ఆపిల్ వినియోగదారులకు నిరాశ

ఆపిల్ వినియోగదారులకు ఆ కంపెనీ ఓ బ్యాడ్ న్యూస్ తెలిపింది. ఆపిల్ కంపెనీ నుంచి వైర్‌లెస్ చార్జర్‌ను త్వరలో ప్రవేశపెడుతున్నామని ఇచ్చిన ప్రకటనను కంపెనీ వెనక్కి తీసుకుంది. 2017 సెప్టెంబర్ లో ఓ ప్రకటనలో ఆపిల్ కంపెనీ.. వచ్చే రెండేళ్లలో వైర్‌లెస్ చార్జర్ ను ప్రవేశపెడుతామని ప్రకటించింది. అయితే చార్జర్ తయారీలో కొన్ని లోపాలు ఉండటంతో ప్రస్తుతం దానిని ప్రవేశ పెట్టలేకపోతున్నామని కంపెనీ బ్లాగ్‌లో వెల్లడించింది. ప్రస్తుతం తయారు చేసిన చార్జర్ త్వరగా వేడెక్కుతుందని.. దీనివల్ల ప్రమాదాలు జరిగే అవకాశం ఉందని పేర్కొంది. అయితే భవిష్యత్తులో ఇప్పుడు తయారు చేసిన చార్జర్ అన్ని పరీక్షల్లో నెగ్గితే వినియోగదారులకు అందుబాటులోకి తెస్తామని హార్డ్‌వేర్ ఇంజనీర్లు వెల్లడించారు.