బావా ‘అల’ సూపర్’: ఎన్టీఆర్, బన్నీల ఆసక్తికర సంభాషణ

మాటల మాంత్రికుడు త్రివిక్రమ్ దర్శకత్వంలో స్టైలిష్ స్టార్ అల్లు అర్జున్ నటించిన చిత్రం అల వైకుంఠపురములో. ఇవాళ ప్రేక్షకుల ముందుకు వచ్చిన ఈ చిత్రానికి అన్ని చోట్ల పాజిటివ్ టాక్ వచ్చింది. అంతేకాదు ఇందులో బన్నీ నటన సూపర్ అంటూ అందరూ కామెంట్లు పెడుతున్నారు. ముఖ్యంగా ఈ సంక్రాంతికి ఫ్యామిలీ ఆడియెన్స్‌కు ఈ చిత్రం ఫుల్ మీల్స్ అంటూ విమర్శకులు కూడా తమ అభిప్రాయాన్ని వ్యక్తం చేస్తున్నారు. ఈ నేపథ్యంలో ఈ మూవీని చూసిన ఎన్టీఆర్, సోషల్ మీడియాలో తన రివ్యూను పెట్టారు. ఇక దానికి బన్నీ కూడా సమాధానం ఇచ్చారు. వీరిద్దరి మధ్య జరిగిన ఆసక్తికర సంభాషణ ఇప్పుడు సోషల్ మీడియాలో వైరల్‌గా మారింది.

‘‘అల్లు అర్జున్ నటన అద్భుతం, త్రివిక్రమ్ గారు అద్భుతంగా సినిమాను రాసుకున్నారు. అల వైకుంఠపురములో సినిమా బావుంది. కంగ్రాట్స్ బావా, స్వామి. సహాయనటుడిగా మురళీ శర్మ బాగా నటించారు. థమన్ అందించిన సంగీతం సినిమాకు ఓ పెద్ద అస్సెట్. పీఎస్ వినోద్ సినిమాటోగ్రఫీ చాలా బావుంది. హారిక అండ్ హాసిని నిర్మాణ విలువలు బావుతున్నాయి. చిత్ర యూనిట్ మొత్తానికి కంగ్రాట్స్’’ అంటూ ఎన్టీఆర్ ట్వీట్ చేశారు. ఇక దానికి స్పందించిన బన్నీ.. ‘‘బావా థ్యాంక్యు వెరీ మచ్. త్వరలోనే నిన్ను కలుస్తాను’’ అని కామెంట్ పెట్టారు.

An effortless and terrific performance from @alluarjun and brilliant writing from Trivikram Srinivas garu make #AlaVaikuntapurramuloo a great watch. Congrats Bava and Swamy

— Jr NTR (@tarak9999) January 12, 2020

Bavaaaaaaaa ! Thank you very mucccchhhh . It’s was soo good talking to you … seee you soon ! https://t.co/qgp3b67jiz

— Allu Arjun (@alluarjun) January 12, 2020

అయితే ఫ్యామిలీ ఎంటర్‌టైనర్‌గా తెరకెక్కిన అల వైకుంఠపురములో బన్నీ సరసన పూజా హెగ్డే నటించగా.. సుశాంత్, నవదీప్, టబు, జయరామ్, నివేథా పేతురాజ్, సునీల్ తదితరులు కీలక పాత్రలలో కనిపించారు. హారిక అండ్ హాసిని, గీతా ఆర్ట్స్ సంయుక్తంగా ఈ చిత్రాన్ని నిర్మించారు.