Breaking News
  • ఎన్‌ఆర్సీ బీజేపీ కార్యాలయంలో తయారుచేసే చట్టం కాదు. ఇప్పటికిప్పుడు కేవలం సీఏఏ గురించే ఆలోచిస్తున్నాం. ఎన్‌ఆర్సీపై ఇప్పుడు ఎలాంటి చర్చ జరపడం లేదు-మురళీధర్‌రావు. అసోంలో ఎన్‌ఆర్సీ విధానాన్ని సుప్రీంకోర్టు పర్యవేక్షిస్తోంది. అసోంలో అమలవుతున్న ఎన్‌ఆర్సీ విధానాలే.. దేశం మొత్తం మీద ఉంటుందని భావించలేం-మురళీధర్‌రావు. అసోంతో ఇతర రాష్ట్రాల పరిస్థితులను పోల్చలేం. -బీజేపీ జాతీయ ప్రధాన కార్యదర్శి మురళీధర్‌రావు.
  • చిత్తూరు: సోమల అటవీప్రాంతంలో ప్రేమజంట ఆత్మహత్య. చెట్టుకు ఉరేసుకుని ఆత్మహత్య చేసుకున్న హేమలత, ముని. పది రోజుల నుంచి కనిపించకుండా పోయిన హేమలత, ముని. ఇంటర్‌ చదువుతున్న హేమలత, ఆటో నడుపుతున్న ముని.
  • తూ.గో: రంపచోడవరం మండలం చిలకమామిడిలో గిరిజనుల ఆందోళన. సోమిరెడ్డి అనే వ్యక్తి మృతదేహంలో ఐటీడీఏ ఎదుట ఆందోళన. రంపచోడవరం ఏరియా ఆస్పత్రికి సూరింటెండెంట్‌పై.. చర్యలు తీసుకోవాలని పీవోని కలిసిన సోమిరెడ్డి బంధువులు, గ్రామస్తులు. సరైన వైద్యం అందుబాటులోలేక ప్రాణాలు పోతున్నాయంటున్న గ్రామస్తులు.
  • మావోయిస్టు పార్టీల నేతలు అక్రమ వసూళ్లకు పాల్పడుతున్నారు మావోయిస్టుల నేతల అక్రమ వసూళ్లకు ప్రజలు సహకరించొద్దు మావోయిస్టు నేతలకు అక్రమంగా డబ్బులు వసూలు చేసే.. సర్వేష్‌, పెద్దిరెడ్డిని పోలీస్‌ ఇన్‌ఫార్మర్లుగా చిత్రీకరించారు మావోయిస్టు ఉత్తరాలు అందిన వెంటనే పోలీసులకు సమాచారమివ్వాలి -భద్రాద్రి కొత్తగూడెం ఎస్పీ సునీల్‌దత్‌
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. ఈ రోజు శ్రీవారిని దర్శించుకున్న 35,223 మంది భక్తులు. ఈ రోజు శ్రీవారి హుండీ ఆదాయం రూ.4.02 కోట్లు.
  • సూర్యాపేట: హుజూర్‌నగర్‌లో చిన్నారి శ్రావ్య అదృశ్యం. 26 రోజుల నుంచి కనిపించకుండా పోయిన శ్రావ్య. పీఎస్‌లో ఫిర్యాదు చేసిన శ్రావ్య తండ్రి సాంబశివరావు.

భద్రత లేని స్కూళ్లు.. ప్రాణాలు కోల్పోతున్న విద్యార్థులు

, భద్రత లేని స్కూళ్లు.. ప్రాణాలు కోల్పోతున్న విద్యార్థులు

హైదరాబాద్‌లోని ప్రైవేట్ పాఠశాలల్లో చిన్నారులకు రక్షణ కరువవుతోంది. మామూళ్ల మత్తులో పడి విద్యార్థులను సరిగా పట్టించుకోవడం లేదు. విద్యార్థులకు చదువు చెప్పాల్సిన పాఠశాలలు వారి మరణాలకు కేంద్రంగా మారుతున్నాయి. యాజమాన్యాలు ఫీజుల రాబడి చూసుకుంటున్నారే తప్ప.. విద్యార్థులకు భద్రత కల్పించడం లేదు. స్కూల్ యాజమానుల నిర్లక్ష్యం విద్యార్థుల జీవితాలతో చెలగాటం ఆడుతోంది. బడిబాటలో విద్యార్థుల బతుకులు చిద్రమవుతున్నాయి. చదువు మాట పక్కన పెడితే వారి ప్రాణాలకు సేఫ్టీ లేకుండా పోతోంది. ఇందుకు వినిక అనే విద్యార్థిని మరణమే కారణం.

పాఠశాలలు ప్రారంభమైన రెండో రోజే దారుణ ఘటన జరిగింది. అందరిలాగే బడికి వెళ్లిన వినిక స్కూల్ బెల్ మోగక ముందే మృత్యు ఒడికి చేరింది. రోజులాగే స్కూల్‌కి వచ్చిన వినిక.. క్లాస్ రూమ్ లో బ్యాగ్ పెట్టింది. కొద్ది సేపటి తర్వాత వినిక పాఠశాల ఐదో అంతస్తు నుంచి ప్రమాదవశాత్తు కిందపడిపోయింది. అది గమనించిన స్థానికులు ఆస్పత్రికి తరలించేలోపే తీవ్రగాయాలతో మృతి చెందింది. నాగోల్ హయత్ నగర్ మండలం తట్టి అన్నారం హనుమాన్ నగర్ కి చెందిన నర్సింగ్ రావు, అనురాధ దంపతుల మూడో కుమార్తె వినిక. చేతికంది వచ్చిన కన్న కూతురు శవమై కనిపించడంతో ఆ తల్లిదండ్రులు విలవిలలాడుతున్నారు. గుండెలు పగిలేలా రోదిస్తున్నారు.

ఐదో అంతస్తులో ఉన్న తరగతి గదిలోని కిటికీకి గ్రిల్స్‌ లేవు. గ్లాస్‌ మాత్రమే బిగించి ఉంది. వినిక ప్రమాదవశాత్తు ఆ కిటికీలోంచి పడిపోయిందా..? లేక ఇంకేదైనా జరిగిందా..? అనేది తెలియలేదు. ఆ సమయంలో తోటి విదార్థులు గదిలో లేకపోవడంతో పడిపోవడానికి కారణమేంటో స్పష్టత లేకుండా పోయింది. సీసీ కెమెరాల్లో కూడా ఈ ఘటనకు సంబంధించిన దృశ్యాలు రికార్డు కాలేదని పోలీసులు చెప్పారు. పిల్లలకు భద్రత కల్పించని యాజమాన్య వైఖరి వల్లే తమ కుమార్తె మృతి చెందిందని వినిక కుటుంబ సభ్యులు ఆగ్రహం వ్యక్తం చేస్తున్నారు. పిల్లలకు భద్రత కల్పించని యాజమాన్యాల పై చర్యలు తీసుకోవాలని కోరుతున్నారు.

Related Tags