Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 82 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 182143. దేశ వ్యాప్తంగా యాక్టీవ్ కేసులు: 89995. కరోనా నుంచి డిశ్చార్జ్ అయిన బాధితులు: 86984. దేశం మొత్తం కరోనా తో మృతుల సంఖ్య : 5164. కేంద్ర ఆరోగ్య మంత్రిత్వ శాఖ.
  • రాష్ట్రంలో లాక్ డౌన్ ను జూన్ 30 వరకు పొడిగించాలని ముఖ్యమంత్రి కె. చంద్రశేఖర్ రావు నిర్ణయించారు. లాక్ డౌన్ కు సంబంధించి కేంద్ర ప్రభుత్వం జారీ చేసిన తాజా ఆదేశాల నేపథ్యంలో ముఖ్యమంత్రి కె. చంద్రశేఖర్ రావు సి.ఎస్ సోమేశ్ కుమార్, డిజిపి మహేందర్ రెడ్డి తదితర ఉన్నతాధికారులతో చర్చించారు. కంటైన్మేంట్ జోన్లు మినహా ఇతర ప్రాంతాల్లో కేంద్ర ప్రభుత్వం సూచించిన సడలింపులను అమలు చేయాలని నిర్ణయించారు. కంటైన్మంట్ జోన్లలో కట్టుదిట్టంగా లాక్ డౌన్ ను అమలు చేయాలని అధికారులను ఆదేశించారు. రాత్రి పూట కర్ఫ్యూ కూడా రాత్రి 9 గంటల నుంచి ఉదయం 5 గంటల వరకు అమలు చేయాలని ఆదేశించారు.
  • విశాఖ: డాక్టర్ సుధాకర్ కేసు. కేజీహెచ్ లో రెండో రోజు ముగిసిన సీబీఐ విచారణ. కేజీహెచ్ వైద్యాధికారులతో మాట్లాడిన సీబీఐ అధికారి. సీసీ ఫుటేజీని పరిశీలించిన సీబీఐ. 16 న క్యాజువాల్టీలో డాక్టర్ సుధాకర్ కు పరీక్షలు చేసిన కేజీహెచ్ వైద్యులు.
  • ఢిల్లీ లో కరోనా విజృంభన. ఢిల్లీ లో కొత్తగా 1295 కరోనా పాజిటివ్ కేస్ లు ,13 మంది మృతి. ఢిల్లీ రాష్ట్రంలో 19844 కి చేరిన కరోనా కేసులు నమోదు. 473 మంది కరోనా తో మృతి
  • రుతుపవనాలు ఇంకా కేరళ తీరానికి తాకలేదు. దీని పై మేము క్రమం తప్పకుండా మానిటరింగ్ చేస్తున్నాం. జూన్ 1 నుండి పరిస్థితులు అనుకూలంగా ఉంటాయని అనుకుంటున్నాం. ఆగ్నేయ అరేబియా సముద్రం, లక్షద్వీప్ సమీపంలో ఈ రోజు అల్ప పీడనం ఏర్పడింది. జూన్ 2 కి తుఫానుగా మారుతుందని మేము అనుకుంటున్నాం. జూన్ 3 సాయంత్రం నాటికి గుజరాత్ ,ఉత్తర మహారాష్ట్ర తీరం వైపుకు చేరుకుంటుంది. మృత్యుంజయ్ మోహపాత్రా, ఢిల్లీ IMD.
  • జమ్మూ కాశ్మీర్‌లో సీనియర్ ఐఎఎస్ అధికారి కి కరోనా పాజిటివ్‌. ఆయనతో పాటు సమావేశానికి హాజరైన పలువురు అధికారులు,వైద్యులను హోమ్ క్వారంటైన్ లో వెళ్లాలని సూచన.
  • మొబైల్ సేవల కోసం 11 అంకెల నంబరింగ్ ప్లాన్‌ను ట్రాయ్ సిఫారసు చేసినట్లు కొన్ని మీడియా సంస్థల లో వార్తలు వచ్చాయి. TRAI సిఫారసు ప్రకారం,దేశం లో 10-అంకెల నెంబర్ కొనసాగుతుంది. మేము 11-అంకెల నంబరింగ్ ప్లాన్‌కు మార్చడాన్ని ఖండిస్తున్నాం. టెలికాం రెగ్యులేటరీ అథారిటీ ఆఫ్ ఇండియా.

ఆంధ్రా ప్ర‌జ‌ల‌కు గుడ్ న్యూస్..ఇకపై పాస్‌లు అక్కర్లేదు..!

Corona Update no need of permissions to cross between districts in andhra pradesh now, ఆంధ్రా ప్ర‌జ‌ల‌కు గుడ్ న్యూస్..ఇకపై పాస్‌లు అక్కర్లేదు..!

ఆంధ్ర‌ప్ర‌దేశ్ ప్రజలకు పోలీసులు శుభవార్త‌ చెప్పారు. రాష్ట్రం లోప‌ల‌ ఒక జిల్లా నుంచి మరో జిల్లాకు ప్ర‌యాణించాలంటే పాస్‌లు అవసరం లేదని తెలిపారు. అంతర్ జిల్లాల్లో పాస్‌లు లేకుండా తిరగొచ్చ‌ని చెప్పింది ఏపీ పోలీస్ శాఖ‌. శుక్రవారం నుంచి ఈ అనుమ‌తులు జారీ చేసిన‌ట్టు పోలీసులు ట్విట్టర్ ద్వారా వెల్ల‌డించారు. ఏపీ ప్రజలు చాలామంది ట్విట్టర్ వేదికగా తాము పొరుగు జిల్లాలకు వెళ్లాలని అన‌మ‌తుల కోసం పోలీసు‌లను అభ్య‌ర్థించారు. స‌ద‌రు ట్వీట్ల‌కు రెస్పాండ్ అయిన‌ పోలీసులు.. పొరుగు జిల్లాలకు వెళ్లాలంటే పాస్‌లు అవసరం లేదని స్ప‌ష్టం చేశారు. పాస్‌లు అవ‌స‌రం లేన‌ప్ప‌టికీ నిబంధ‌న‌లు మాత్రం పాటించాల‌ని తేల్చి చెప్పారు. మాస్కులు ధ‌రించ‌డం, భౌతిక దూరం పాటించాల‌ని.. కారుల్లో ముగ్గురికి మించకుండా ప్రయాణించవచ్చన్నారు. అవి కూడా చిన్నాచిత‌క ప‌నుల‌కు కాకుండా..ఏదైనా అత్యవసరమైన పనులు ఉంటేనే వెళ్లాలని సూచిస్తున్నారు. ఎవరైనా రూల్స్ అతిక్ర‌మిస్తే క‌ఠిన‌ చర్యలు త‌ప్ప‌వ‌ని హెచ్చరిస్తున్నారు. ఇక రెడ్, ఆరెంజ్ జోన్స్‌.. కంటైన్మెంట్ ఏరియాల్లో మాత్రం నిబంధనలు య‌థావిధిగా కొనసాగుతాయంటున్నారు. అంతేకాదు క‌ర్ఫ్యూ అమ‌ల‌వుతోన్న నేప‌థ్యంలో ఉదయం ఏడు గంటల నుంచి రాత్రి ఏడు గంటల వరకు మాత్రమే ప‌ర్మిష‌న్ ఉంటుంది. ఆ స‌మ‌యం తర్వాత ఎవ‌రైనా బయటకు వస్తే చర్యలు తప్పవు.

ఇక ఇత‌ర రాష్ట్రాలకు వెళ్లాలన్నా.. పొరుగు రాష్ట్రాల నుంచి ఏపీకి రావాలన్నా అనుమతులు తప్పనిసరి. ఎమ‌ర్జెన్సీ ప‌నుల నిమిత్తం ఇత‌ర రాష్ట్రాల‌కు వెళ్ళేవారికి మాత్రమే పోలీసులు పాస్‌లు జారీ చేయనున్నారు. ఎమ‌ర్జెన్సీ మెడిక‌ల్ ట్రీట్మెంట్, కుటుంబంలో మరణం, ప్రభుత్వ విధి నిర్వహణ, సామాజిక పనులు.. తదితర పనులపై ప్రయాణించాలనుకునే వారికి ఈ-పాస్‌లు జారీ చేయనున్నట్టు పోలీస్ శాఖ తెలిపింది. ఈ-పాస్‌ల కోసం https:citizen.appolice.gov.in అనే వెబ్‌సైట్‌లో అప్లై చేసుకోవాల్సి ఉంటుంది.

Related Tags