అసలు ఆ దాడులు నిజమేనా?- చంద్రబాబు

ఏపీలో పోలింగ్ ముగిసిన తర్వాత కేంద్రంపై విరుచుకుపడుతున్నారు సీఎం చంద్రబాబు. ఎన్నికల సంఘం పనితీరు, ఈవీఎంల యంత్రాలపై ఢిల్లీ వేదికగా గళం వినిపిస్తున్నారు. విపక్ష నేతలతో కలిసి మోదీ ప్రభుత్వంపై నిర్విరామంగా యుద్ధం చేస్తున్నారు. మోదీ కనుసన్నల్లోనే ఈసీ పనిచేస్తోందని, వ్వవస్థలను పొలిటికల్ బెనిఫిట్స్ కోసం బీజేపీ వాడుకుంటుందని మండిపడుతున్నారు. ఈ క్రమంలో కేంద్ర ప్రభుత్వంపై మరో సంచలన ఆరోపణలు చేశారు చంద్రబాబు. మాండ్యాలో కర్నాటక సీఎం కుమారస్వామి కొడుకు నిఖిల్‌కు మద్దతుగా ఎన్నికల ప్రచారం నిర్వహించిన ఆయన…బాలాకోట్ వైమానిక దాడులపై అనుమానాలు వ్యక్తం చేశారు. పాకిస్తాన్‌లో ఉగ్రవాదులెవరూ చనిపోలేదని..కేంద్రమే డర్టీ పాలిటిక్స్ చేస్తోందని సంచలన వ్యాఖ్యలు చేశారు. దాన్ని తాము ప్రశ్నిస్తే దేశ ద్రోహులని అంటున్నారని తెలిపారు. పాకిస్తాన్ ప్రధాని ఇమ్రాన్ ఖాన్ మోదీని పొగిడారు. పాకిస్తాన్ ప్రధాని, ఇండియా ప్రధాని ఒక్కటే. ఇద్దరూ కలిసి డర్టీ పాలిటిక్స్ చేస్తున్నారు. మేమే అసలైన దేశభక్తులం అని చంద్రబాబు వ్యాఖ్యానించారు.