టోల్ ప్లాజా వద్ద కారు బీభత్సం..
హర్యానాలో ఓ కారు బీభత్సం సృష్టించింది. గురుగ్రామ్లోని ఖేర్ కీ దౌలా టోల్ ప్లాజా సిబ్బందిపైకి అకస్మాత్తుగా ఓ కారు దూసుకొచ్చింది. దీంతో టోల్ప్లాజాలో పనిచేసే ఉద్యోగి.. ఆ కారును ఆపే ప్రయత్నం చేశాడు. అయితే ఆ కారు డ్రైవర్ మరింత వేగంగా నడుపుతూ.. అక్కడే ఉన్న టోల్ ప్లాజాలో పనిచేసే ఓ వ్యక్తిని ఢీ కొట్టాడు. దీంతో అతడు ఆ కారు ముందు భాగంపై పడ్డాడు. అంతటితో ఆగని ఆ కారు డ్రైవర్.. మరింత వేగంతో […]
హర్యానాలో ఓ కారు బీభత్సం సృష్టించింది. గురుగ్రామ్లోని ఖేర్ కీ దౌలా టోల్ ప్లాజా సిబ్బందిపైకి అకస్మాత్తుగా ఓ కారు దూసుకొచ్చింది. దీంతో టోల్ప్లాజాలో పనిచేసే ఉద్యోగి.. ఆ కారును ఆపే ప్రయత్నం చేశాడు. అయితే ఆ కారు డ్రైవర్ మరింత వేగంగా నడుపుతూ.. అక్కడే ఉన్న టోల్ ప్లాజాలో పనిచేసే ఓ వ్యక్తిని ఢీ కొట్టాడు. దీంతో అతడు ఆ కారు ముందు భాగంపై పడ్డాడు. అంతటితో ఆగని ఆ కారు డ్రైవర్.. మరింత వేగంతో ఆ వ్యక్తిని కొంత దూరం ఈడ్చుకెళ్లాడు.
అదే సమయంలో అటుగా వెళ్తున్న కంటైనర్ వద్దకు వెళ్లగానే దుండగులు కారును స్లో చేశారు. దీంతో వెంటనే ఆ వ్యక్తి కిందకు దిగడంతో ప్రాణాపాయం నుంచి బయటపడ్డాడు. అయితే కారులోని వ్యక్తులు మళ్లీ వెహికిల్ను ఆపకుండా స్పీడ్గా మళ్లీ వెళ్లిపోయారు. కారును పట్టుకునేందుకు టోల్ ప్లాజా సిబ్బంది వెంటపడ్డా… దుండగులు దొరకకుండా పారిపోయారు. ఈ ఘటనకు సంబంధించిన విజువల్స్ అన్నీ అక్కడే ఉన్న సీసీటీవీలో రికార్డయ్యాయి. టోల్ ప్లాజా వ్యక్తులు ఇచ్చిన ఫిర్యాదుతో కేసు నమోదు చేసుకున్న పోలీసులు.. దుండగుల కోసం గాలింపు చేపట్టారు.
#WATCH A Gurugram Kherki Daula Toll Plaza employee carried on the bonnet of a speeding car today. SP Gurugram, Shamsher Singh, says, “An investigation is underway, legal action will be taken and accused will be arrested soon.” pic.twitter.com/bfE4udC6E8
— ANI (@ANI) June 27, 2019