లండన్‌ వీధుల్లో ఘనంగా బోనాల జాతర

తెలంగాణ రాష్ట్ర పండుగ బోనాల జాతర లండన్‌లో వైభవంగా జరిగింది. టాక్ ఆధ్వర్యంలో జరిగిన ఈ వేడుకలకు పెద్ద సంఖ్యలో తెలుగువారు హాజరై లండన్ వీధుల్లో తొట్టెల ఊరేగింపు నిర్వహించారు. ఈ సంబరాల్లో పోతురాజు వేషధారణ ప్రవాసులతో పాటు స్థానికులను కూడా మంత్ర ముగ్ధులను చేసింది. తెలంగాణలో జరుపుకున్నట్లు సంప్రదాయబద్ధంగా పూజలు చేసి, మేళా తాళాల మధ్య హన్సలౌ వీధుల్లో తొట్టెల ఊరేగింపు ఘనంగా నిర్వహించారు. దీంతో లండన్ వీధులు కొత్త శోభను సంతరించుకున్నాయి.