Breaking News
  • ఢిల్లీ భారత్ లో విజృంభిస్తున్న కరోనా వైరస్. 2 లక్ష 26 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 226770. దేశ వ్యాప్తంగా యాక్టీవ్ కేసులు: 110960. కరోనా నుంచి డిశ్చార్జ్ అయిన బాధితులు: 109462. దేశం మొత్తం కరోనా తో మృతుల సంఖ్య : 6348. . కేంద్ర ఆరోగ్య మంత్రిత్వ శాఖ.
  • టీవీ9 తో డైరెక్టర్ ఆఫ్ హెల్త్ శ్రీనివాసరావు. తెలంగాణలో కోవిడ్ కు సంబంధించి అన్ని సిధంగా ఉన్నాయి. ఎవ్వరు భయపడవలసిన అవసరం లేదు. డాక్టర్ల ను కాపాడుకుంటాం. రాష్ట్రంలో ఎడులక్షల ppe కిట్స్. N95మాస్కులు ఎనిమిది లక్షలు ఉన్నాయి.
  • అమరావతి లాక్‌డౌన్‌ నిబంధనల సడలింపు నేపథ్యంలో ఈ నెల 8వ తేదీ నుంచి అంతర్రాష్ట్ర బస్సు సర్వీసులు తిప్పడానికి రంగం సిద్ధమవుతోంది. బస్సులు తిప్పడానికి అనుమతించాలని రాష్ట్ర ప్రభుత్వం పొరుగు రాష్ట్రాలను కోరింది. ఈ విషయంలో తమిళనాడు మినహా తెలంగాణ, కర్ణాటక, ఒడిశా ప్రభుత్వాలకు రాష్ట్ర ప్రభుత్వ ప్రధాన కార్యదర్శి నీలం సాహ్ని లేఖ రాశారు. ఏపీఎస్‌ ఆర్టీసీ కూడా అంతర్రాష్ట్ర సర్వీసులు తిప్పేందుకు కార్యాచరణ సిద్ధం చేసింది.
  • ఢిల్లీ: ఢిల్లీలో మాస్కులేకుండా ఇళ్లనుంచి బయటకు వెళ్తే 500 రూపాయల జరిమాన. ఢిల్లీ పోలీసులకు ఆదేశాలు జారీ చేసిన లెఫ్ట్నెంట్ గవర్నర్. కరోనా కేసులు పెరుగుతున్నందున నేపథ్యంలో ఈ నిర్ణయం.
  • టిటిడి ఏఈవో ధర్మారెడ్డి కామెంట్స్. ఇతర రాష్ట్రాలతో ఉన్నవారు..ఆన్ లైన్లో తిరుమల దర్శన టికెట్ తీసుకున్నప్పటికీ..ఆ టికెట్..రాష్ట్రాల సరిహద్దుల వద్ద ఎంట్రీకి పనికిరాదు. వేరే రాష్ట్రం నుంచి ఆంధ్రప్రదేశ్ కి రావాలంటే ఆయా రాష్ట్రాల ప్రభుత్వాలు ఇచ్చిన సూచనల మేరకు పాసులు తీసుకోవాలి. వీఐపీ బ్రేక్ దర్శనాలు సిఫార్స్ లేఖలు అనుమతించేది లేదు. ఎవరినీ దర్శనాలకి ఎవరికీ రికమండే షన్ పత్రాలు ఇవ్వొద్దు. ఎవరైతే వీఐపీలు ఉన్నారో వారికి మాత్రమే వీఐపీ బ్రేక్ దర్శనాలకి అనుమతిస్తాము.
  • విశాఖ: సుధాకర్ తల్లి కావేరీ భాయ్. సుధాకర్ కు, నాకు, సుధాకర్ కొడుకు లలిత్ ను సీబీఐ విచారించింది. నా కొడుకును చాలా బాధ పెట్టారు. ఆరోగ్యంగా ఉన్న వాడిని ఆసుపత్రిలో పెట్టి అనారోగ్యానికి పాలు చేశారు. నా బిడ్డకు జరిగిన ట్రీట్ మెంట్.. ఎవరికీ జరగకూడదు సుధాకర్ కు జరిగిన అన్యాయం అందరికీ తెలుసు.. కానీ భయపడి ఎవరూ నోరు విపొఅడం లేదు. పాలకులే కష్టాలు తెచ్చిపెడితే.. ఇంకా కష్టం ఎవరికి చెప్పుకోవాలి. ఇటువంటి ఘటన ఎవరికి జరిగినా నేను నిలబడతా.. వదిలిపెట్టను.

తీరు మారని పాకిస్తాన్..సీజ్ ఫైర్ ఉల్లంఘనల్లో టాప్ !

over 2000 ceasefire violations stop targetting civilians centre to pakistan, తీరు మారని పాకిస్తాన్..సీజ్ ఫైర్ ఉల్లంఘనల్లో టాప్ !

ఈ ఏడాది పాకిస్తాన్ 2,050 కి పైగా కాల్పుల విరమణ ఒప్పంద ఉల్లంఘనలకు పాల్పడిందని కేంద్రం ఆరోపిస్తోంది. ఈ రెచ్ఛగొట్టుడు, కవ్వింత చర్యలపట్ల ఆందోళన వ్యక్తం చేసింది. పాకిస్థాన్ నిర్వాకం కారణంగా 21 మంది మృతి చెందారని, పలువురు గాయపడ్డారని కేంద్ర వర్గాలు తెలిపాయి. 2003 నాటి కాల్పుల విరమణ ఒప్పందానికి కట్టుబడి ఉండాలని ఎన్నిసార్లు ఆ దేశాన్ని కోరినా పట్టించుకోలేదని కేంద్ర హోం శాఖ పేర్కొంది. కాశ్మీర్ విషయంలో భారతదేశం మానవ హక్కులను ఉల్లంఘిస్తోందని పాక్.. ఐక్యరాజ్యసమితిలో ఆరోపించిన విషయం విదితమే.. జమ్మూ కాశ్మీర్లోని పరిస్థితిపై ‘ దర్యాప్తు ‘ జరిపించాలని కూడా ఐరాస లోని మానవ హక్కుల మండలిని పాక్ మంత్రి షా మహ్మద్ ఖురేషీ కోరారు. అయితే ఈ ఆరోపణలను ఖండించిన ఇండియా.. నిజానికి క్రాస్ బోర్డర్ టెర్రరిజానికి పాకిస్తాన్ పాల్పడుతోందని, కాల్పుల విరమణ ఒప్పందాన్ని యధేచ్చగా అతిక్రమిస్తోందని ప్రత్యారోపణ చేసింది. నియంత్రణ రేఖ వద్ద భారత దళాలు అత్యంత సంయమనంతో వ్యవహరిస్తుండగా.. పాక్ ప్రేరేపిత ఉగ్రవాదులు దొంగచాటుగా కాశ్మీర్లోకి ప్రవేశించేందుకు యత్నిస్తున్నారని భారత హోం శాఖ ప్రతినిధి ఒకరు పేర్కొన్నారు. అసలు పాక్ ఆక్రమిత కాశ్మీర్లోనే మానవ హక్కుల అతిక్రమణ జరుగుతోందన్నారు. ఈ ఏడాది జరిగినన్ని ఉల్లంఘనలు మరే ఏడాదీ జరగలేదని భావిస్తున్నట్టు ఆయన చెప్పారు. అంతర్జాతీయ వేదికలపై సమయం వచ్చినప్పుడల్లా పొరుగునున్న ఈ దేశం ముఖ్యంగా కాశ్మీర్ అంశాన్ని లేవనెత్తి ఇండియాను అప్రదిష్టపాల్జేసేందుకు ప్రయత్నిస్తోంది. అయితే ఒక్క చైనా తప్ప, అమెరికా, రష్యా వంటి అగ్ర రాజ్యాలు భారత్ కు బాసటగా నిలుస్తున్నాయి. పాకిస్తాన్ మొదట తన సొంత గడ్డపై గల ఉగ్రవాద శిబిరాలను కట్టడి చేయాలని సూచిస్తున్నాయి. కరడు గట్టిన ఉగ్రవాది మసూద్ అజహర్ ని అరెస్టు చేసినట్టే చేసి… అతడిని .విడుదల చేసిన వైనాన్ని ఈ దేశాలు గుర్తు చేస్తున్నాయి.

Related Tags