Breaking News
  • భారత్ లో విజృంభిస్తున్న “కరోనా” వైరస్. 52 లక్షల 14 వేలు దాటిన కరోనా పాజిటివ్ కేసుల సంఖ్య . గడచిన 24 గంటలలో అత్యధికంగా రికార్డ్ స్థాయిలో 96,424 కరోనా పాజిటివ్ కేసులు నమోదు. • గడచిన 24 గంటలలో దేశంలో “కరోనా” వల్ల మొత్తం 1174 మంది మృతి . గడచిన 24 గంటలలో దేశ వ్యాప్తంగా డిశ్ఛార్జ్ అయిన వారి సంఖ్య 87,472 • దేశంలో ఇప్పటివరకు నమోదయిన “కరోనా” పాజిటివ్ కేసుల సంఖ్య 52,14,678 • దేశ వ్యాప్తంగా యాక్టీవ్ కేసులు 10,17,774 • “కరోనా” కు చికిత్స పొంది డిశ్చార్జ్ అయిన వారి సంఖ్య 41,12,551 • “కరోనా” వల్ల దేశంలో మొత్తం మృతి చెందిన వారి సంఖ్య 84,372 . దేశంలో 78.86 శాతం కరోనా రోగుల రికవరీ రేటు . దేశంలో నమోదయిన మొత్తం కేసులలో యాక్టివ్ కేసుల శాతం 19.52 శాతం . దేశంలో మొత్తం నమోదయిన కేసులలో 1.62 శాతానికి తగ్గిన మరణాల రేటు . గడచిన 24 గంటలలో దేశంలో నిర్వహించిన కరోనా వైరస్ నిర్దారణ పరీక్షల సంఖ్య 10,06,615 . దేశంలో ఇప్పటివరకు నిర్వహించిన మొత్తం కరోనా వైరస్ నిర్దారణ పరీక్షల సంఖ్య 6,15,72,343
  • విజయవాడ : ఆన్లైన్ క్రికెట్ బెట్టింగ్ ముఠా గుట్టు రట్టు. మాచవరం పిఎస్ పరిధిలోని ఓ అపార్ట్ మెంట్లో గుట్టుచప్పుడు కాకుండా క్రికెట్ బెట్టింగ్. అర్ధరాత్రి పోలీసుల దాడులు. టీవీ , ల్యాప్ టాబ్, 23 లైన్లో ఉన్న ఫోన్ బాక్స్ , 25 ఫోన్లు స్వాధీనం. ముగ్గురు వ్యక్తులను అదుపులోకి తీసుకున్న పోలీసులు. కీలక వ్యక్తి నవీన్ కోసం గాలింపు. క్రికెట్ బుకీలతో ఉన్న సంబంధాల పై విచారణ చేస్తున్న పోలీసులు.
  • జిహెచ్ఎంసి భారీ జరిమానాలు. పదో తారీకు నుంచి 17 వ తారీకు వరకు సుమారు యాభై లక్షలు జరిమానా విధింపు. సింహభాగం బడా షాపింగ్ మాల్స్ దే. బిగ్ బజార్ కు 5 లక్షల 2 వేలు అత్యధిక జరిమానా. చెన్నై షాపింగ్ మాల్ కి 4 లక్షలు. జిపిఆర్ మల్టీప్లెక్స్ 3 లక్షలు. సోనోవిజన్, బజాజ్ ఎలక్ట్రానిక్స్ కు రెండు లక్షల 50 వేల చొప్పున జరిమానా. విఆర్కే సిల్క్, బాంటియా ఫర్నిచర్, ఎల్జి షోరూం కు రెండు లక్షలు చొప్పున జరిమానా. కాచిగూడ ఐనాక్స్ కు ఒక లక్ష ఇరవై రెండు వేల జరిమానా. హ్యాపీ మొబైల్స్ ,ఓయో ,రిలయన్స్ డిజిటల్, విజేత సూపర్ మార్కెట్, ఇంపీరియల్ రెస్టారెంట్ కు లక్ష రూపాయల చొప్పున జరిమానా. అక్రమ హోర్డింగ్లు, ఫ్లెక్సీలు , బ్యానర్లు పై భారిగా జరిమానా లు వేస్తున్న జిహెచ్ఎంసి అధికారులు.
  • అమరావతి : విశాఖ సముద్రంలో విషపూరిత కాలుష్యంపై హైకోర్ట్ లో పిల్ దాఖలు. సముద్ర కాలుష్యంపై నిపుణుల కమిటీ విచారణ కోరుతూ పిల్. పిటిషన్ దాఖలు చేసిన బోలిసెట్టి సత్యనారాయణ, తరుణ్ భారత్ సంఘo వ్యవస్థాపక చైర్మన్ రాజేంద్ర సింగ్. విశాఖలోని రుషికొండ బీచ్‌ చెత్త, వ్యర్థాలు, ప్లాస్టిక్‌, విష పదార్థాలతో కలిసి కలుషితమవుతోందని పిటిషన్. సముద్ర సంపదకు ముప్పు ఏర్పడకుండా చర్యలు తీసుకోవాలని హైకోర్టులో ప్రజాహిత పిటిషన్ దాఖలు. మెరైన్‌ బయాలజీ, మెరైన్‌ ఇంజినీరింగ్‌, కెమికల్‌, ఇండిస్టీస్‌ నిపుణులతో కమిటీ ఏర్పాటు చేయాలని విజ్ఞప్తి. విశాఖతో పాటు కాకినాడ, ఇతర తీరప్రాంతాల్లో కమిటీతో అధ్యయనం చేయించాలని కోరిన పిటిషనర్లు. పరవాడలోని ఫార్మా కంపెనీల నుంచి విష పదార్థాలు, చెత్త విశాఖ మీదుగా పెద్దజాలరిపేట దగ్గర సముద్రతీరంలో కలుస్తోందన్న పిటిషనర్లు. సముద్ర జలాలతోపాటు ఇతర నీటి వనరులు కూడా కలుషితమవుతున్నాయన్న పిటిషనర్లు. ఇలాగే వదిలేస్తే వృక్షాలు, పక్షులపై ప్రతికూల ప్రభావం పడుతుందని ఆందోళన. ఫార్మాకంపెనీలు ఎన్వి రోన్మెంట్ ప్రొటెక్షన్ యాక్ట్, వాటెర్ యాక్ట్, ఆంధ్రప్రదేశ్ వాటెర్, ల్యాండ్ అండ్ ట్రీస్ చట్టాన్ని ఉల్లంఘిస్తోందన్న పిటిషనర్లు. రాష్ట్ర అటవీ, పర్యావరణ శాఖ ప్రధాన కార్యదర్శి, పొల్యూషన్‌ కంట్రోల్‌ బోర్డు మెంబర్‌ సెక్రటరీ, కేంద్ర పర్యావరణ శాఖ కార్యదర్శి, విశాఖ జిల్లా కలెక్టర్లను ప్రతివాదులుగా‌ చేర్చిన పిటిషనర్లు.
  • తిరుమల: నేడు శ్రీవారి బ్రహ్మోత్సవాలకు అంకురార్పణ. రేపటి నుంచి ఈ నెల 27 వరకు శ్రీవారి వార్షిక బ్రహ్మోత్సవాలు. ఏకాంత బ్రహ్మోత్సవాలకు ముస్తాబైన శ్రీవారి ఆలయం. కరోనా కారణంగా బ్రహ్మోత్సవాలను ఏకాంతంగా నిర్వహించనున్న టీటీడీ.
  • అమరావతి: చంద్రబాబు అధ్యక్షతన టీడీపీ పార్లమెంటరీ పార్టీ భేటీ. భేటీకి హాజరైన లోక్‌సభ, రాజ్యసభ సభ్యులు. వైసీపీ ప్రభుత్వ తీరుపై మండిపడ్డ చంద్రబాబు . దళితులపై దాడులు పెరిగిపోతున్నాయని ఆరోపణ. ఎంపీ దుర్గాప్రసాద్‌ సంతాప తీర్మానంపై పార్లమెంట్‌లో చర్చను.. వైసీపీ బాయ్‌కాట్ చేయడం నీచం- చంద్రబాబు. కనీసం ఎంపీ కుటుంబసభ్యులను సీఎం జగన్ పరామర్శించలేదు. రాష్ట్రానికి జీఎస్టీ నిధులు రాబట్టడంపై వైసీపీకి శ్రద్ధలేదు-చంద్రబాబు. అంతర్వేది సహా ఆలయాల దాడులపై సీబీఐ దర్యాప్తు చేయాలి- చంద్రబాబు.

కరోనాకు మందు ప్రయోగ దశలో…

Ambitious Oxford University trial to begin, కరోనాకు మందు ప్రయోగ దశలో…

కరోనాకు విరుగుడు తయారీ ప్రయోగాల్లో మరో ముందడుగు పడింది. రెండో దశ హ్యూమన్‌ ట్రయల్స్‌కు సిద్ధమైంది ఆక్స్‌ఫర్డ్‌ యూనివర్సిటీ. ఏప్రిల్‌లో ప్రారంభించిన మొదటిదశ పరీక్షల్లో మెరుగైన ఫలితాలొస్తున్నాయని అందుకే సెకండ్‌ ఫేజ్‌ ట్రయల్స్‌ ప్రారంభిస్తున్నట్లు వెల్లడించింది. ఇందుకోసం వాలంటీర్ల ఎంపికను ప్రారంభించింది వర్సిటీ. 56ఏళ్ల పైబడిన వారు.. 5 నుంచి 12ఏళ్ల మధ్య ఉన్నవారు.. మొత్తం10,260 మందిపై దీన్ని ప్రయోగించనున్నట్లు వెల్లడించింది. ఇది పూర్తైతే మూడో దశ కూడా మొదలుపెట్టనున్నట్లు తెలిపింది. ఈ దశలో 18 ఏళ్లు పైబడిన వారిపై వ్యాక్సీన్‌ను ప్రయోగిస్తారు. తొలిదశలో వెయ్యి మందిపై ప్రయోగాలు నిర్వహించారు. అవి మనుషులపై చూపించే ప్రభావాన్ని అంచనా వేస్తున్నారు.

అయితే చింపాంజీల నుంచి సేకరించిన అడినో వైరస్‌తో టీకా అభివృద్ధి చేసింది ఆక్స్‌ఫర్డ్‌ యూనివర్సిటీ. పలు జన్యుపరమైన మార్పులు చేసి సార్స్‌ కోవ్‌ 2లో ఉండే స్పైక్‌ ప్రొటీన్‌ వంటి దానిని ఏర్పాటుచేశారు. ఇది రోగ నిరోధక శక్తిని పెంచి కొవిడ్‌ను సమర్థవంతంగా ఎదుర్కొంటుందని భావిస్తున్నారు. ఈ వ్యాక్సిన్‌ కోతుల్లో చేసిన స్టడీస్‌లో కొన్ని మంచి ఫలితాలను చూపించిందని అంటున్నారు. ఇది రోగ నిరోధక శక్తిని అంచనా వేసేందుకు విస్తృత జనాభాలో ఇది రక్షణను అందించగలదా అని పరీక్షించడానికి అధ్యయనాలు చేస్తున్నామన్నారు. రోగ నిరోధక శక్తిని అంచనా వేయడానికి.. టీకా సామర్థ్యాన్ని అంచనా వేయడానికి సిద్ధమవుతున్నట్లు తెలిపారు పరిశోధకులు.

ఈ వ్యాక్సిన్‌ ప్రయోగంలో రెండు, మూడు దశలే కీలకం. కొందరికి కరోనా టీకా ఇస్తారు. మరికొందరికి మెనాక్వీ అనే టీకా ఇస్తారు. ఎవరికి ఏ టీకా ఇచ్చారో సీక్రెట్‌గా ఉంచుతారు. ఈ ప్రయోగంలో ఎవరికి ఏ టీకా ఇచ్చారో తెలియకుండా ఉండేందుకు మెన్‌యాక్వీని ఎంపిక చేశారు. ఈ రెండు టీకాలు తీసుకున్నవారికి ఒకే లక్షణాలు ఉంటాయి. కొవిడ్‌పై ఎలాంటి ప్రభావం చూపుతుందో అంచనా వేస్తారు. సైడ్‌ ఎఫెక్ట్‌లు లేకుండా రోగనిరోధక శక్తి ఎలా ఉందో పరిశీలిస్తారు. టీకా వేయించుకున్న వారం తర్వాత శాంపిల్స్‌ను ల్యాబ్స్‌కు పంపి పరీక్షలు నిర్వహిస్తారు. ఆక్స్‌ఫర్డ్‌ టీకా తీసుకున్న వారిలో సానుకూల ఫలితాలను బట్టి గ్రీన్‌సిగ్నల్‌ లభిస్తుంది. అందుకే ఈ ప్రయోగానికి కొవిడ్‌ బారిన పడే అవకాశమున్న చోట విధులు నిర్వహిస్తున్న వారిని ఎంపిక చేశారు. వీరిలో వైద్య సిబ్బంది, ఇతర కీలక విభాగాల్లో పనిచేసే వారున్నారు.

Related Tags