Breaking News
  • భారత్ లో కరోనా కల్లోలం 18 లక్షల 55 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 1855746 దేశ వ్యాప్తంగా యాక్టీవ్ కేసులు: 586298 కరోనా నుంచి డిశ్చార్జ్ అయిన బాధితులు: 1230510 దేశం మొత్తం కరోనా తో మృతుల సంఖ్య : 38938 దేశ వ్యాప్తంగా గడచిన 24 గంటలలో 52050 కరోనా కేస్ లు, 803 మంది మృతి
  • తెలంగాణ బీజేపీ కార్యాలయానికి కరోనా ఎఫెక్ట్. కార్యాలయాన్ని సోమవారం వరకు మూసి ఉంచాలని నిర్ణయించిన రాష్ట్ర నాయకత్వం. జాతీయ పార్టీ కీలక నేతలు కరోనా బారిన పడటంతో రాష్ట్ర కార్యాలయంలోకి ఎవరినీ అనుమతించ కూడదని నిర్ణయం.
  • అమరావతి : ఏపీ హైకోర్టు కీలక నిర్ణయం. 3రాజధాని అంశంపై హైకోర్టు విచారణ. రాజధాని తరలింపుపై స్టే ఇచ్చిన హైకోర్టు. గవర్నర్ గెజిట్ పై స్టే ఇచ్చిన ఏపీ హైకోర్ట్.
  • రాజధాని కార్యకలాపాల వికేంద్రీకరణ, సీఆర్డీయే రద్దు చట్టాలపై స్టేటస్‌ కో విధించిన హైకోర్టు. యథాతథ స్థితి కొనసాగించాలని ఆదేశించిన హైకోర్టు. 10 రోజులపాటు స్టేటస్‌ కో ఉత్తర్వులు కొనసాగుతున్న హైకోర్టు. రెండు బిల్లులకు సంబంధించి ఇదివరకే గెజిట్‌ విడుదల. తదుపరి కార్యకలాపాలపై స్టేటస్‌ కో విధించిన హైకోర్టు.
  • అమరావతి: విశాఖ ఎల్జీ పాలిమర్స్ కేసులో 12 మందికి బెయిల్ మంజూరు చేసిన ఏపీ హైకోర్టు. కొరియాకు చెందిన సీఈఓ, డైరెక్టర్ సహా మొత్తం 12 మందికి కండిషన్ బెయిల్ ఇస్తూ ఆదేశాలు. స్టెరైన్ గ్యాస్ నిల్వ లో నిర్లక్ష్యంగా వ్యవహరించారని నమోదైన కేసులో వీరిని అరెస్టు చేసిన విశాఖ పోలీసులు.
  • Ccmb డైరెక్టర్ రాకేష్ మిశ్రా . జర్నల్స్ పై ఫార్మాకంపెనీల వత్తిడిపై ట్విట్టర్లో స్పందించిన Ccmb డైరెక్టర్. సైంటిస్టులు, జర్నల్స్ పై వివిధ ఫార్మాకంపెనీలు వత్తిడి చేయడం సరి కాదు. దైవంలా భావించే జర్నల్స్ మీద ఒత్తిడి సిగ్గుచేటు. ఆర్థికంగా బలమైన ఫార్మా కంపెనీలు తమ పరిశోథన పత్రాలను ప్రచురించమని వత్తిడిచేయడం సరైందికాదు . తమ పరిశోధనలను అంగీకరించమని జర్నల్స్ పై వత్తిడి మంచిది కాదు. ది లాన్సేంట్, ది న్యూ ఇంగ్లాండ్ జర్నల్ ఆఫ్ మెడిసిన్ లు వివిధ కంపెనీల వత్తిడిని బయటపెట్టడం ఆందోళన కల్గిస్తోంది.
  • మరో మూడు కార్పొరేట్‌ ఆస్పత్రులకు కోవిడ్ సేవలు కట్...! హైదరాబాద్ లో కరోనా ట్రీట్ మెంట్ చేస్తున్న మరికొన్ని ఆస్పత్రులకు ఆరోగ్య నోటీసులు. అధిక ఫీజులు వసూలు చేస్తున్న ఆస్పత్రులపై ప్రభుత్వం యాక్షన్ .

నాని కొత్త మూవీ.. హిట్ కాంబినేషన్‌కు బ్రేక్‌లు..!

break for Hit combo, నాని కొత్త మూవీ.. హిట్ కాంబినేషన్‌కు బ్రేక్‌లు..!

నాచురల్ స్టార్ నాని తన నెక్ట్స్ మూవీని ప్రకటించేశాడు. ‘నిన్నుకోరి’ సినిమాతో తన కెరీర్‌లో గుర్తుండిపోయే హిట్‌ను ఇచ్చిన శివ నిర్వాణకు మరో అవకాశం ఇచ్చాడు. ఈ ఇద్దరి కాంబినేషన్‌లో ‘టక్ జగదీష్’ అనే చిత్రం రాబోతోంది. దీనిపై అధికారిక ప్రకటన ఇచ్చేసిన చిత్ర యూనిట్.. ప్రీ లుక్‌ను కూడా విడుదల చేసింది. ఆ లుక్‌‌ను చూస్తుంటే.. శివ నిర్వాణ గత చిత్రాలకు భిన్నంగా ఈ మూవీ మాస్ ఎంటర్‌టైనర్‌గా తెరకెక్కబోతున్నట్లు అర్థమవుతోంది.

ఇక ఈ మూవీలో నాని సరసన రీతూ వర్మ, ఐశ్వర్య రాజేష్‌లు హీరోయిన్లుగా నటించబోతున్నారు. షైన్ స్క్రీన్ సంస్థ నిర్మిస్తోన్న ఈ చిత్రానికి థమన్ సంగీతం అందించబోతున్నాడు. కాగా నాని, థమన్ కాంబినేషన్‌లో తెరకెక్కబోతోన్న మొదటి చిత్రం ఇదే కావడం విశేషం. అయితే శివ నిర్వాణ ఇప్పటివరకు రెండు చిత్రాలను తెరకెక్కించగా.. అవి రెండు లవ్ ఫెయిల్యూర్ నేపథ్యంలో తెరకెక్కినవే. ఇక ఫీల్‌గుడ్ మూవీలుగా తెరకెక్కిన ఈ రెండు సినిమాలకు మలయాళ మ్యూజిక్ డైరక్టర్ గోపి సుందర్‌నే సంగీతం అందించాడు.

అయితే ‘మజిలీ’ సినిమా సమయంలో చిత్ర యూనిట్‌కు, సంగీత దర్శకుడు గోపి సుందర్‌కు అభిప్రాయబేధాలు వచ్చినట్లు అప్పట్లో వార్తలు వచ్చాయి. దీంతో అలిగిన గోపి సుందర్.. ‘మజిలీ’ చిత్రానికి బ్యాక్‌గ్రౌండ్ ఇవ్వనని తెగేసి చెప్పాడని.. రిలీజ్ డేట్ దగ్గర పడుతుండటంతో చేసేదేం లేక నిర్మాతలు థమన్‌తో బ్యాక్‌గ్రౌండ్ మ్యూజిక్ చేయించుకున్నారని అప్పట్లో టాక్ బాగా వినిపించింది(కాగా మజిలీ సినిమా బ్యాక్‌గ్రౌండ్ విషయంలో థమన్ మెప్పించినా.. అదంతా ప్రియతమా, ప్రియతమా సాంగ్‌ హమ్మింగ్ మాత్రమే ఉంటుంది అది వేరే విషయం). అంతేకాదు ఈ విషయంలో నిర్మాతల మండలిలో గోపి సుందర్‌పై, మూవీ యూనిట్ ఫిర్యాదు చేసినట్లు కూడా పుకార్లు వినిపించాయి. ఇక తాజా సమాచారం ప్రకారం వీరిద్దరి మధ్య ఆ అభిప్రాయబేధాలు తొలిగినట్లు లేవు. అందుకే ఇప్పుడు నాని మూవీ కోసం శివ నిర్వాణ, థమన్‌ను తీసుకున్నట్లు తెలుస్తోంది.

break for Hit combo, నాని కొత్త మూవీ.. హిట్ కాంబినేషన్‌కు బ్రేక్‌లు..!

కాగా థమన్‌తో పోలిస్తే గోపి సుందర్‌ మెలోడీ పాటలు ఇవ్వడంలో దిట్ట. తెలుగులో ‘మళ్లీ మళ్లీ ఇది రాని రోజు’, ‘నిన్ను కోరి’, ‘మజిలీ’, ‘మజ్ను’, ‘భలే భలే మగాడివోయ్’, ‘గీతా గోవిందం’, ‘ఊపిరి’ వంటి ప్రేమ కథా చిత్రాలకు గుర్తుండిపోయే సంగీతాన్ని ఇచ్చాడు గోపి సుందర్. మరోవైపు నానికి కూడా హ్యాట్రిక్ హిట్లను ఇచ్చాడు ఈ సంగీత దర్శకుడు. ఇంకా చెప్పాలంటే ‘భలే భలే మగాడివోయ్’, ‘మజ్ను’ సినిమాలకు గోపి సుందర్ ఇచ్చిన మ్యూజిక్‌ను మెచ్చే.. నాని, అతడిని శివ నిర్వాణకు పరిచయం చేసినట్లు కూడా టాక్ ఉంది. అయితే శివ నిర్వాణకు, గోపి సుందర్‌కు ‘మజిలీ’ సినిమా విషయంలో గొడవ రావడంతో.. నాని కూడా ‘టక్ జగదీష్‌’కు తన సెంటిమెంట్ మ్యూజిక్ డైరక్టర్‌ను వదులుకున్నట్లు తెలుస్తోంది. ఏది ఏమైనా అసలు శివ నిర్వాణ, గోపి సుందర్‌ మధ్య ఏం జరిగింది..? వారిద్దరి కాంబోలో ఇకపై సినిమాలు రావా..? అన్న విషయాలకు కాలమే సమాధానం చెప్పాలి. కాగా నాని ప్రస్తుతం మోహన్ కృష్ణ ఇంద్రగంటి దర్శకత్వంలో ‘వి’ చిత్రంలో నటిస్తుండగా.. ఈ మూవీ వచ్చే ఏడాది ప్రేక్షకుల ముందుకు రానుంది.

Related Tags