కిమ్‌ ఇలాకాలో “కరోనా”..! ఊరుకుంటాడా.. దారుణం చేయించేశాడు..

నార్త్ కొరియా.. పేరు వింటే చాలు.. వెంనే ఆ దేశ అధ్యక్షుడు కిమ్ జోంగ్ ఉన్ గుర్తుకురాక మానడు. అంతేనా.. అతన్ని చూస్తే చాలు.. ఆ దేశంలో ఉండే కఠినాతికఠిన శిక్షలు గుర్తుకొచ్చేస్తాయి. తాజాగా ప్రపంచాన్ని వణికిస్తోన్న కొవిడ్-19 (కరోనా వైరస్) విషయంలో అక్కడి ప్రభుత్వం ప్రవర్తించిన తీరుపై సర్వత్రా ఆగ్రహం వ్యక్తమవుతోంది. అసలు నార్త్ కొరియాలో మానవత్వం అనేది ఉందా అన్న ప్రశ్నలు తలెత్తుతాయి. అక్కడ జాలి, దయ అనే పదాలకు తావుండదన్న విషయం కొవిడ్-19 ఘటన విషయంలో తెలుస్తోంది. కరోనా వైరస్ ఉందన్న అనుమానంతో ఏకంగా ఓ వ్యక్తిని కాల్చేశారు అక్కడి అధికారులు.

ఇక వివరాల్లోకి వెళితే.. ఉత్తర కొరియాకు చెందిన ఓ అధికారి.. చైనా టూర్‌ ముగించుకుని.. నార్త్ కొరియాకు చేరుకున్నాడు. అయితే చైనా టూర్ నుంచి వచ్చాక అతనికి కరోనా వచ్చిందన్న అనుమానంతో అతడిని బయటికి రావొద్దని కఠిన నిబంధనలు పెట్టారు. అంతేకాదు.. అతనిపై ప్రత్యేక టీం నిఘా కూడా పెట్టింది. అయితే సదరు వ్యక్తి ఆ నిబంధనలు ఉల్లంఘించి ఓ పబ్లిక్ టాయిలెట్ దగ్గర తిరుగుతూ కనిపించాడు. అంతే.. వెంటనే రంగంలోకి దిగిన పోలీసులు.. అతడిని అరెస్ట్ చేశారు. అంతటితో ఆగకుండా.. వెంటనే అతడిని సజీవంగా కాల్చిపారేశారు. పైగా.. వైరస్ ఇతరులకు వ్యాపించకుండా ఉండేందుకే ఈ నిర్ణయం తీసుకున్నట్లు అక్కడి అధికారులు నిస్సిగ్గుగా చెప్తున్నారు. మరొవైపు.. తమ దేశంలో కరోనా బాధితులు ఎవరూ లేరంటూ ఉత్తర కొరియా ప్రకటనలు కూడా చేస్తోంది. ఇక చైనా నుంచి పూర్తిగా రాకపోకలను నియంత్రించింది. అంతేకాదు.. చైనా సరిహద్దులను పూర్తిగా మూసేసింది. ఎవరైనా చైనాకు వెళ్లడానికి ప్రయత్నిస్తే.. వారకి కఠిన శిక్షలు తప్పవని హెచ్చరికలు జారీ చేసింది.