగ్యం  కలగకపోవచ్చు!

కేర‌ళలోని తిరువనంతపురంలో కొలువైన అనంత ప‌ద్మ‌నాభ‌స్వామి ఆలయ నిర్వ‌హ‌ణ బాధ్య‌త ట్రావెన్‌కోర్ రాజ‌కుటుంబానికే ఉండ‌టాన్ని సుప్రీంకోర్టు స‌మ‌ర్థించింది. ఆలయ నిర్వహణ వివాదం కొలిక్కి వచ్చింది కానీ సమాధానాలు దొరకని రెండు ప్రశ్నలపై సామాన్య జనం ఆసక్తి ఇంకా అలాగే ఉంది.. ఆలయం నేలమాళిగలో అపారమైన సంపద ఉన్నట్టుగా చెబుతున్న బీ ఛాంబర్‌ను తెరుస్తారా లేదా అన్నది మొదటిదైతే, ప్రముఖ గాయకుడు జేసుదాసుకు ఆలయ ప్రవేశం లభిస్తుందా లేదా అన్నది రెండోది!

ఆలయంలో అనంతమైన ధనరాశులు ఉన్నాయన్నది ఓ బలమైన నమ్మకం.. ఆయన గళంలో అద్భుతమైన స్వరసంపద ఉందన్నది నిఖార్సైన వాస్తవం.. నేలమాళిగలోని బీ ఛాంబర్‌ తలుపులు ఎప్పుడు తెరుస్తారు? జేసుదాసు కోసం ఆలయ ద్వారాలు ఎప్పుడు తెరుస్తారు? వీటికి వీలైనంత త్వరగా సమాధానాలు దొరికితే బాగుండనుకుంటున్నారు సామాన్య జనం.

Padmanabha temple B chamber may remain shut forever and Yesudas unlikely to get entry, గానగంధర్వుడికి పద్మనాభస్వామి దర్శన భాగ్యం  కలగకపోవచ్చు!

పద్మనాభస్వామి ఆలయానికి 14 వందల చరిత్ర ఉంది. 16 శతాబ్ధం నుంచి ఇది ట్రావెన్‌కోర్‌ రాజుల చేతుల్లోకి వెళ్లింది. దాంతో ఆలయ సంపదా పెరిగింది.. 18 శతాబ్దంలో ఆలయాన్ని పునర్నిర్మించారు. ఆ కాలంలో చాలా మంది కన్ను ఈ ఆలయంపై ఉండింది.. అందుకే సంపదనంతా నేలమాళిగలో భద్రపరిచారు. ఆలయం నేలమాళిగలో మొత్తం ఏ, బీ, సీ, డీ, ఈ, ఎఫ్ అనే చాంబర్‌లున్నాయి. వీటిలో లక్షలాది కోట్ల విలువైన సంపద నిక్షిప్తమై ఉందట! సీ, డీ, ఈ, ఎఫ్ చాంబర్‌లను గతంలోనే తెరిచారు. కానీ 1860 సంవత్సరం నుంచి ఏ, బీ చాంబర్‌లను ఎవరూ తెరవలేదు. బీ చాంబర్‌లో అనంతమైన సంపద ఉందని, అందుకే దాని రక్షణ కోసం నాగబంధం వేశారని చెబుతుంటారు. అదో బలమైన విశ్వాసం.. అందుకే ఆ గదిని తెరిచేది లేనిది ట్రావెన్‌కోర్‌ రాజకుటుంబానికే వదిలేసింది సుప్రీంకోర్టు.

Padmanabha temple B chamber may remain shut forever and Yesudas unlikely to get entry, గానగంధర్వుడికి పద్మనాభస్వామి దర్శన భాగ్యం  కలగకపోవచ్చు!

నిజానికి 1930లోనే కొందరు ఆరో గదిలోని సంపదను దోచుకోవాలనుకున్నారు కానీ, అప్పట్లో నల్లత్రాచులు వారిని వెంటాడంతో అక్కడి నుంచి పారిపోయారట! వందేళ్ల క్రితం తీవ్రమైన కరువు సంభవించినప్పుడు నేలమాళిగ లోని ఆరోగదిని తెరిచే ప్రయత్నం చేశారట. అప్పుడు ఆ గది నుంచి సముద్ర గర్జనలు వినిపించడంతో ఆ ప్రయత్నాన్ని విరమించుకున్నారట! ఎవరైనా తెరిస్తే మాత్రం ఆలయాన్ని సముద్రం ముంచెత్తడం ఖాయమంటున్నారు కొందరు. అయితే ఆలయ ఆస్తులను ఆడిట్‌ చేసేందుకు వచ్చిన కాగ్‌ మాజీ చీఫ్‌ వినోద్‌ రాయ్‌ మాత్రం ఇవన్నీ అవాస్తవాలన్నారు. 1990లోనే బీ చాంబర్‌ను కనీసం ఏడు సార్లు తెరిచి ఉంటారని ఆయన తన నివేదికలో వెల్లడించారు. పైగా 266 కిలోల బంగారం మాయమయ్యింది సుప్రీంకోర్టుకు సమర్పించిన ఆడిటింగ్‌ నివేదికలో చెప్పారు కూడా! సుప్రీంకోర్టు ఆలయ బాధ్యతను ట్రావెన్‌కోర్‌ రాజకుటుంబానికే వదిలేసింది కాబట్టి ఆ రాజకుటుంబానికి ఆ గదిని తెరిచే ఆలోచన ఉందో లేదో తెలియాలి.. ఒకవేళ ఉంటే ఆ ఆరవ గదిని తెరిచే సాహసం ఎవరు చేస్తారన్నది కూడా ఆసక్తికరంగా మారింది.

Padmanabha temple B chamber may remain shut forever and Yesudas unlikely to get entry, గానగంధర్వుడికి పద్మనాభస్వామి దర్శన భాగ్యం  కలగకపోవచ్చు!

ఇక గాన గంధర్వుడు జేసుదాసు విషయానికి వస్తే అనంత పద్మనాభస్వామిని దర్శించుకోవాలన్నది ఆయన చిరకాల వాంఛ.. ఓ సుందర స్వప్నం. ఆ పద్మనాభుడికి దయలేదో, ఆలయ నిర్వాహకులకు కరుణ లేదో తెలియదు కానీ ఆ కల ఇప్పటికీ నెరవేరలేదు.. 2017, సెప్టెంబర్‌లో ఆలయ ఎగ్జిక్యూటివ్‌ కమిటీకి ఓ అర్జీ పెట్టుకున్నారు జేసుదాసు. తాను క్రైస్తవుడినే అయినా హిందూ ధర్మం మీద తనకు అపారమైన విశ్వాసం ఉందని, హిందు సంప్రదాయాల ప్రకారం ఆలయంలో ఆచారాలను పాటిస్తానని ప్రమాణం చేస్తూ వినతి చేసుకున్నారు.. ఆలయ ఎగ్జిక్యూటివ్‌ కమిటీ ఆయనకు ఆలయ ప్రవేశం కల్పించింది.. సెప్టెంబర్‌ 18న ఆలయానికి రావచ్చని కమిటీ చెప్పింది కానీ జేసుదాసు మాత్రం పద్మనాభస్వామిని దర్శించుకోలేకపోయారు. కారణం షెడ్యూల్‌లో ఉన్న అయోమయం. నెల తర్వాత ట్రావెన్‌కోర్‌ రాజవంశానికి చెందిన అశ్వథి తిరునాల్‌ గౌరీ లక్ష్మీ బాయి మాత్రం హిందు ఆలయాన్ని ఎవరు పడితే వారు దర్శించుకోడానికి వీల్లేదని తేల్చేశారు. పద్మనాభస్వామి ఆలయాన్ని హిందూయేతరులు దర్శించుకోవడానికి అదేం విశ్వవిద్యాలయమో, సాంస్కృతిక కేంద్రమో కాదని స్పష్టం చేశారు.. ఈ మాటలు ఎవరి గురించి అన్నవో లోకానికి తెలుసు.. జేసుదాసుకూ తెలుసు.. అందుకే మళ్లీ ఆయన ఆలయ సందర్శన ప్రయత్నం చేయలేదు.. పద్మనాభస్వామి ఆలయంలో నవరాత్రి ఉత్సవాలు చాలా ఘనంగా జరుగుతాయి.. ప్రతీ ఏడాది సంగీత విద్వాంసులతో కచేరీలు నిర్వహిస్తారు.. పేరున్న కళాకారులంతా అందులో పాల్గొన్నారు ఒక్క గానగంధర్వుడు జేసుదాసు తప్ప.. కారణం ఆయనకు ఆహ్వానం రాకపోవడమే! ఇప్పుడు ఆలయ బాధ్యతలు మళ్లీ ట్రావెన్‌కోర్‌ రాజవంశీకుల చేతుల్లోకి వెళ్లాయి కాబట్టి జేసుదాసు కల నెరవేరదేమో!

Padmanabha temple B chamber may remain shut forever and Yesudas unlikely to get entry, గానగంధర్వుడికి పద్మనాభస్వామి దర్శన భాగ్యం  కలగకపోవచ్చు!

Related Tags