F3 Movie Update: ‘ఎఫ్‌-3’లో మరో హీరో..? గెస్ట్‌ రోల్‌లో కనిపించనున్న మెగా హీరో..

One More Hero In F3: అనిల్‌ రావిపూడి దర్శకత్వంలో వచ్చిన ఎఫ్‌-2 చిత్రం ఎంతటి విజయం సాధించిందో ప్రత్యేకంగా చెప్పాల్సిన పనిలేదు. వెంకటేష్‌, వరుణ్‌ తేజ్‌ కలిసి నటించిన ఈ మల్టీస్టారర్‌ సినిమా ఇండస్ట్రీ హిట్‌గా నిలిచింది...

F3 Movie Update: 'ఎఫ్‌-3'లో మరో హీరో..? గెస్ట్‌ రోల్‌లో కనిపించనున్న మెగా హీరో..
Follow us

|

Updated on: Jan 19, 2021 | 10:51 AM

One More Hero In F3: అనిల్‌ రావిపూడి దర్శకత్వంలో వచ్చిన ఎఫ్‌-2 చిత్రం ఎంతటి విజయం సాధించిందో ప్రత్యేకంగా చెప్పాల్సిన పనిలేదు. వెంకటేష్‌, వరుణ్‌ తేజ్‌ కలిసి నటించిన ఈ మల్టీస్టారర్‌ సినిమా ఇండస్ట్రీ హిట్‌గా నిలిచింది. కామెడీ ఎంటర్‌టైనర్‌గా తెరకెక్కిన ఈ సినిమా బాక్సాఫీస్‌ వద్ద నవ్వుల జల్లుతో పాటు కలెక్షన్ల జల్లును కూడా కురిపించింది. ఇక ఇదిలా ఉంటే తాజాగా ఈ చిత్రానికి సీక్వెల్‌ తెరకెక్కుతోన్న విషయం తెలిసిందే. ప్రస్తుతం ఈ సినిమా షూటింగ్‌ శరవేగంగా జరుగుతోంది. ఇటీవల కరోనా నుంచి కోలుకున్న వరుణ్‌ తేజ్‌ సినిమా షూటింగ్‌లో తిరిగి పాల్గొన్నాడు. ఇదిలా ఉంటే తాజాగా ఈ సినిమాకు సంబంధించిన ఓ వార్త నెట్టింట్లో హల్‌చల్‌ చేస్తోంది. ఎఫ్‌-3 సినిమాలో మరో మెగా హీరో నటించనున్నాడనేది సదరు వార్త సారాంశం. ఆ హీరో ఎవరో కాదు.. సాయి ధరమ్‌ తేజ్‌. ఇక ‘ఎఫ్-2’లో క్లైమాక్స్‌లో వచ్చే అనసూయ, వెన్నెల కిషోర్‌ పాత్రలు సినిమాకే హైలెట్‌గా నిలిచాయి. ప్రస్తుతం ఎఫ్‌-3లో కూడా సాయి ధరమ్‌ తేజ్‌ పాత్ర ఇలా క్లైమాక్స్‌లో వస్తుందని చర్చ జరుగుతోంది. ప్రీక్లైమాక్స్‌లో వచ్చే ఈ పాత్రను దర్శకుడు చాలా ఫన్నీగా రూపొందించాడని సమాచారం. మరి ఈ వార్తలో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాలి . ఇక ఇప్పటికే విడుదల చేసిన ‘ఎఫ్ 3’ కాన్సెప్ట్ పోస్టర్ సినిమాపై అంచనాలు పెంచేసిందని చెప్పాలి.

Also Read: Ravi Teja: క్రాక్‌తో ట్రాక్‌లోకి వచ్చిన మాస్ మాహారాజా.. వరుస కడుతున్న పలువురు నిర్మాతలు..