Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

మినిస్టర్ మేడమ్..వి సెల్యూట్ యూ!

Odisha Minister Wins Hearts With Good Gesture, మినిస్టర్ మేడమ్..వి సెల్యూట్ యూ!

రాష్ట్ర మంత్రి అంటే ఆ హంగు, ఆర్భాటాలు వేరు. ఎక్కడికి వెళ్లినా వీఐపీ ట్రీట్‌మెంట్, అనుయాయుల హడావిడి, పూల దండలు, సన్మానాలు  ఇవన్నీ ఉంటాయి. కానీ ఒడిస్సాకు చెందిన మహిళా మంత్రి ఇందుకు పూర్తి భిన్నం. తాను నిర్వర్తిస్తున్న మహిళ, శిశు సంక్షేమం, విద్యుత్ శాఖలకు ఆవిడ పూర్తి న్యాయం చేయడానికి ప్రయత్నిస్తూ ఉంటారు. ఆమె పేరు టికుని సాహూ.

ఇటీవల ఆవిడ చేసిన పనితో సోషల్ మీడియా వ్యాప్తంగా ప్రశంసలు అందుకుంటున్నారు. టిట్లాగఢ్​లోని ఓ దివ్యాంగ బాలల సంరక్షణ కేంద్రాన్ని సందర్శించిన ఆమె… పిల్లల కాళ్లకు కొత్త బూట్లు తొడిగి వారికి మరపురాని అనుభూతి మిగిల్చారు. సామాజిక మాధ్యమాల్లో ఆ ఫోటోస్ చక్కర్లు కొడుతున్నాయి. మంత్రి గారి మంచి మనసుకు పలువురు అభినందనలు తెలియజేస్తున్నారు.