ఓ..పిట్ట కథ :మూవీ రివ్యూ .

కొన్ని సినిమాలకు ఇండస్ట్రీ నుంచి మంచి సపోర్ట్ ఉంటుంది. ఫ్రైడే రిలీజ్‌ అయిన 'ఓ పిట్ట కథ' కూడా అలాంటి చిత్రమే. ఈ సినిమాకు టైటిల్‌ పెట్టిందే త్రివిక్రమ్‌. ప్రీ రిలీజ్‌ ఈవెంట్‌కు చిరంజీవి సపోర్ట్ చేశారు. సినిమా ప్రమోషన్‌కు అనిల్‌ రావిపూడి టీమ్‌ని ఇంటర్వ్యూ చేశారు.

ఓ..పిట్ట కథ :మూవీ రివ్యూ .
Follow us

|

Updated on: Mar 06, 2020 | 4:58 PM

నిర్మాణ సంస్థ: భవ్య క్రియేషన్స్ నటీనటులు: విశ్వంత్‌ దుడ్డుంపూడి, సంజయ్‌ రావు, నిత్యా శెట్టి, బ్రహ్మాజీ, బాలరాజు, శ్రీనివాస్‌ భోగిరెడ్డి, భద్రాజీ, రమణ చల్కపల్లి, సిరిశ్రీ, సూర్య ఆకొండి తదితరులు కథ – స్క్రీన్‌ప్లే- మాటలు – దర్శకత్వం: చెందు ముద్దు నిర్మాత: వి.ఆనందప్రసాద్‌ సంగీతం: ప్రవీణ్‌ లక్కరాజు ఆర్ట్: వివేక్‌ అన్నామలై ఎడిటర్‌: డి.వెంకట ప్రభు కెమెరా: సునీల్‌ కుమార్‌.ఎన్‌., ఎగ్జిక్యూటివ్‌ నిర్మాత: అన్నేరవి విడుదల: 06.03.2020 కొన్ని సినిమాలకు ఇండస్ట్రీ నుంచి మంచి సపోర్ట్ ఉంటుంది. ఫ్రైడే రిలీజ్‌ అయిన ‘ఓ పిట్ట కథ’ కూడా అలాంటి చిత్రమే. ఈ సినిమాకు టైటిల్‌ పెట్టిందే త్రివిక్రమ్‌. ప్రీ రిలీజ్‌ ఈవెంట్‌కు చిరంజీవి సపోర్ట్ చేశారు. సినిమా ప్రమోషన్‌కు అనిల్‌ రావిపూడి టీమ్‌ని ఇంటర్వ్యూ చేశారు. ట్విట్టర్‌లో ఎన్టీఆర్‌ బెస్ట్ విషస్‌ చెప్పారు. ఉన్నట్టుండి ఓ చిన్న సినిమాకు ఇంతగా సెలబ్రిటీలు సపోర్ట్ చేయడానికి కారణం లేకపోలేదు. ఈ మూవీతో బ్రహ్మాజీ తనయుడు సంజయ్‌రావు హీరోగా ఎంట్రీ ఇస్తున్నారు. మరి ఇద్దరు హీరోలు, మధ్యలో హీరోయిన్‌తో నడిచే ఈ మూవీ ప్రేక్షకులకు నచ్చుతుందా? కథ పుట్టినప్పుడే తల్లిని పోగొట్టుకుంటుంది వెంకటలక్ష్మి (నిత్యాశెట్టి). తండ్రి గారాబంగా పెంచుకుంటాడు. వాళ్లున్న ఇల్లు, వెంకటలక్ష్మి పేరు మీద ఓ థియేటర్‌ తప్ప వారికి చెప్పుకోదగ్గ ఆస్తులు కూడా ఏమీ ఉండవు. తండ్రికి చెప్పకుండా ఏమీ చేయని వెంకటలక్ష్మి ఉన్నట్టుండి కనిపించకుండా పోతుంది. ఆమె మిస్‌ అయిన విషయాన్ని మేనల్లుడు (విశ్వంత్‌)తో కలిసి వెళ్లి పోలీసులకు ఫిర్యాదు చేస్తాడు ఆమె తండ్రి. స్టేషన్‌లో ఎస్‌.ఐ (బ్రహ్మాజీ)కి విశ్వంత్‌మీద అనుమానం వస్తుంది. అయితే వెంకటలక్ష్మికి, చైనా నుంచి వచ్చిన మేనల్లుడికి మధ్య ప్రేమ వ్యవహారం ఉందనీ, పెళ్లి నిశ్చయం అయిందని తెలుసుకుని అతన్ని వదిలేస్తాడు. ఈ స్టోరీ తెలుసుకునే క్రమంలోనే అతనికి థియేటర్‌లో పనిచేసే ప్రభు (సంజయ్‌రావు) గురించి తెలుస్తుంది. అతన్ని పిలిచి విచారించినప్పుడు కూడా ఓ లవ్‌స్టోరీ తెలుస్తుంది. అటు చైనా నుంచి వచ్చిన మేనల్లుడు, ఇటు ప్రభు… ఇద్దరూ తమని వెంకటలక్ష్మి ప్రేమిస్తుందని కచ్చితంగా చెబుతారు. ఇంతకీ వెంకటలక్ష్మి ఎవరిని ప్రేమించింది? తండ్రీ, కాలేజీ, థియేటర్‌ తప్ప బయటిప్రపంచం తెలియని ఆమెను ఎవరు ఏం చేశారు? చైనా మేనల్లుడు చెడ్డవాడా? ప్రభు కుట్రపన్నాడా? కూతురు కనిపించకపోవడంతో వెంకటలక్ష్మి తండ్రి ఏమయ్యాడు? వంటివన్నీ ఆసక్తికరమైన అంశాలు. ప్లస్‌ పాయింట్లు – స్క్రీన్‌ప్లే – నటీనటుల పెర్ఫార్మెన్స్ – పచ్చటి లొకేషన్లు – బ్యాక్‌గ్రౌండ్‌ మ్యూజిక్‌ – ఇంట్రస్టింగ్‌ ట్విస్టులు మైనస్‌ పాయింట్లు – పదే పదే అదే సన్నివేశాలు రిపీట్‌ కావడం – కాసింత కన్‌ఫ్యూజన్‌ విశ్లేషణ సినిమాకు పెట్టిన టైటిల్‌, ట్యాగ్‌లైన్‌ పర్ఫెక్ట్ గా సరిపోయాయి. విశ్వంత్‌, నిత్యాశెట్టి, సంజయ్‌రావు ఎవరి పాత్రల్లో వాళ్లు బాగానే చేశారు. లొకేషన్లు కూడా నేచురల్‌గా ఉన్నాయి. ఇంటర్వెల్‌ పాయింట్‌ కూడా ఆకట్టుకుంటుంది. డైలాగులు నేచురల్‌గా ఉన్నాయి. బ్యాక్‌గ్రౌండ్‌ స్కోర్‌ ప్లస్‌ అయింది. చిన్న చిన్న మార్పులతో సన్నివేశాలకు కొత్త అర్థాన్ని చెప్పడానికి చేసిన ప్రయత్నం బావుంది. ప్రతి క్యారక్టర్‌ తాలూకు ఒరిజినల్‌ స్వభావం బయటపడుతున్నప్పుడు థ్రిల్‌ కలుగుతుంది. అయితే అదే సమయం ఆ విషయాన్ని చెప్పడానికి చూపించిన సన్నివేశాలనే రిపీట్‌ చేయడం వల్ల కాస్త బోర్‌ ఫీలింగ్‌ కలుగుతుంది. విశ్వంత్‌ అమ్మాయిలను మోసం చేసి డబ్బులు సంపాదించినట్టు చూపించిన సన్నివేశాల్లో ఎక్కడో లాజిక్‌ మిస్‌ అయినట్టు అనిపిస్తుంది. క్లైమాక్స్ సన్నివేశాల్లో ప్లాన్‌ మొత్తం అమ్మాయి తండ్రికి తెలుసని చెప్పడం, అతనిలోని కన్నింగ్‌ నెస్‌ ని చూపించడం అంత కన్విన్సింగ్‌గా అనిపించదు. అల్లారుముద్దుగా పెంచుకున్న కూతురిని కన్నతండ్రే డబ్బు కోసం అలా వదిలేస్తాడంటే ఎందుకో నమ్మబుద్ధి కాదు. కాస్త వాస్తవానికి దూరంగా ఉన్నట్టు అనిపిస్తుంది. అయితే చెప్పాలనుకున్న కథను దర్శకుడు చక్కగా డీల్‌ చేశారు. మాస్‌ ఎలిమెంట్స్ పెద్దగా కనిపించవు. ట్విస్టులతో కూడిన స్క్రీన్‌ప్లేతో, ఏ సెంటర్లకు కనెక్ట్ అయ్యే కథ ఇది. ఫైనల్‌గా… కన్‌ఫ్యూజన్‌ పిట్టకథ…! – డా. చల్లా భాగ్యలక్ష్మి.