చేతి శానిటైజర్లలో ‘మంచివీ’…’మామూలువీ’!

కరోనా వైరస్ నివారణకు వాడే హ్యాండ్ శానిటైజర్లు ప్రపంచ వ్యాప్తంగా హాట్ కేకుల్లా అమ్ముడుపోతున్నాయి.  కరోనా వ్యాధికి కారణమయ్యే మైక్రోబ్స్ ని ఇవి నాశనం చేస్తాయి. అసలు, సబ్బు, నీరు లేనప్పుడు ఈ శానిటైజర్లను విధిగా వాడవలసిందే.. అయితే వీటిలో రెండు రకాలున్నాయట. ఆల్కహాలుతో కూడినవి ఒకరకమైతే.. ఆల్కహాలు లేనివి రెండో రకం. ఆల్కహాలుతో కూడినవాటిలో ఐసోప్రొఫైల్ ఆల్కహాల్, ఈథనాల్, లేదా ఎన్. ప్రాపనాల్ ఉంటాయి. ఈ టైపు శానిటైజర్లు వివిధ రకాల బ్యాక్టీరియాలను నాశనం చేస్తాయి. రైనోవైరస్, హెపటైటిస్ వైరస్, ఇన్ ఫ్లుయెంజా వైరస్ తదితర వైరస్ లను ఇవి నశింపజేయగలుగుతాయి. కొన్ని వైరస్ ల చుట్టూ ఉండే ఎన్ వెలప్ ప్రోటీన్ ను ఇవి దెబ్బ తీస్తాయని నిపుణులు చెబుతున్నారు. అయితే ఆల్కహాలు కంటెంట్ తక్కువ ఉండే శానిటైజర్లు ఈ టైపు వాటికన్నా అత్యంత సాధారణమైనవని, కొన్ని వైరస్ లను ఇవి నాశనం చేయజాలవని వారంటున్నారు. ఏమైనా సబ్బు, నీటితో తరచూ చేతులు శుభ్రపరచుకోవడమే మేలని అంటున్నారు.