‘ఈ స్క్రిప్ట్ ప్లే ఔట్ ఎక్కడో చూసినట్టు ఉందే ‘! అరవింద్ కేజ్రీవాల్ హౌస్ అరెస్టుపై ఒమర్ అబ్దుల్లా సెటైర్

ఢిల్లీ సీఎం అరవింద్ కేజ్రీవాల్ హౌస్ అరెస్టుపై జమ్మూ కాశ్మీర్ మాజీ సీఎం ఒమర్ అబ్దుల్లా సెటైర్ వేశారు. ఈ స్క్రిప్ట్ ప్లే ఔట్ ఎక్కడో చూసినట్టు ఉంది  అని ఆయన ట్వీట్ చేశారు.సీఎం గృహనిర్బంధంలో ఉన్నారని ఆప్ పార్టీ  అంటోందని, కానీ పోలీసులు మాత్రం దీన్ని ఖండిస్తున్నారని ఆయన అన్నారు. ఇలా ఎందుకు జరిగిందో  తెలియడంలేదన్నారు. ఏమైనా  ఈ విధమైన యవ్వారం ఎప్పుడో, ఎక్కడో చూసినట్టు గుర్తు అని వ్యంగ్యంగా వ్యాఖ్యానించారు. కాగా-తమ ముఖ్యమంత్రి రాకపోకలపై ఎలాంటి ఆంక్షలు లేవని ఢిల్లీ సీపీ సతీష్ గోల్చా తెలిపారు. ముఖ్యమంత్రిని ఆపడానికి తామెవరమన్నారు. ఆప్ ఆరోపణలు నిరాధారమని ఆయన స్పష్టం చేశారు.