Breaking News
  • గుంటూరు: చిలకలూరిపేటలో జేఏసీ నిరసన దీక్ష. దీక్షను ప్రారంభించిన మాజీ మంత్రి ప్రత్తిపాటి పుల్లారావు. రాష్ట్ర ప్రభుత్వం దుర్మార్గంగా వ్యవహరిస్తోంది-ప్రత్తిపాటి. నాపై, నారాయణపై ఎస్సీ,ఎస్టీ కేసులు పెట్టారు. కోర్టులో ఈ ప్రభుత్వానికి పరాభవం తప్పదు-ప్రత్తిపాటి.
  • అమరావతి: ఏపీలో నిరంకుశ పాలన నడుస్తోంది-కొల్లు రవీంద్ర. మండలి చైర్మన్‌ షరీఫ్‌పై మంత్రుల వ్యాఖ్యలు సరికాదు. సీఎం జగన్‌కు ప్రజలే బుద్ధి చెబుతారు-మాజీ మంత్రి కొల్లు రవీంద్ర.
  • విశాఖ: తహశీల్దార్‌ కార్యాలయాల్లో ఏసీబీ తనిఖీలు. సబ్బవరం, భీమిలి తహశీల్దార్‌ కార్యాలయాల్లో సోదాలు.
  • ప.గో: 13 జిల్లాలు అభివృద్ధే సీఎం జగన్‌ ఆశయం-సామినేని ఉదయభాను. అధికార వికేంద్రీకరణ, అభివృద్ధి వికేంద్రీకరణ రెండూ జరగాలి. మండలి చైర్మన్‌ బిల్లులను సలెక్టు కమిటీ పంపడం సరికాదు. దీనివల్ల రాష్ట్ర అభివృద్ధి ఆలస్యం అవుతుంది-సామినేని ఉదయభాను.
  • అమరావతి: సా.4 గంటలకు గవర్నర్‌తో భేటీకానున్న చంద్రబాబు. మండలిలో జరిగిన పరిణామాలపై గవర్నర్‌కు ఫిర్యాదు చేయనున్న బాబు. అమరావతిని రాజధానిగా కొనసాగించాలని విజ్ఞప్తి. మండలి చైర్మన్‌పై మంత్రులు, వైసీపీ సభ్యుల తీరుపై ఫిర్యాదు. మండలి రద్దు, రాజధాని అంశం, మీడియాపై కేసులను.. గవర్నర్‌ దృష్టికి తీసుకెళ్లనున్న చంద్రబాబు.

ట్రాక్ దాటుతుండగా రైలు ఢీకొని నర్సు మృతి

, ట్రాక్ దాటుతుండగా రైలు ఢీకొని నర్సు మృతి

ఈ మధ్య సెల్ ఫోన్ల వినియోగం పెరిగిపోయింది. నేటి సమాజంలో సెల్‌ఫోన్ అతి ముఖ్యమైన వస్తువుగా మారిపోయింది. ఇయర్ ఫోన్స్ పెట్టకుని పాటలు వింటూ రైల్వే ట్రాక్ దాటుతున్న ఓ యువతి ప్రాణాలు కోల్పోయిన‌ ఘటన హైదరాబాద్‌లో చోటుచేసుకుంది.

ఢిల్లీకి చెందిన రేఖ‌(25) ఖైరతాబాద్‌‌లోని గ్లోబల్ హాస్పిటల్‌లో నర్సుగా పనిచేస్తోంది. గురువారం ఉదయం జిమ్‌కు వెళ్లిన రేఖ ఇయర్ ఫోన్స్ పెట్టుకుని పాటలు వింటూ ఇంటికి బయలుదేరింది. ఖైరతాబాద్ ఎల్‌సీ గేట్-40 వద్ద పట్టాలు దాటేందుకు ప్రయత్నించింది. అదే సమయంలో అటుగా వస్తున్న రైలు హారన్ వేసుకుంటూ వస్తున్నా ఇయర్ ఫోన్స్ పెట్టుకోవడంతో రేఖకు వినిపించలేదు. దీంతో రైలు ఆమెను ఢీకొని వెళ్లిపోయింది. ఈ ఘటనలో రేఖ అక్కడికక్కడే మృతిచెందింది.

రేఖ మృతి సమాచారం తెలుసుకున్న కుటుంబసభ్యులు కన్నీరుమున్నీరయ్యారు. నాంపల్లి పోలీసులు వెంటనే అక్కడికి చేరుకుని రేఖ మృతదేహాన్ని స్వాధీనం చేసుకున్నారు. ఇయర్ ఫోన్స్ పెట్టుకుని రైల్వే ట్రాక్ దాటడం ప్రమాదకరమని హెచ్చరిస్తున్నా చాలామంది పట్టించుకోకుండా ప్రాణాలు కోల్పోతున్నారని రైల్వే పోలీసులు చెబుతున్నారు.