నోకియా నుంచి నాలుగు ఫోన్లు
ఫిన్ లాండ్ కు చెందిన మొబైల్ దిగ్గజ సంస్థ నోకియా మళ్లీ ఫాంలోకి వస్తోంది. భారతమార్కెట్లోకి ఒకేసారి 4కొత్త ఫోన్లు ప్రవేశపెట్టింది ఇందులో రెండు తక్కువ బడ్జెట్ ఫీచర్ ఫోన్లు కాగా, రెండు స్మార్ట్ ఫోన్లను తీసుకొస్తోంది. నోకియా 5.3 , నోకియా C3 స్మార్ట్ ఫోన్లు కాగా, నోకియా 125, నోకియా 150 చిన్న కీ ఫ్యాడ్ ఫోన్లు ఉన్నాయి. బడ్జెట్-మిడ్-రేంజ్ లో స్మార్ట్ఫోన్ నోకియా 5.3 ఉండగా, ఎంట్రీ లెవల్ లో నోకియా సీ […]
ఫిన్ లాండ్ కు చెందిన మొబైల్ దిగ్గజ సంస్థ నోకియా మళ్లీ ఫాంలోకి వస్తోంది. భారతమార్కెట్లోకి ఒకేసారి 4కొత్త ఫోన్లు ప్రవేశపెట్టింది ఇందులో రెండు తక్కువ బడ్జెట్ ఫీచర్ ఫోన్లు కాగా, రెండు స్మార్ట్ ఫోన్లను తీసుకొస్తోంది. నోకియా 5.3 , నోకియా C3 స్మార్ట్ ఫోన్లు కాగా, నోకియా 125, నోకియా 150 చిన్న కీ ఫ్యాడ్ ఫోన్లు ఉన్నాయి. బడ్జెట్-మిడ్-రేంజ్ లో స్మార్ట్ఫోన్ నోకియా 5.3 ఉండగా, ఎంట్రీ లెవల్ లో నోకియా సీ 3, ఫీచర్ ఫోన్ల విభాగంలో నోకియా 125, నోకియా 150 లను ఆవిష్కరించింది. ఈ ఫోన్లు వివిధ ధరలు, వేరియంట్లలో లభ్యమవుతున్నాయి.
నోకియా 5.3 మోడల్ రెండు వేరియంట్లలో లభిస్తుంది. 4 జీబీ ర్యామ్ బేస్ వేరియంట్ ధర రూ .13,999 కాగా, 6 జీబీ ర్యామ్ మోడల్కు రూ . 15,499గా నిర్ణయించారు. ఈ ఫోన్ సెప్టెంబర్ 1 నుండి కొనుగోలు చేయవచ్చు. జియోతో పాటు బ్యాంక్ తరపు ఆఫర్లు కూడా వర్తిస్తాయి.
నోకియా సీ 3 విషయానికొస్తే, సెప్టెంబర్ 17 నుండి నోకియా ఆన్లైన్ స్టోర్, ఆఫ్లైన్ రిటైల్ చెయిన్ ద్వారా భారతదేశంలో ఈ ఫోన్ లభిస్తుంది. 2 జీబీ / 16 జీబీ వేరియంట్ ధర 7,499 రూపాయలు కాగా, 3 జీబీ / 32 జీబీ వేరియంట్ 8,999 రూపాయలు ఉంది.